A Pas anun
o Jems
A wasiso talapor mugu
O Jems i tumus a buk ri. A susut na tene mananos det nuki lena o Jems ri, a tisin o Iesu (tama Mt 13:55). O Jems i ara labino mugumugu anun a taro na lotu sapat o Jerusalem (tama Ap 15:13; 21:18).
I tumus a pas ri torom a kum tene nurnur, ra det etorom a susut na maut tan a taro ra ka det nurnur. Det lu ru a kum tene nurnur. Ra numur det kis na usiro una kum tamon.
Una pas ri, i wasiso una wakak na petutna ra a kum tene nurnur det in muri. I inanos dat kai lena, anundat a wakak na petutna i ulingmulus anundat a nurnur.
A inawan ina Pas Jems:
A turturkibin ina buk ri (1:1)
A nurnur ma a mananos (1:2-8)
A kum sibo na taro ma a kum tene gongon (1:9-11)
Dat in tur dekdek una kum ululam ra in nanpat (1:12-18)
Dat in longoro a wasiso anun o God ma dat in muri (1:19-27)
Dat in ru a taro rop (2:1-13)
A wakak na pinapam in nan tomo nama nurnur (2:14-26)
In karmendat (3:1-18)
A utumarong torom det ra det nem a ngasino tagun a rakrakon bual (4:1-5:6)
Dat in tur dekdek una nurnur (5:7-20)
1
Mt 13:55; Gal 1:19; Ap 15:23; 1 Pit 1:1Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.
A nurnur ma a mananos
Rom 5:3-5A kum tistising, ra lako kum ngas na maut in nanpat torom mot, mot in gas, 1 Pit 1:7uni mot tasmani lena, a kum maut, ra di lar anumot a nurnur nami, in ulabo anumot a tuntunur dekdek. Ra mot in tur dekdek, mot in tokodos sakit una numot a nilaun rop, ma ka mot in sibo sur tu wakak na petutna.
Snd 2:3-6Ra taio tagun mot i sibo sur a mananos, in saring o God suri. Ra o God in tabori nami, uni i ser tabor dat rop, ma ke ser bitan tu utna. Ma ke ser kankan torom taio ra i sasaring. Ikut ra in wararing, in wararing nama nurnur, ma gong i wur nuknuk. Uni osi ra i wur nuknuk, i elar kut nama top, ra a wuwu i wup tuptupukusi. A musano ra i wur nuknuk, gong i nuki lena, in rakon tu utna tan a Labino. Uni aru nuknukino, ra ken tur dekdek una nun a kum pinapam rop.
A sibo na musano ma a tene gongon
Ra tu tisindat una nurnur i sibo, i wakak ra in gas kut, uni o God ut i sa ulabo pasi. 10  Ais 40:6-7Ra taio a tene gongon, in gas kut ra o God in unatino pasi. Uni, anun a nilaun i elar kut nama puspus na duwai, in rop oros kut. 11 Uni in matanas in pusu pat nama labino mararongino, ra in rang in nanai, ma a puspusino in puku, ra a wakak na tamtama ino in rop. Lenkutkai lar a tene gongon in rop tomo nam anun a kum ululeng.
A kum ululam
12 O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.
13 Ra a ululam in nanpat torom taio, gong i watungi lena o God i pitari. Uni a sakino ken ulam lar pas o God, ma o God ut ken ulam taio. 14 A taro rop, taktakai, anundet a kum laulau na nemnem ut i ulam pas det, ma i dat pas det, sur det in pam a sakino. 15 Numur, ra anundet a laulau na nemnem in labo, in usus pat pas a sakino petutna. Ra a sakino petutna in labo, in usus pat pas a minat.
16 A kum wakak na tistising, gong mot madek tar taio sur in toro pas mot. 17 A kum wakak na etabor rop, ra det tokodos sakit, det wan pirso tagisapat una langit. Det wanpat tan o Tita, i ra i ukis in matanas, a kalang ma a kum nangnang. Ikut o Tita ke ser keles, ma ke pukpukus anun a ngasino elar namin matanas, ra in sisio pas una waspi ma una mirum awu. 18  Jn 1:13Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.
Dat in longoro ma dat in muri
19  Sav 7:9A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit. 20 Uni a kankan anun taio ken waruti, sur in pam a tokodos na petutna ra o God i nemi. 21  Kol 3:8; 1 Pit 2:1I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.
22  Mt 7:26; Rom 2:13Mot in mur a wasiso anun o God, ra gong mot longoro oros tari kut, sako mot in toro pas mot melet ut. 23 Osi ra i longoro oros tari kut a wasiso anun o God, ma ke muri, i elar nama musano ra i tama in masarino una galas. 24 Ra in nan gisen, uniutra in dumano ru in masarino ra i tamtama pepetlai. 25  Rom 8:2; Jem 2:12Ikut, ra taio in longoro wakak a tokodos na warkurai anun o God, ma in ser muri, ma ke dumano i, a musano ra, in dan una nun a kum pinapam. A warkurai ri, ra in longoro i, i ser ulangolango a taro.
26  Sng 141:3Ra taio in nuki lena, i sa lingmulus na tene lotu, ikut, ra ke tumarong in karmene, i toro pasi ut, ma anun a lotu in utna oros kut. 27 Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.

1:1: Mt 13:55; Gal 1:19; Ap 15:23; 1 Pit 1:1

1:2: Rom 5:3-5

1:3: 1 Pit 1:7

1:5: Snd 2:3-6

1:10: Ais 40:6-7

1:18: Jn 1:13

1:19: Sav 7:9

1:21: Kol 3:8; 1 Pit 2:1

1:22: Mt 7:26; Rom 2:13

1:25: Rom 8:2; Jem 2:12

1:26: Sng 141:3