70
Talodalo i di hagamaamaa *Taahili manawa gee ni David
(Pisalem 40.13-17)
1 Meenei God, haga dagaloaha ina au!
Meenei Dimaadua, hagamaamaa ina mai au dolomeenei!
2 Heia digau ala e hagamada bolo ginaadou e daaligi au gii made,
la gi paagege mo di hinihini.
Heia digau ala e tenetene gi ogu haingadaa,
la gii hula gi muli gi langaadia.
3 Heia digau ala e haganneennee au
la gi uli nadau gai i nadau paagege.
4 Heia digau huogodoo ala e lloomoi gi di Goe
la gi manawa lamalia mo di tenetene.
Heia digau ala e danggee adu gi di Goe i dau hagamouli,
la gi helehelekai i nia madagoaa huogodoo boloo, “God la koia e aamua!”
5 Meenei God, au e bagege ge e hagaloale. Hanimoi gi di au hagalimalima.
Goe go Dimaadua, go dogu Dangada hagamouli.
Hagalimalima mai e hagamaamaa au!