1 Do chawawaho naw a kabohan, do chadadwaw a katawen*1:1 Do dāwri a bohan kan tawen, ki bata dan kadwan a pandan Oktobri a mandad Nobimri 520 B.C. Hag. 1:1 no kapagtoray ni Daryos†1:1 Si Daryo, ki āri no Persya do 522-486 B.C. a impirador do Persya, inpakatoneng ni ĀPO minsāhi naw di propīta Sakaryas‡1:1 Si Sakaryas, myan naitolas do Esra 5:1; 6:14 kan do Nehemyas 12:16 a iya, ki pōtot ni Iddo. Bata dan kadwan a nadiman si āmang na a si Bekeryas ta dawa, si āpong na a si Iddo nangdām dya. a pōtot ni Berekayah a apoko ni Iddo. 2 Binata ni ĀPO dya a kāna, “Taywaraw nakapakasoli ko dyirad kapoonan nyo saw. 3 Dawa, ibahey mo do tawotawo saya: Nyaw batahen ko a ĀPO a Manakabalin do Tābo a kāna, ‘Maybidi kamo na dyaken tan maybidi ako na dyinyo.’ 4 Toladen nyo sabaw kapoonan nyo saw a nangibaheyan dan nanmanma saw a propīta so inpaibahey kwaw a kon ko, ‘Tadyichokodan nyo naw marahet saya kaparin kan marahet saya dadakay nyo.’ Ki akmaw abo tadyinya da, kan inkaskāso daba yaken. 5 Siraw kapoonan nyo saw, yanan darana? As siraw propīta saw, nanayon sawri a sibibyay? 6 Ki siraw bilbilin kan pangeddeng ko saw a inpaibahey ko dyirad pachirawatan ko saw, ki nanayonayon abawri kan siraw kapoonan nyo saw? Sinpangan na, nagbabāwi sa kan inpodno da a yaken a ĀPO a Manakabalin do Tābo, ki dinōsa ko sa sigon do pinarin daw kan akmas inkeddeng kwaw a parinen.”

7 Do chadadwa naw a poho kan apat a karaw, do chaasa poho naw kan asa a kabohan, iyaw bohan naw no Sebat, do chadadwa naw a katawen§1:7 Iyaw nawri a araw, ki Pibriro 15, 519 B.C. no kapagtoray ni Daryos, inpakatoneng dana ni ĀPO minsāhi naw di propīta Sakaryas a pōtot ni Berekayah a apoko ni Iddo. 8 Binata ni Sakaryas a maynamot do parmata naw a kāna, “Do kamahep, nakaboya akos tawo*1:8 Iyaw nya tawo, ki iyaw anghil ni ĀPO. Chiban nyo 1:11-12. a nakasakay do mabaya a kabalyo! Myanaw a nagsardeng do bongrowaw do payahosonganaw. Do dichodan naw myan saw nakasakay dyirad kabalyo a mabaya, nahoto so kīta, kan maydak.”

9 Sinpangan na, inyahes ko a kon ko, “Mo āpo, āngo saw nya?”

Binata no anghilaw a machisisirin dyaken a kāna, “Ipaboya ko sa dyimo an āngo chakey a batahen nya saya.”

10 Dawa, binata no tawowaw a nagsardeng do bongrowaw a kāna, “Tinoboy san ĀPO nya saya magwanawan do intīrwaya lōbong.”

11 Do dāwri, inpadāmag dan nakasakayaw do kabalyo saw nya do anghilaw ni ĀPO†1:11 Iyaw anghilaw ni ĀPO, ki pinakainawan ni Āpo Dyos a mismo. a nagsardeng do bongrowaw a kon da, “Winanawanan namenaw intīrwaya lōbong, kan natonngan namenaw a maolimek kan matalna.”

12 Sinpangan na, binata no anghilaw ni ĀPO a kāna, “O ĀPO a Manakabalin do Tābo, māngo pas kahay sakbay no kaipaboya mos kāsi mo dyirad tawotawo saw do Jerosalem kan do idi saw do Joda, ta papito danaya poho‡1:12 No bidang no papito a poho a katawen, ki yapo do nakarārayawaw no Timplo do 586 B.C. a mandad nakapirwa naw a napatnek do 516 B.C. Chiban nyo pa do Jer. 25:11; 29:10; Dan. 9:2. a katawen no kasoli mo dyira?”

13 Ki naychirin si ĀPO so makahwahok a chirin do anghilaw a nachisisirin dyaken. 14 Do dāwri, binata no anghilaw a machisisirin dyaken a kāna, “Ikasaba mo nya: Iyaw nyaw bata ni ĀPO a Manakabalin do Tābo a kāna, ‘Oltimo kaīmon§1:14 Eks. 20:5; 34:14; Jos. 24:19 ko so Jerosalem kan Sion a yanan Timplo. 15 Taywaraw kaisoli ko so nasyon*1:15 Siraw tawotawo do nasnasyon saya, ki siraw taga Assirya kan Babilonya. saya a masaray dana. On, insoli ko saw so dēkey tawotawo ko saya, ki pinangāngayan dayan nasyon saya linidyalidyat.’

16 “As dawa, nyaw bata ni ĀPO a kāna, ‘Naybidi ako na do Jerosalem a mangipaboya so kāsi. As iyaw Timplo ko, ki mirwanchi a mapatnek, as kan komwan anchi a makapya anchiw syodadaw.’ ”

17 Inbahey no anghilaw a machisisirin dyaken a ikasaba ko pa nya: “Nyaw batahen ni ĀPO a Manakabalin do Tābo a kāna, ‘Siraw idiidi ko saya,†1:17 Siraw nya idiidi, ki do irahem no tana a Joda. ki magliplipyas dananchiw kapaypaganay. As yaken a ĀPO, ki ahwahoken ko na sanchiw tawotawo do Sion, kan pidyen ko naw Jerosalem a mirwa.’ ”

18 Sinpangan na, tomnangay ako, ki nakaboya ako so apat a olong!‡1:18 Do Hebreo a chirin, ki “olong” a simbolo no kayit kan toray. 19 Do dāwri, inyahes ko do machisisirinaw dyaken a anghil a kon ko, “Āngo saw nya?”

Ki tinbay na a kāna, “Siraw nya olong, pachiparihwan dan mabīleg saya nasyon do lōbong a napaychawpit so tawotawo do Joda, Israel, kan Jerosalem.”

20 Do dāwri, inpaboya dyaken ĀPO apat saw a manyichīpo. 21 Ki binata ko a kon ko, “Āngo parinen dan nya saya?”

Ki tinbay na yaken a kāna, “Siraw olong saya, ki pinaychawpit da saw tawotawowaw do Joda tan abo tawo a makaitored. Ki siraw manyichīpo saya, ki yangay da sa amomohen kan paksyaten nasyon saya a nanghomis kan napaychawpit so tawotawo saya do Joda.”