5
Dat in kis na waninar sur a inawan pat anun a Labino
Mt 24:42-43; 2 Pit 3:10; Tam 3:3A kum tistisi metul, ka metul in tumtumus torom mot una du bung ma a bung ra a Labino in nanpat uni. Uni mot sa tasman wakaki lena, a bung anun a Labino in nanpat kisin, elar nama tene wolong una mirum. Mt 24:39; Lk 21:34-35Ra a taro det in watungi lenri, “Ai, ka dat taramo tu maut. A wakak na nilaun kut ri dat taramo i,” a iniru in nanpat kisin torom det, elar nama ngunungut ra a ino i taramo i ra milau sur in usus. Ka det in kalabor eno pas gusun a iniru.
Ikut mot, a kum tistisi metul, a bung ra ken ukisin mot, elar nama tene wolong, uni awu sur mot kis una dumirum. Rom 13:12Mot rop a kum nutnutun a talapor ma a kum nutnutun a waspi. Awu sur dat tagun a mirum o tagun a dumirum. I mo ra gong dat elar nam ara taro ra det inep dumun. Dat in koikoi ma dat in tamtamabat wakak anundat a nilaun. Uni det ra det inep dumun, det ser inep una mirum, ma det ra det ininum, det ser inum una mirum.
Ais 59:17; Ep 6:14, 17Ikut dat tagun a waspi, i wakak sur dat in tamtamabat wakak anundat a nilaun. Dat in emar nama nurnur ma a marmaris sur in tamtamabat dat, elar nama du pino aen ra a tene inaim i ubek bat a romrobono nami. Ma dat in emar kai nama kinkinis langlang nama nurnur sur o God in ulaun dat, elar nama tene inaim i ubek bat in lorino nama kukup na inaim. Uni o God ke pilok pas dat sur dat in taramo a ngunungut ubalan anun a kankan, awu. I pilok pas dat, sur anundat a Labino o Iesu Karisito in ulaun pas dat. 10  Rom 14:8-9; 1 Tes 4:14I mat un dat, sur dat in laun tomo nami, ra in nanpat melet. Dat rop, det ra det laun utmakai ma det ra det sa mat. 11 I mo ra mot in uragot etetalai mot, ma mot in udekdek mot, lenutra mot ser pami.
A kum ururop na etowo
12 A kum tistisi metul, metul saring mot sur mot in pitar a urur torom anumot a kum mugumugu, ra det papam dekdek epotor tamot, ma det tamtamabat mot una kisapi anun a Labino, ma det ususer mot. 13 Mot in ese a labino urur ma a marmaris torom det, kibino una nundet a pinapam. Ma mot in kis na malmal etetalai.
14  2 Tes 3:6, 11A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop. 15  Rom 12:17; 1 Pit 3:9Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.
16  Pil 4:4Mot in ser gas. 17 Gong mot mana nama niaring. 18  Ep 5:20Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun o Karisito Iesu.
19  Ep 4:30Gong mot turbat a pinapam anun a Tokodos na Nion. 20 Gong mot nuk penpen una kum wasiso na poropet. 21  1 Jon 4:1Mot in lar rop a kum wasiso ma a kum petutna. Mot in utur ukai a wakakino. 22 Ma mot in nan gisen gusun a kum sakino rop.
23  2 Tes 3:3Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni. 24 O naro ra i kabo pas mot in pami lenutra, uni i lingmulus.
25  Kol 4:3; 2 Tes 3:1A kum tistisi metul, mot in wararing sur metul. 26 Mot in nem a kum tistisi mot nama egom na marmaris, ma mot in pami nama tokodos na petutna. 27 A saring mot nama risan a Labino sur mot in luk a pas ri torom a kum tistisin dat rop.
28 A marmaris anun anundat a Labino o Iesu Karisito in kis tomo nam mot.

5:1: Mt 24:42-43; 2 Pit 3:10; Tam 3:3

5:3: Mt 24:39; Lk 21:34-35

5:5: Rom 13:12

5:8: Ais 59:17; Ep 6:14, 17

5:10: Rom 14:8-9; 1 Tes 4:14

5:14: 2 Tes 3:6, 11

5:15: Rom 12:17; 1 Pit 3:9

5:16: Pil 4:4

5:18: Ep 5:20

5:19: Ep 4:30

5:21: 1 Jon 4:1

5:23: 2 Tes 3:3

5:25: Kol 4:3; 2 Tes 3:1