2
Iyaw Nobya di Chadaw Na a Baro
1 Yaken, ki akmay rosas do Tanap a Saron,
kan akmay bakong a tomobo dyirad tantanap.
Iyaw Baro di Ipatpateg Na a Nobya
2 Akmas bakong do kanonōlokan,
komwan si Ipatpateg ko dyirad babbalāsang.
Iyaw Nobya di Chadaw Na a Baro
3 Akmay kayo no mansanas dyirad kayokayo do kahasan,
komwan si Chadaw ko dyirad babbaro.
Chasoyot ko maydisna do abongan na,
kan no asi na, ki maīmas do kapanaham ko.
4 Inyangay na yaken do bahay a pagpaskenan,
kan inpaboya na daw kadaw na dyaken.*2:4 Do Hebreo a chirin, ki “no bandera na a inbayōgan na yaken so bandera, ki kadaw.”
5 Payiten na pakono yaken so inpakan na a tināpay a pasas.
Pasaliwawaen na pakono yaken do mansanas,†2:5 Inanohdan da a nya tināpay, ki akmay āgas dyirad sobra a manglakam so kapayoknod. As siraw maganyit, ki natorohan sa so mansanas a koman mana angoten a pangyingyit da.
ta maydyagānyit ako do taywara a kalakam so kadaw na.
6 Payponganen na yaken do kaholi a tachay na,
as kepkepen na yaken do kawanan a tachay na.
7 Inyo a babbalāsang a taga Jerosalem, isapata nyo pa dyaken
dyirad bomaro a ogsa kan bomalāsang a ogsa‡2:7 Siraw ogsa, ki masanyib a ladāwan sa a kayrayay no mabakes a dyos no adaw, kan simolo sa no kadaw no mahakay kan mabakes. Prob. 5:19 do katamtamkan
a dyi nyo yokayen mana istorbwen adaw mandan kosto a ōras na.
No Chadadwa a Daniw
No Daniw ni Nobya a maynamot di Chadaw Na a Baro
8 Ah, madngey ko tīmek ni Chadaw ko a īto dyaken!
Lomaglagto dyirad tokotokon,
kan homakhaktaw dyirad paytoytokonan.
9 Si Chadaw ko, ki akmay mataray a ogsa mana bomaro a ogsa.
Chiban pa! Tori a maytēnek do dichodan no dyindyin namen
a mangboybōya dyaken do bintan
somirsirip do payawan dan rihas no bintan.
Iyaw Baro di Ipatpateg Na a Nobya
10 Maychirin si Ipatpateg ko, kan batahen na dyaken a kāna,
“Ngay, ka dya mo Chadaw ko.
Imo a mapintas ko, ki machirayay ka dyaken.
11 Ta chiban pa! Homnabas danaw ammyan.
Tayoka danaw chimoy. Mahangan dana.
12 Nakachibaw dana saw sabsabong do tana.
Narapit danaw chimpo no kapagkankanta.
Kapaywāgem dan boyit,
ki madngey dana do tana taya.
13 Omsi dana saw igos a kayo.
Siraw bosak dan ōbas, ki magwaras danaw banglo da.
Ngay, ka dya mo Chadaw ko.
Imo a mapintas ko, ki machirayay ka dyaken.”
14 “Imo a boyit ko, myan ka do ahtahtak daw no bato,
do tayotayowan saw do bakrang no tokon,§2:14 Dawriw yanan binahayan dan boyit, kan ladāwan nyaya a maypāngo kalidyat no mahakay a mangtodah so mabakes.
ipaboya mo dyaken rōpa mo. Ipadngey mo dyaken tīmek mo,
ta matamiw tīmek mo, kan makadadaw rōpa mo.”
Iyaw Nobya a maynamot di Chadaw Na a Baro
15 Tiliwen mo saw bolaw saw a chito.
On, siraw tway saw a mayrārayaw siras kaobāsan,*2:15 Siraw bolaw saw a chito, ki ladāwan dan babbaro a malakam a machoknod. As siraw kaobāsan, ki ladāwan dan babbalāsang.
ta magbosak dana saw kaobāsan taw.
16 Si Chadaw ko, ki dyaken. As yaken, ki dyira na.
Pagarāben na saw arban na do kabakongan.†2:16 Siraw bakong, ki ladāwan no bibi no mabakes.
17 Sakbay a ipol-oy naw salawsaw do kapaysesēdang,
as kakaro dana no sari,
somabat ka na mo Chadaw ko,
kan mayyayo ka akmay bomaro a ogsa do katokotokonan.
*2:4 2:4 Do Hebreo a chirin, ki “no bandera na a inbayōgan na yaken so bandera, ki kadaw.”
†2:5 2:5 Inanohdan da a nya tināpay, ki akmay āgas dyirad sobra a manglakam so kapayoknod. As siraw maganyit, ki natorohan sa so mansanas a koman mana angoten a pangyingyit da.
‡2:7 2:7 Siraw ogsa, ki masanyib a ladāwan sa a kayrayay no mabakes a dyos no adaw, kan simolo sa no kadaw no mahakay kan mabakes. Prob. 5:19
§2:14 2:14 Dawriw yanan binahayan dan boyit, kan ladāwan nyaya a maypāngo kalidyat no mahakay a mangtodah so mabakes.
*2:15 2:15 Siraw bolaw saw a chito, ki ladāwan dan babbaro a malakam a machoknod. As siraw kaobāsan, ki ladāwan dan babbalāsang.
†2:16 2:16 Siraw bakong, ki ladāwan no bibi no mabakes.