11
Din Amagen Di Masirib Ay Ipogaw
(11:1-6)
Inigosyom din pilak mo sin odom ay il-ili, tan mo mabaybayag, waday ganansiyam.* Din kanana sin Hebreo et: Itep-am din tinapay mo sin danom, tan mo emey di ad-ado ay timpo et detngem. Din wada en sik-a yan panpitoem ono panwaoem, tan adi kan ammo di lawa ay mapasamak.
Mo enggay dinmagsen din liboo, pawadaena di odan sin daga. Olay intoy banda ay katokangan di kaiw et komakaman sin natokangana. Din man-eman-ed si somigedan di timpo ta asi man-obla et magay ena imomola ya magay apitena.
Adi kaawatan di iyat di moyang ay mabiyag ya madakdake sin eges ina na. Iso na abe din oblan Diyos ay namarsua si amin, naligat ay maawatan. Masapa ka ay manmola engganas kalabiana, tan adi kan ammo mo sino di mayat sin inmolam, din esa ono am-in da. 10 

*11:1 Din kanana sin Hebreo et: Itep-am din tinapay mo sin danom, tan mo emey di ad-ado ay timpo et detngem.