125
Anutuzi Israe ŋicfâcne sabec‐jopaekac
1 Wofuŋtao roweckeeŋgopieŋ jaŋe Zioŋ tiki iŋucne;
Zioŋ e qiriŋ mi qahuc qiŋ herâ ŋesanaŋkekac.
2 Tikizi Jerusalem hae orâŋkerâ ŋeraŋgopieŋ,
Wofuŋ e iŋuc hâcne ŋicfâcne orâŋ‐jopaekac;
ʒiŋuczia ekaczi eraʒihuc juocmu sanaŋ.
3 Tiŋne juju ŋic mâreŋ kâdoc qajarekicne i
ŋic sindaŋne jaŋere ŋicwofuŋ gunuzi
mi soŋaŋkehuc juzejec.
Wemocte? Ine tiŋne juju ŋic jaŋe wâc eebapa sindaŋne
ba bâuac enʒipiŋte.
4 O Wofuŋ, go ŋic biaŋne uruc jauŋ ejarezemec,
maŋjeŋicko siocmâc fokac jaŋe hâcne.
5 Â qâsoriehuc hata hehesicne âteeŋgopieŋ,
ine Wofuŋ goki sâqocne bapa jaŋehec bârâriec‐jopazemec.
Israe kikefuŋko wama fozejec!