16
Pawuli li mu utsinduu mabwee
1 Me nitsinduu beni Febe, keri a bisi, uli musiali mu libuundu la ku ngaanda a Senkere✡musiali mu libuundu la ku ngaanda a SenkereBiy 18.18. 2 Diyaka nde mu kuumbu a Pfumu, weti bwafwaana mu uyiluu kwaa bangaa imiini. Na dibaasila nde mu bibiindi bioosi bi nde akaaba na nzala a beni. Nde abaasili baata balaa, na me makulu ka.
3 Dibii Prisile na Akila✡Prisile na Akila Biy 18.2, bambaayi ba me mu isala kia Yiisu Kristo. 4 Bo bakeekwa mu uvuusu me. Me a ndi mebake pe mu uvutulu bo matoondo, mabuundu moosi ma Nziaambi mamahele uba ma Bayuudayo mali mu uvutulu bo matoondo ka. 5 Dibii ka libuundu lili mu ukukunu ku nzo a bo. Dibii mbaayi a me Epayinete, muutu watsiomi wasi imiini mu Kristo mu itinini kia Asia✡itinini kia Asia Biy 16.6. 6 Dibii Mari wasala kwalaa mu beni. 7 Dibii Andronika na Yunya, bo bali basinzo ba me na bo babali mu perese na me. Bo bali baata balikiinzi nha kati a batumu, na bo basi imiini mu Kristo tswaamini a me.
8 Dibii Apiliyatuse, nduu a me wa litoono mu Pfumu. 9 Dibii Yulubani, wuli mbaayi a bisi wa isala mu Kristo. Na dibii ka mbaayi a me wa litoono Sitakiise. 10 Dibii Apelese, wamweese ti ngwanya nde asa imiini mu Kristo. Dibii baata bali mu udiaala mu nzo a Arisitobule. 11 Dibii Erodyooni, musinzo a me. Dibii baata bali mu udiaala mu nzo a Narsiise, babasa imiini mu Pfumu. 12 Dibii Trifene na Trifose, bakaasa babali mu usa isala kia Pfumu. Dibii ka keri a me walitoono, Peside, wasala kwalaa mu ndaa Pfumu. 13 Dibii Lufusi✡Lufusi Mlk 15.21, uli musiali wu Pfumu asoolo, na nguu a nde, uli ka nguu kwaa me. 14 Dibii Asikiite, Felengoni, Eremese, Patobase, Eremase, na baana ba nguu ba babaala na ba bakaasa babali itwaari na bo. 15 Dibii Filoloke na Yuli, Nere na keri a nde. Dibii ka Olipase na baata boosi babasa imiini babali itwaari na bo.
16 Dinyumbutusunu bana mu bana, weti bwafwaana kwaa baana ba nguu mu Kristo. Mabuundu moosi ma Kristo matsindii beni mabwee ma bo.
Madoongi ma tsieelele
17 Baana ba nguu bame, mono mi me niloombo kwaa beni: disa mayele mu baata bali mu upalisa kabini, na bali mu diimbisi babasa imiini mu Nziaambi, bu bali mu udwaanisa nziisili yi beni diaholi. Ditakuu na bo. 18 Mu ndaa ti, baata ba pili yii, a bali mu usalila pe Pfumu a bisi Kristo. Ka mioonyo mia bo makulu✡makulu Flp 3.19! Bo bali mu ufutu baata bali kutso bundimbi, mu mandaa ma bo mamabwe, na nziisili a bo ya peluu. 19 Baata boosi bayaaba utumumu kwa beni mu Pfumu. Me ndi mu uyaanga mu ndaa beni, ka me na toono ti beni diba na buyeri mu uyiluu mandaa ma mabwe, na uba babatsieeme mu unyaala uyiluu mandaa mamabi. 20 Taanga hoolo dimaasala, Nziaambi, idia kia iyeenge, sa akosolo Saatina ku tsini a mili mia beni!
Nyaala bweese ba Pfumu a bisi Yiisu iba na beni!
21 Timoteo✡Timoteo Biy 16.1-3, mbaayi a me wa isala mu Kristo, heeri beni mabwee, bumosi ka, Lusiosi, Yasoni na Sosipateri, basinzo ba me, baheeri beni mabwee.
22 Na me, Teretiosi, uli mu usonuu mandaa ma Pawuli ali mu uleele mu mukaanda wu. Me tsindii beni mabwee ma me mu Pfumu wu dili na nde itwaari.
23 Ngayosi✡Ngayosi Biy 19.29; 1Ko 1.14, uli mu uyaka me, heeri beni mabwee. Kwaa nde, libuundu loosi lili mu ukukunu. Erasti✡Erasti 2Ti 4.20, mukebi a mboongo dia ngaanda, heeri beni mabwee. Na mwaana a nguu bisi ka Kwaretosi.
[ 24 Nyaala bweese ba Pfumu a bisi Yiisu Kristo baba na beni boosi! Ameni!]
Mbilili ya tsieelele
25 Me nibili Nziaambi!
Nde li na lituu la uhamisa beni mu imiini,
weti buli Ndaa Yimbwe yi me ndi mu uyaabisa beni, na yili mu uyaabisa Yiisu Kristo,
na weti buli nziaabisi yi Nziaambi asi mu minhana mia liyobolo mi✡minhana mia liyobolo mi Mlk 4.11,
mibaswee umata bele pee.
26 Ka mu taanga di, minhana mia liyobolo mi miayabini na yaki-yaki
mu mikaanda mia mibili,
weti buli tumini dia Nziaambi wa bilimi na bilimi.
Minhani mii, miayabini kwaa bifuumbu bini bioosi
paa basa imiini kia bo mu nde, na utumumu nde.
27 Buzitu kwaa Nziaambi, ndila nde uli iyeri,
mu Yiisu Kristo, mu bilimi na bilimi!
Ameni.