70
Anutuzi bafickeocte numuwec
(Mi Mâ 40:13–17)
1 O Anutu, go bataracnucmurâ manatec sâckezejec!
O Wofuŋ, go fâro barâ baficnuc!
2 Juju‐nane nowac rozo muŋgopieŋ,
jaŋe mimi faio râec‐jopatec weaŋkenʒeieŋ.
Sisipiric fua‐nareocte maŋkeŋgopieŋ,
jaŋe ejaretec qurutuarâ risienʒepieŋ.
3 “Sowine, sowine” munareeŋgopieŋ,
jaŋe mimizi ŋemiziec‐jopazejec.
4 Go wira basac egareeŋgopieŋ sasawa,
jaŋe aŋac‐jopame bubiaŋ mana‐garenʒepieŋ.
Bâbâpiaŋgere ejareekac sasawa,
jaŋe dameŋ sâc “Anutu e kâcɋene” mugarenʒepieŋ.
5 No ine hapetac â qarâ suriŋne jukopac,
o Anutu, go tarec jaha warec!
Go babafic‐nane â fifirue‐nane,
o Wofuŋ, ŋeŋec ʒeʒepec mi ezemec!