126
Wofuŋzi juju hata herisieme bâbâmiriŋ fuaekac
1 Wofuŋzi Zioŋte kâpâcwâru ŋic bârisiec‐jopaocmuo
manapene guŋ manaŋgopeneŋ tinac eocmu.
2 Dameŋ ira gâgâwizi micnâŋec fusucmaocmu,
â ʒeridâŋzi nameŋ‐nâŋec sakareocmu.
Dameŋ ira qâpuc jaŋe muniŋmu:
“Wofuŋzi wiac fekicne ejarekac.”
3 Wofuŋzi wiac fekicne enârewec,
irec bubiaŋ manaŋgopeneŋ.
4 O Wofuŋ, go juju hata‐nâŋec herisiec,
Ʒoaŋ Mâreŋko opâ hata herisieekic iŋuc.
5 Kiohuc hândâŋ tieeŋgopieŋ,
jaŋe ʒeri ehuc fârine qa roro eniŋmu.
6 Kikione ejareha wiac ukicne amecke raeŋgopieŋ,
jaŋe ʒâhec fârine defisihuc ʒeri bari eeŋgopieŋ.