1 Lagamput pu Sabyechuʼn man-illongan, si wiswisngit chi Chuminggu un umulaʼn eɏgew, ummoycha Mary Magdalene ya osaʼn Mary intullong chi lilobolan Jesus. 2 Oli pun illiggala amod un chita, ti lan-osog chi osaʼn anghel Apudyus un lampeɏpuʼd langit. Ot liligedla biletun olob chi lobon ot ummamuyala. 3 Mansiling chi tullongla un isun chi kilat, ked ha silupla isun chi chiwaɏu putilakla. 4 Simpapayogpog cha mambyebyentay si ogyatcha ot isun chi latoy chi tullongcha.

5 Ngim kalan chi anghel kan cha byebyai, “Achi kayu umogyat, ammuk un siya singsingtonyu si Jesus un lilansa si krus. 6 Lappun siya utla, ti ummuli latagu un siya imbyegala. Umali kayu ta itullongyu langibyelatancha kan siya. 7 Ked chesonyu ta ingkayu ibyega kan cha disipulusla un ummuli latagu si Jesus. Ked umula lu chikayu umoy ud Galilee. Mitullongyu siya udchi. Sosomkonyu allaʼn imbyegak kan chikayu.”

8 Ot kakmacha ummoyon si hachiʼn lobon. Ulay lu ummogyatcha, amod chi galascha. Ot lalodchakchaʼn umoy langibyega kan cha disipulusla. 9 Ot ilabot Jesus chicha ot kalala, “Kumusta kayu!” Ot kummatamcha kan siya ot lampalintumingcha ot kummamodcha si ikila ot chilaychayawcha siya. 10 Oli pun kalan Jesus kan chicha, “Achi kayu umogyat. Ingkayu ibyega kan cha susuludku ta umoycha ud Galilee ta udchi mangitullongancha kan sakon.”

11 Si inggewan cha byebyai si chaɏan, ummoy si siudad cha uchum un suɏchachuʼn lambyentay si lobon ot imbyegacha kan cha ap-apun cha papachi cha losan un lakwa. 12 Lanchetchetong ked cha ap-apun cha papachi ya cha pallakayon cha Judio ot lantutuɏegcha. Ot langatodcha si chakeɏʼn gated kan cha susuɏchachu. 13 Ot kalancha kan chicha, “Ibyegayu kan cha tagu un ummoy cha disipulusla si labi ot ilakawcha chi lechegla si lasusuyop kami. 14 Ti lu maammuwan chi gubillachuɏ laoy, chikami makaugud kan siya ta achipun chikayu pabyasuɏon.”

15 Ot illaɏan cha susuɏchachu pilak ot killingwacha libyega kan chicha. Ot lanchilongeɏ cha alla kan cha Judio inggala si salaoy.

16 Ot ummoy cha lasawaɏan si ossaan un disipulus si bilig ud Galilee un imbyegan Jesus un ayancha. 17 Ot intullongcha pun si Jesus, chilaychayawcha siya ngim lanchuwachuwa cha uchum kan chicha. 18 Ot ummachali si Jesus kan chicha ot kalala, “Laatod kan sakon cha losan un kalobbongan ud langit ya utla pita. 19 Ingkayu kan cha losan un tagu si losan un ili ked mambyalilonyu chicha disipulusku. Bunyagenyu chicha si ngachen chi Ama, chi Alak ya Ispiritu Santu. 20 Ya itudtuchuyu kan chicha ta tungpaɏoncha cha losan un imbilinku kan chikayu. Ked sosomkonyu un pasigak awed kan chikayu inggala alungus chi lubung.”