27
1 Pagpangas mwabaw delak,
ta chapatak mwabaw maparin do asa karaw.
2 Nolay mo kadwan a mangidāyaw dyimo. Iyabaw dangoy mwaw.
Nolay mo matarek a mangidāyaw dyimo. Iyabaw bibi mwaw.
3 Marahmet bato, kan makīlo anay,
ki marahrahmet paw riribok a itoroh no abos arang.
4 Maranggas kan mayrārayaw kasoli,
ki aryoriw mangābak so īmon?
5 Maganaganay kapaydabdab a sisasalap
kan kaitayo so kadaw.
6 Aran paynyinan naymo no sīt mo, maparin mo a talken,
ki no āro a dadek no kabōsor mo, chasaray mwaba.
7 Iyaw nabsoyaw, chaskeh naw tagapolot no yokan,
ki do mapteng, aran makpad, matamiw kapanaham na.
8 Akmay manomanok a machibawa do yanan ketket na,
komwan no matalawataw a dya somabat do bahay na.
9 Iyaw lana kan bangbanglo, ki pasoyoten daymo,
as no kagānas no sīt, ki yapo do maganay a pamagbaga na.
10 Inonolay mwabaw sīt mo kan sīt ni āmang mo,
kan an myan didigra mo, may kaba do bahay no kakteh mo.
Maganaganay karobaw a masngen kan kaktehaw a mateng.
11 Anak ko, somīrib ka, kan pasoyoten mo aktokto ko
tan matbay ko aran sino a mangiroromen dyaken.
12 No mangtokto a nainsirīban, maboya naw dilikādo kan machiwlib,
ki no machononot kapangay nas mayam, kan lak-amen nanchi.*27:12 Prob. 22:3
13 Hapen mo kagay no tawo a pangisigorādo a pagbāyad so ōtang no istranghiro.
Hapen mo a pamagpetan an magkari a magbāyad so ōtang no gan-ganaet.†27:13 Mana “no mangmamabaw so asi a mabakes.” Prob. 20:16
14 No makalyak a mangkablaaw so karoba na a masāpa,
maibidang nawri a abay.
15 No baket a maganay a machidiman,
akmas ranomaw a nāw na maytetedted do araw a machimoy.‡27:15 Prob. 19:13; 21:9; 25:24
16 Iyaw mamenpen sya, akmay mamenpen so salawsaw,§27:16 Mana “iyaw mangitayo sya, (ki akmay) itayo naw salawsaw”.
mana mangemkem so lana do kawanan a tanoro.
17 Akmay pasek a makadib no kapayngay na a pasek,
komwan kapaysinnanawo no dadwa tawo.*27:17 Do Hebreo a chirin, ki “mangadib asa tawo do rōpa no matarek”.
18 No mangonong so igos a kayo, koman anchi so asi na,
as iyaw mangaywan so āmo na, maidāyaw anchi.
19 Akmay ranom a mangispiho so rōpa,
komwan kapangtokto no tawo a mangispiho so katatawo na.
20 Akmay Kadiman kan Karārayaw†27:20 Kadiman kan Karārayaw” do chirin Hebreo, ki “Sheol kan Abaddon”. Prob. 15:11 a dya polos a mapnepnek,
komwan mata no tawo a dya polos marnek.‡27:20 Ekl. 1:8
21 Mapaneknekan kaporo no pirak kan balitok an payongben do apoy,§27:21 Prob. 17:3
ki no katatawo no tawo, ki masōot do dāyaw a rawaten na.
22 Aran asaden mo abos arang a akmay irek do hosong,
maitahep mwabaw kabon sīrib na a yapo dya.
23 Sipsipotan mo kayayan dan karniro mo,
kan chichiban mo sa maganay bāka mo,
24 ta no kinabaknang, ki manayon aba abos pandan,
as kan iyaw kapagāri no āri, ki ditā aba nawri do tabo kapotōtan.
25 Anchan nayabot danaw no bochid, as tomnobo danaw tībek,
kan naibangkal dana saw tametamek a yapo do paytoytokonan,
26 makaparin ka na so laylay mo a yapo do boboh dan karniro.
As siraw kalding mo, makagātang kanchi so tana mo do kwarta a paglakwan mo.
27 Yapo do gātas no kalding mo, manawob anchiw
kanen*27:27 Yapo do gātas, mamarin sa so kanen a akmas keso, kan kadwan. mo kan iyaw pamilya mo
kan aran siraw tobotoboyen mo a mababakes.
*27:12 27:12 Prob. 22:3
†27:13 27:13 Mana “no mangmamabaw so asi a mabakes.” Prob. 20:16
‡27:15 27:15 Prob. 19:13; 21:9; 25:24
§27:16 27:16 Mana “iyaw mangitayo sya, (ki akmay) itayo naw salawsaw”.
*27:17 27:17 Do Hebreo a chirin, ki “mangadib asa tawo do rōpa no matarek”.
†27:20 27:20 Kadiman kan Karārayaw” do chirin Hebreo, ki “Sheol kan Abaddon”. Prob. 15:11
‡27:20 27:20 Ekl. 1:8
§27:21 27:21 Prob. 17:3
*27:27 27:27 Yapo do gātas, mamarin sa so kanen a akmas keso, kan kadwan.