133
Qoqomâzi qâturerâ juju
1 Honeniŋ, qoqomâzi qâturerâ ŋec juc eniŋmu,
izi wiac aŋacne â bubiaŋnehec i!
2 I wokemaŋ furi sâko qizecko hoŋkepie,
irecnec qâniniperâ waha mecʒâwâ mâmâc ruacneekac iŋucne;
Aroŋte mecʒâwâo wahawec hâcne, erâ irecnec fotâcnerâ,
waha ŋaqi‐ticne mecqaŋeŋne mâmâc ruacnewec.
3 Erâ wâc Herimoŋ tikire titikuc iŋucne,
izi waharâ Zioŋ tiki mâreŋ bâgunuckeekac.
Ira hâcne Wofuŋzi jambuŋ fârine jareocte muwec,
juju fofo sanaŋ hâcne.