9
Mmamiphe; l'ome eswe
1 Mmamiphe gbeshiru je akpụa ụlo;
bya eworu itso ẹsaa gvua ya.
2 Yo gbushia anụ; shia dobe;
bya akụa mẹe;
shia ite dobe.
3 Yọ bya ezi ụnwu-mgbọko,
ejeru iya ozi t'ẹphe je
evudogbaa l'ẹke,
katsụa l'eli lẹ mkpụkpu ono;
raa ya arara; sụ:
4 “T'iphe bụ ndu egomunggo swehuru bya.”
Ndu eswe b'ọ sụru:
5 “Unu bya eria nri, ya shiru;
unu angụa mẹe, ya kụru dobe.
6 Unu haa ome eswe;
tẹ ndzụ dzua unu!
T'iphe dojenua unu ẹnya!
7 Onye, abaru onye ụru-ọnu
m̀bà
m̀bà
bụkwa iphere b'oo jetaru onwiya.
Onye alọkwanu ẹjo madzụ
ẹka lẹ nchị abụru ụswo b'ọ chọ.
8 Ba ahụjekwa onye ụru-ọnu ọgbo;
ọdumeka bẹ ii-dụkwa iya ashị.
Bachịaru onye maru iphe mba;
nggu aphụ l'oo-yeru ngu obu.
9 Lọo onye maru iphe ẹka lẹ nchị;
nggu aphụ l'ọo-kabaaru ọmaru iphe;
Kuziaru onye doberu ẹka ndoo iphe;
yọ kabaaru ọmaru iphe.
10 Ọ kwa ọtsu Ojejoje egvu
bụ ẹke mmamiphe dụberu.
Ọmaru Onye ono,
dụ Nsọ ono abụru iya bụ iphe-odo-ẹnya.
11 Kẹ l'ọ bụ yẹbe mmamiphe
e-me t'ị kaa nka;
e-me t'ị kaa nka;
nọribabee lẹ mgboko-a.
12 Onye maru iphe;
bẹ mmamiphe ebuje nggo.
Onye ụru-ọnu abụru iya
nwẹnkinyi iya e-ri iphe tso iya nụ.”
13 Nwanyi, eme eswe;
bẹ olu iya anọduje ada
eli eli.
eli eli.
Ẹ ta hụ̀du iya àhụ̀hù;
to nwe iphe ọ maru.
14 Ọ dụgajeru l'ifu ibo iya.
Ẹke, kakọta l'eli lẹ
mkpụkpu abụru ẹke,
o jeje je asụgabe onwiya;
15 l'eku iphe bụ ndu eswe esweswe,
ejeru iphe ẹphe eje:
16 “T'iphe bụ onye eswe bata ẹke-a!”
Ndu ọphu egomunggo
swehuru bẹ ọosuje:
17 “Lẹ mini, e zitaru ezita adụjekwaa mma;
nri, e riru lẹ mpya
abụru iya kakọta ọtso ẹna!”
18 Obenu l'ẹphe ta madụ
lẹ ndu, nọ l'ụlo iya bụwa ndu maa.
Ndu, byaru iya ẹbyee anọduwa l'alị-maa.