1 Naychirin pa si Āpo Dyos so tabo nyaya a kāna, 2 “Yaken si ĀPO a Dyos nyo a nangikaro dyinyo do Egipto. On, yaken nangikaro dyinyo do tana a nakaadīpenan nyo.

3 “Magdāyaw kaba do matarek saw a dyos an dyi lang a yakēn.

4 “Mamarin kaba so didyosen*20:4 Leb. 19:4 a para dyimo a machiyengay do aran āngo a myan do hanyit mana do tanaya mana ranomaw do irahem no tanaya.†20:4 No adan a kapanganohed da, ki myan saw tatdo a kasagonod no kahanyihanyitan. Epe 4:10; Pil. 2:10; Pal. 5:3, 13 5 Maysasakeb kaba dyira mana dayāwen mo saba. Ta yaken a ĀPO a Dyos mo, ki maīmon ako a Dyos a mangdōsa siras mangipsokaw dyaken a pakairamānan dan anak da saw a maypābodis do chatatdo naw a manda do chapat naw a kapotōtan. 6 Ki ipaboya ko iyaw dya madyiwadyiway a kadaw ko do rinībo a kapotōtan dan mangadaw dyaken kan mangtongpal siras bilin ko.

7 “Tod mo aba dyābat ngaran ko a ĀPO a Dyos mo. Ta yaken a ĀPO, ki padichanen kwaba do kapangdōsa ko so aran sino a tod a mangsisyabak so ngaran ko.‡20:7 Leb. 19.12; Deot. 5.11

8 “Magngīlin ka so Araw a Kapaynaynahah, kan pachitatārken mo a masantwan.§20:8 Eks. 16:13-30; 23:12; 31:12-17; 34:21 9 Anem a karaw kapaytarabāko mo, kan parinen mo tabo machita mo a tarabāko. 10 Ki do chapapito naw a karaw, ki Araw no Kapaynaynahah a maidāton dyaken a ĀPO a Dyos mo. Do dāwri a araw, maytarabāko kaba so aran āngo: imo, pakairamānan dan anak mo, siraw adīpen mo, siraw binyay mo, kan siraw gan-ganaet a myan a kayanan dyimo. 11 Ta do anem a karaw, pinarin ko kahanyihanyitan kan tanaya, iyaw tāw, as kan tabo a myan dyira, as naynahah ako do chapapito naw a karaw. Dawa, binindisyonan ko Arawaw a Kapaynaynahah, kan pinarin ko a masantwan.

12 “Magdāyaw ka da āmang kan ānang mo tan maynam anchiw kabibyay mo do tana a itoroh ko dyimo a ĀPO a Dyos mo.*20:12 Leb. 19.3; Mt. 15:4; 19:19; Mk. 7:10; Lk. 18.20; Epe. 6:2, 3

13 “Mangdiman kaba so tawo.†20:13 Gen. 6:9; Eks. 21:12; Leb. 24:17; Mt 5.21; Mk 10:19, Lk 18:20; Sant. 2:11

14 “Machikamalāla kaba.‡20:14 Leb. 20:10; Mt. 5:27; 19:18; Mk. 10:19; Lk. 18:20; Rom. 13:9

15 “Manakaw kaba.§20:15 Leb. 19:11; Mt. 19:18; Mk. 10:19; Lk. 18:20; Rom. 13:9

16 “Mangpaneknek kaba so bayataw a maikontra do kapayngay mo a tawo.*20:16 Eks. 23:1; Deot. 5:20

17 “Mayāgom kaba so bahay no kapayngay mo a tawo. Masaw a mayāgom kaba so baket na, adīpen na mahakay mana mabakes, binyay na, mana aran āngo a dyira na.”†20:17 Deot. 5:21; Rom. 7:7

18 Do nakadngey dan tabo tawotawo so adeyaw kan ōnyaw no trompīta a nachirayayan naboya daw a kimat kan tokonaw a manghonghob,‡20:18 Eks. 19:16; Heb. 12:18, 19 naychamirpirpir sa do kāmo da. Nāw da do mabawaw, 19 kan binata da di Moyses a kon da, “Imo danaw maychirin dyamen, as adngeyen namen. Si Āpo Dyos pakono aba a mismo maychirin dyamen, ta āngwan madiman kami.”

20 Ki tinbay ni Moyses tawotawo saw a kāna, “Mamo kamo aba, ta naypabodis si Āpo Dyos a mangsōot dyinyo tan myan iyaw kāmo nyo dya tan dyi kamo a maygatos dya.” 21 Dinitā dan tawotawo saw do mabawaw a ranan ni Moyses a naypasngen do matokpohaw a sari no demdem a yanan Āpo Dyos.

22 Sinpangan na, binata ni ĀPO di Moyses a kāna, “Ibahey mo dyirad Israelita sayaw nya: ‘Mismo nyo a naboya a nachisisirin ako dyinyo a yapo do hanyit. 23 Mamarin kamo aba so aran āngo a dyos a panganawob nyo dyaken. On, polos a dyi kamo a mamarin so dyos a yapo do pirak mana balitok a daydayāwen nyo.

24 “ ‘Pamarin mo yaken so altar a tana, as kapangidāton mo do rabaw naw so dāton saw a masosohan kan dāton saw a pachikapya nyo a siraw karniro, kalding, kan bāka mo saw. Aran dino a chakey ko a pangidaydayāwan mo so ngaran ko, mangay akonchi dyimo kan bindisyonan koymo. 25 An pamarin mo yaken so altar a bato, osaren mo sabaw napōtar saw, ta laposan mo an mangosar ka so rimīnta. 26 As kan an mamarin ka so altar, mapangay kaba so pāngal na tan dya masirip a lābos ka.’ ”§20:26 Eks. 28:42