2
Dat in pam a takano petutna kut torom a taro rop
Ap 10:34; Jem 2:9A kum tistising, mot ra mot nurnur una nundat a Labino o Iesu Karisito, ra i bukus nama minamar, un pam a takano petutna kut torom a taro rop, ma gong u tur takano papor. Ra lako ru musano der in ruk una numot a kiwung na lotu, ra ara pasander i ubek a ring na gol, ma i emar nama kum wakak namalu, ma ara kai, a sibo na musano i emar kut namin turai na malu. Ikut, ra mot urur kut torom i ra i emar nama wakak na malu ma mot watungi tano lena, “Un kis nin una wakak na kiskis,” ma mot watungi kut torom a sibo na musano lena, “Un tur ut tiro iai,” o “Un kis kut nin upiso nisan aru kiking,” ke takai anumot a ngasino torom a taro rop, ma mot warkurai kut nama sakino nuknuki mot.
1 Kor 1:26-28A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi. Ikut mot, mot ban umaimai i kut a kum sibo na taro. A kum tene gongon, det ser ukis laulau mot nama dekdek ra det utur ukai i, niko? Ra det dat pas mot sur mot in tur una warkurai. O God i pitar tar a wakak na rising anun o Karisito torom mot. Ma osi ra i ser watung laulau a rising ri? A kum tene gongon kut.
Mt 19:19; Gal 5:14Mot in pam sot pas a warkurai ra i labo sakit una Buk Tabu. I lenri,
“Un nem o pasam elar nami ra u nem ui ut.” Wkp 19:18
Ra mot pami lenra, mot pam a tokodos na petutna. Lo 1:17Ikut, ra mot pam a wakakino torom ara taro kut, ma ara taro awu, mot pam a sakino petutna. Ra a kum Warkurai anun o God i takun sot pas mot lena, mot a kum tene lakai warkurai. 10  Mt 5:19Uni osi ra i mur a kum Warkurai rop, ikut i kutus ara tagun a kum Warkurai, din warkurai i elar nam o naro ra i lakai a kum Warkurai rop. 11  Kis 20:13-14; Rom 13:9O God i watungi lena, “Gong u pam a sakino nam tu ino anun taio o nam tu musano anun taio,” ma i watungi kai lenri, “Gong u um doko taio.” Ra ko pam a sakino nam tu ino o tu musano, ikut u um doko taio, ui a tene lakai warkurai.
12  Gal 6:2; Jem 1:25; 1 Pit 2:16Mot in wasiso ma mot in papam elar nam det ra o God in kuro det nama warkurai ra i ser ulangolango pas a taro nami. 13  Mt 5:7; 18:32-35Uni, osi ra ke lason una marmaris, o God kai ken marisi una bung na warkurai. Ikut, o naro ra i lason una marmaris, o God in marisi una bung na warkurai.
A nurnur ra i wan tomo nama wakak na pinapam
14 A kum tistising, in wakak pepetlai ra taio in watungi lena i nurnur, ikut ke pam tu wakak na pinapam? Pepetlai, a ngas na nurnur ra, in ulauni o awu? 15  1 Jon 3:17Ra taio tagun a kum tistisin dat, tu ino o tu musano, ka tin namalu anunu, ma kalako utna na inangon, 16 ra taio tagun mot in watungi tano lena, “Un nan nama malmal, un emar ma un masur,” ikut, ra ken tabori nam tu utna ra i sibo suri, anun a wasiso ra in warut petlan o naro ra i sibo? 17 Lenkutkai lar a nurnur, ra ke wan tomo nam tu wakak na pinapam, a nurnur ra, a minatino kut.
18  Gal 5:6Ra taio kai in watungi lena, “Ui u nurnur, ma iau, a pam a kum wakak na pinapam.” Un upuaso anum a nurnur torom iau, ra ke wan tomo nama wakak na pinapam. Ra iau, an upuaso anung a nurnur tam, nam anung a kum wakak na pinapam. 19 U nurnur lena o God i ara kut. I wakak. A kum laulau na nion kai det nurnur lenra, ma det ngara suri, ra det neneder.
20 Ui a longlong ui! A nurnur ra katu wakak na pinapam tomo nami, i utna oros kut. Pepetlai, u nemi sur an upuaso a wasiso ra tam? 21  Stat 22:9-12A tamandat o Abaram i pitar tar o nutunu, o Aisak, elar nama etabor torom o God netes una kabulu na tuntun etabor, ra i pami nama kum watat. Una nun a pinapam ra, di watungi lena, i a tene tokodos umatan o God. 22  Ibr 11:17-18Un tama i, anun a nurnur i wan tomo nam anun a kum wakak na pinapam. Anun a nurnur ra i wan tomo nama pinapam, i pam sot pas anun a nurnur, sur in kudulano. 23  2 Sto 20:7; Ais 41:8Ra di pam sot pas a wasiso una Buk Tabu ra i watungi lenri, “O Abaram i nurnur un o God, i mo ra o God i watungi a tene tokodos.” Stat 15:6
Ra o God i watungi kai lena der pasano. 24 Mot tama i, o God i watung taio a tene tokodos, kibino una nun a kum wakak na pinapam, ra awu sur una nun a nurnur kut.
25  Jos 2:1-21; Ibr 11:31Ra lenkutkai lar o Reap, a pamuk na ino. O God i watungi lena i tokodos umatano, kibino una nun a wakak na pinapam ra i tamtamabat aru tene tamtama eno anun a taro Israel, ra i tulu eno ru der melet una ara kisapi gisen.
26 Taio ra a niono i wan gusuni, i a minatino. Lenkutkai lar a nurnur, ra ke wan tomo nam lako wakak na pinapam, a nurnur ra, a minatino kut.

2:1: Ap 10:34; Jem 2:9

2:5: 1 Kor 1:26-28

2:8: Mt 19:19; Gal 5:14

2:9: Lo 1:17

2:10: Mt 5:19

2:11: Kis 20:13-14; Rom 13:9

2:12: Gal 6:2; Jem 1:25; 1 Pit 2:16

2:13: Mt 5:7; 18:32-35

2:15: 1 Jon 3:17

2:18: Gal 5:6

2:21: Stat 22:9-12

2:22: Ibr 11:17-18

2:23: 2 Sto 20:7; Ais 41:8

2:25: Jos 2:1-21; Ibr 11:31