1 Mose e tiri boze bafârewec ʒoaŋ ira wokemaŋ ruacnehuc mutiriwec; erâ irec wâcwiac â alata wâcwiac‐ticnehec i mâmâc ruacnehuc mutiriwec. 2 Eme Israe ŋic fekicne, gurune gurune jaŋere micnefâc wose qâreŋ giere Mose â Aroŋ bafic‐jofambiŋ 3 jaŋe hâcne taha wiac‐jeŋic kecʒiŋuc bafisirâ Wofuŋte maio râembiŋ: Qoruczi keretac 6 qofac‐jopakicne erâ bulimakao ŋicne 12. Micne jajaheczi keretac wâŋ â jajaheczi keretac wâŋ, iŋuczi iŋuc râe‐fârembiŋ; bulimakao ine ru sâc râec‐jopambiŋ. Ehuc wiac i tiri boze motâcko râec‐jopa‐fârembiŋ. 4 Eme Wofuŋzi Mose ʒiŋuc âzâcnewec: 5 “Go wiac i sasawa micne jaŋere meonec rocjopatec tutumaŋ qoruc bozeo gie baniŋmu irec biŋe efâreʒepieŋ. Erâ Lewiŋic jaŋe ru sâc gie baniŋmu irec manasuhuc jaŋere meo râec‐jopazemec.” 6 Eme Mose e keretac â bulimakao rocjoparâ Lewiŋic jarewec. 7 Ehuc keretac jajahec â bulimakao 4 i Geresoŋte ɋâricfâc jaŋe gie baniŋmu irec manasuhuc jaŋere meo râec‐jopawec. 8 Keretac 4 â bulimakao 8 ine Merarire ɋâricfâc taha bapa Aroŋ ere ŋokâ Itamazi hone soŋaŋ ejareha gie baniŋmu irec manasuhuc jaŋere meo râec‐jopawec. 9 Kohatire ɋâricfâc jaŋe ine wiac tirine reŋkeniŋte mujarekicnere wiac moc mi jarewec. 10 Ehame ŋic micne jaŋe alata mutirikicne ʒoaŋ ira alatare taha wiac râembiŋ i alatare maŋfuŋko râembiŋ. 11 Eme Wofuŋzi Mose ʒiŋuc âzâcnewec: “Micne bapa jaŋe alata mumutirire taha wiac‐jeŋic ʒoaŋ sâc buc buc râenʒepieŋ, ehuc moc e ʒoaŋ moc â moc e ʒoaŋ moc, iŋuczi iŋuc râe‐fârenʒepieŋ.”

12 Ʒoaŋ namba 1 ira Judare guruonec Aminada ere ŋokâ Nasoŋ eki taha râewec. 13 Ehuc wiac kecʒiŋuc râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 14 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 15 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 16 Sâqocne tâtâmire tahare biŋe ine noniŋ ŋicne moc. 17 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Aminadare ŋokâ Nasoŋ ere tahare wiac iŋuc hâcne.

18 Ʒoaŋ namba 2 ira Israere gurufâc jaŋere micne Netanele, Zuarire ŋokâ hâcne, eki taha râewec. 19 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 20 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 21 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 22 Sâqocne tâtâmire tahare biŋe ine noniŋ ŋicne moc. 23 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Zuarire ŋokâ Netanele ere tahare wiac iŋuc hâcne.

24 Ʒoaŋ namba 3 ira Sebuloŋte gurufâc jaŋere micne Eliaba, Heloŋte ŋokâ hâcne, eki taha râewec. 25 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 26 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 27 Erâ qowi bâzire biŋe bulimakao ŋicnezi motecne moc â lama ŋicne sokakicne moc, erâ lama ŋicne moc jara‐ticne wâŋ ekicne. 28 Sâqocne tâtâmire tahare biŋe ine noniŋ ŋicne moc. 29 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Heloŋte ŋokâ Eliaba ere tahare wiac iŋuc hâcne.

30 Ʒoaŋ namba 4 ira Rubeŋte gurufâc jaŋere micne Elizuru, Sedeure ŋokâ hâcne, eki taha râewec. 31 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130 â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ wokemaŋ opâhec bâsifuckekicnezi ŋewec. 32 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 33 Erâ qowi bâzire biŋe bulimakao ŋicnezi motecne moc â lama ŋicne sokakicne moc, erâ lama ŋicne moc jara‐ticne wâŋ ekicne. 34 Sâqocne tâtâmire tahare biŋe noniŋ ŋicne moc. 35 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Sedeure ŋokâ Elizuru ere tahare wiac iŋuc hâcne.

36 Ʒoaŋ namba 5 ira Simeoŋte gurufâc jaŋere micne Selumie, Zurisadaire ŋokâ hâcne, eki taha râewec. 37 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazia bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 38 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 39 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 40 Sâqocne tâtâmire tahare biŋe ine noniŋ ŋicne moc. 41 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Zurisadaire ŋokâ Selumie ere tahare wiac iŋuc hâcne.

42 Ʒoaŋ namba 6 ira Gadere gurufâc jaŋere micne Elisafa, Reguelere ŋokâ hâcne, eki taha râewec. 43 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 44 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 45 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 46 Sâqocne tâtâmire tahare biŋe ine noniŋ ŋicne moc. 47 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Reguelere ŋokâ Elisafa ere tahare wiac iŋuc hâcne.

48 Ʒoaŋ namba 7 ira Eferaimte gurufâc jaŋere micne Elisama, Amihudure ŋokâ hâcne, eki taha râewec. 49 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 50 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 51 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 52 Sâqocne tâtâmire tahare biŋe ine noniŋ ŋicne moc. 53 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Amihudure ŋokâ Elisama ere tahare wiac iŋuc hâcne.

54 Ʒoaŋ namba 8 ira Manasere gurufâc jaŋere micne Gamalie, Pedazure ŋokâ hâcne, eki taha râewec. 55 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 56 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 57 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 58 Sâqocne tâtâmire tahare biŋe ine noniŋ ŋicne moc. 59 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Pedazure ŋokâ Gamalie ere tahare wiac iŋuc hâcne.

60 Ʒoaŋ namba 9 ira Benjamiŋte gurufâc jaŋere micne Abidaŋ, Gideonire ŋokâ hâcne, eki taha râewec. 61 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 62 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 63 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 64 Sâqocne tâtâmire tahare biŋe ine noniŋ ŋicne moc. 65 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Gideonire ŋokâ Abidaŋ ere tahare wiac iŋuc hâcne.

66 Ʒoaŋ namba 10 ira Daŋte gurufâc jaŋere micne Ahieʒe, Amisadaire ŋokâ hâcne, eki taha râewec. 67 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 68 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 69 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 70 Sâqocne tâtâmire tahare biŋe ine noniŋ ŋicne moc. 71 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Amisadaire ŋokâ Ahieʒe ere tahare wiac iŋuc hâcne.

72 Ʒoaŋ namba 11 ira Asere gurufâc jaŋere micne Pagiele, Okoraŋte ŋokâ hâcne, eki taha râewec. 73 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 74 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 75 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 76 Sâqocne tâtâmire tahare biŋe ine noniŋ ŋicne moc. 77 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Okoraŋte ŋokâ Pagiele ere tahare wiac iŋuc hâcne.

78 Ʒoaŋ namba 12 ira Naftalire gurufâc jaŋere micne Ahira, Enaŋte ŋokâ hâcne, eki taha râewec. 79 Ehuc wiac kecʒiŋuc jaha râewec: Râqâc siliwazi bakicne moc, sigeli‐ticnere sâc 130, â oto siliwazi bakicne moc, sigeli‐ticnere sâc 70, â sigeli ine furuficte sigeli fowec irec sâc; ehame râqâcko mecne otoo mecne taha bâzire poroŋ uucne wokemaŋ opâhec bâsifuckekicnezi ŋewec. 80 Erâ râqâc golzi bakicne moc wiac âsu biaŋzi fusucmakicne, râqâc i sigeli‐ticnere sâc 10. 81 Erâ qowi bâzire biŋe bulimakao ŋicnezi motecne moc â lama ŋicne sokakicne moc erâ lama ŋicne moc jara‐ticne wâŋ ekicne. 82 Sâqocne tâtâmire tahare biŋe ine noniŋ ŋicne moc. 83 Wama bâzire biŋe ine bulimakao ŋicne jajahec â lama ŋicne sokakicne 5 erâ noniŋ ŋicne 5 jaha erâ lama ŋicne 5 jara‐jeŋic wâŋ ekicne. Enaŋte ŋokâ Ahira ere tahare wiac iŋuc hâcne.

84 Israe ŋic micnefâc‐jeŋic jaŋe alata mutirikicne dameŋ ira alatare taha wiac kecʒiŋuc râe‐fârembiŋ: Râqâc siliwazi bakicne 12, oto siliwazi bakicne 12, erâ râqâc golzi bakicne 12 jaha. 85 Râqâc siliwazi bakicne buc buc sigeli‐jeŋicte sâc 130, â oto siliwazi bakicne buc buc sigeli‐jeŋicte sâc 70. Wiac siliwazi bakicne sasawa jaŋere sigeli 2 tauseŋ 400 ewec, ine râepie furuficte sigeli fowec irec sâc bâfuawec. 86 Râqâc 12 golzi bakicne â wiac âzu biaŋzi fusucmakicne buc buc sigeli‐jeŋicte sâc 10, i ine furuficte sigeli fowec irec sâc râepie bâfuawec. Râqâc wiac golzi bakicne sasawa jaŋere sigeli ine 120. 87 Qowi bâzire biŋe ine wiac kecʒiŋuc râekicne: Bulimakao ŋicne 12, lama ŋicne sokakicne 12, lama ŋicne jara‐jeŋic wâŋ ekicne 12 jaha erâ irec taha bâzire wiac gâcne. Sâqocne tâtâmire tahare biŋe ine noniŋ ŋicne 12 râec‐jopakicne. 88 Wama bâzire biŋe ine bulimakao ŋicne 24, lama ŋicne sokakicne 60 â noniŋ ŋicne 60 jaha, erâ lama ŋicne jara‐jeŋic wâŋ ekicne 60 jaha râec‐jopakicne. Alata mutirimbiŋ irec faicnao taha wiac‐ticne iŋuc hâcne râe‐fârembiŋ.

89 Eme Mose e Wofuŋhec dâŋ muc manac enicte tutumaŋ qoruc bozeo raʒirâ ine qorac tapa katapa tapare faionec dâŋ moc fuame manawec. Kerubim jajahec jahere ŋondeŋkonec dâŋ fuame manawec hâcne.