124
Anutu e ŋeŋezic‐nâŋec
1 “Wofuŋ e sacfozic mi enâreme muzac
weniŋuc fua‐nârezac?”
Israe, go muc!
2 “Ŋic jaŋe wiac enâreniŋte faharembiŋko
Wofuŋ e sacfozic mi enâreme muzac,
3 ine aaric‐jeŋicte ʒoc bâruŋkewecko,
ɋâricne jaha ɋâcnâponʒapiŋ hâcne.
4 Erâ rumizi âke tarac‐nâpozac,
â opâ sâronezi âke utuc‐nâpozac.
5 Erâ opâ sâko jaŋe
qâuruc‐nâpo‐fârenʒapiŋ.”
6 Wofuŋ e micsiec‐jeŋicko mi râec‐nâpowecte
muteŋ bâteŋ ecnezo!
7 Wipezi wosaŋeŋ bapa wisecneekac, iŋuc wise‐jarembeŋ.
Wiwitic tâcnewec, rambaŋko juŋgopeneŋ.
8 Babafic‐nâŋec i Wofuŋzi jukac,
sambâŋ â mâreŋ bâfuac‐jofawec eki hâcne.