8
1 Ọme ị gbẹ bụru nwune
mu nwoke;
mbụ onye ne mu cheru ẹra;
mẹ anyi lẹ ngu -hụma
l'ụzo mẹ mu
etsutsujekwa ngu ọnu;
o to nwedu onye a-sụ
mu sụu.
2 Mbụ mẹ mu eduta ngu
dubata l'ụlo ne mu;
bụ iya bụ onye ziru
mu iphe;
je echee ngu ọkpobe mẹe,
mu kụtaru; mbụ mẹe,
shi l'ige itorokuma.
3 Ẹkicha bẹ o yeru mu l'ishi;
bya egude ẹkutara iya
gbaphua mu.
4 Unubẹ ụnwada Jierúsalẹmu;
unu kwee mu ukwe;
l'unu ta akpatsudu
n-yemobu jasụ l'ọ bya
l'onwiya.
Ike n-yemobu
5 ?Bụ onye bụ ọphuu,
shi l'echiẹgu abya phọ,
dakoberu onye o yeru
obu ẹgube phọ?
Ọ kwa lẹ mkpula ụdara
bẹ ị zẹ;
mu bya akpatsu ngu.
Ọ bụru l'ẹka ono bẹ ne
ngu nwụru ngu.
Mbụ l'ọo l'ẹka ono bẹ ime
watarụ iya ememe;
ọ nwụa ngu.
6 Mee mu gẹ mu dụ g'iphe-olu,
ịnya l'olu,
egude mee iphe-ọhubama;
ọ nọdu achịchi ngu
l'ọkpoma.
Mee mu rọ gẹ mu dụ
g'iphe-ọhubama,
ị gba l'ẹka.
Kẹle n-yemobu dụ-bekwa
ọkpehu g'anwụhu.
Okophoo ya dụkwapho g'ilu,
a ta rwọ-butajẹdu
arwọ-buta.
Ọ nọdu ahụje g'ọ ta
pfụpfupfu ọku;
mbụ g'ọku enwu
phoophoophoo.
7 Oke mini ta adụkwa ike
anmanyị n-yemobu;
ọphu utso adụdu ike eri iya.
Ọ -bụru lẹ nemadzụ gude
iphemiphe,
o nweru g'ọ ha eme
g'ọ zụa n-yemobu;
bẹ oomekwa g'a kpọo ya
ẹbo l'afụ.
Nwanyị ono yẹe unwune iya
8 Anyi nwekwarụ nwune
nwanyị;
ọle ẹra teke adụdu iya
l'ọkpoma.
?Bụ gụnu bẹ anyi e-meru
nwune anyi ono mbọku,
a jịru ajị iya?
9 Ọ -bụru l'o shihuru ike
g'igbụlo;
bẹ anyi e-woru
mkpọla-ọchaa kwọo ya
nkwọtankwo l'ẹhu.
Teke ọ bụkwanu l'o gheru
ọnu g'ọnu-abata;
anyi egude mgbo sida
gụ-chita iya.
10 Mu shihukwaru ike g'igbụlo.
Tẹme ẹra mu tụko pfụgbaaru
kẹ kẹkereke g'ụlo-eli.
Onye mu yeru obu bẹ
maakwaru lẹ mu l'iya
-nọ-kubewaa bẹ ẹhu
adụjee ya phọ guu.
11 Sólomọnu nweru opfu-vayịnu
lẹ Belu-Hamọnu;
bya eworu iya ye l'ẹka ndu
a-nọdu apfụ iya ụgwo.
Onyemonye lẹ ndu ono bụ
iphe,
ẹphe e-wotajẹru iya
l'aswa akpụru vayịnu
ono bụ ẹkpa
mkpọla-ọchaa iri iri.
12 Obenu l'opfu-vayịnu nkemu
bụ mu nwe iya.
Ọ bụru g'ọ dụ mu ree bụ gẹ
mu e-me iya.
Gụbe Sólomọnu;
ọ kwa gụbedua e-nweru
ẹkpa mkpọla-ọchaa
iri l'iphe,
e retaru lẹ vayịnu ono.
Ẹkpa mkpọla-ọchaa labọ
abụru kẹ ndu eletajẹ
iya ẹnya.
Ụja nwoke ono yẹe
onye o yeru obu
onye o yeru obu
13 Gụbe onye ono,
bu lẹ mgbabu ono;
ndu mu l'ẹphe eshi ọ̀nyà
ngabẹkwaru nchị
g'ẹphe nụma olu ngu.
Gẹ mu nụmaedukwa olu-opfu
ngu ọbu!
Nwanyị ono sụ:
14 Jiko gụbe onye yeru mu obu;
pfụkwaa kẹ shọoshoo
byapfuta mu ẹgwegwa;
ẹgube ono anịgo;
ọzoo ele nshịi apfụje phọ
l'úbvú, a kụshiru iphe,
eshi mkpọ!