4
Det ra det nem a ngasino tagun a rakrakon bual det ebar nam o God
Rom 7:23Asau a kibino ra mot waim ma mot engaras etetalai? I kibino una numot a kum laulau na nemnem ra det waim una numot a nilaun. Mot nem a kum utna, ikut ka mot utur ukai i. Mot um doko a taro, ma mot nuknuk laulau sur a utna anundet, ikut ka mot pam ukai a utna ra mot nemi. Mot engaras ma mot waim. Ka mot pam ukai a kum utna ra mot nemi, uni ka mot saring o God suri. Ra mot wararing, ka mot utur ukai a utna ra mot sasaring suri, uni a nuknuki mot ke tokodos. Mot sasaring kut sur a utna ra in ugasgas mot ut.
Rom 8:7; 1 Jon 2:15Mot sa wan gusun o God, elar nama ino ra i wan pas gusun anun a musano, ra i nolin tomo nama ara musano bulung. Ka mot tasmani lena, ra mot nem a petutna tagun a rakrakon bual, mot a kum ebar anun o God? Osi ra i pilok pas a rakrakon bual sur der pasano, i a ebar anun o God. Pepetlai, mot nuki lena a Buk Tabu i wasiso oros kut? I watungi lena, “A Nion o God, ra o God i pitar tari tandat, i nem dat sur dat anunu ut.” 1 Pit 5:5Ra a marmaris ra o God i pitar tari tandat i labo sakit. A Buk Tabu i watungi lenri,
“O God i nget det ra det ser ulabo pas det,
ikut i maris det ra det ser unatino pas det.” Snd 3:34
Ep 6:12Mot in unatino pas mot, ma mot in mur o God. Mot in turbat ru o Satan, sur in nan gusun mot. Sek 1:3; Mal 3:7; Ais 1:16Mot in nan milau o God, ra o God in nan milau mot. Ma mot a kum tene sakino, mot in gos a kum lamamot, ma mot ra aru nuknuki mot, mot in utalapor a balbala mot. Mot in tupunuk, mot in domos, ma mot in tangis una numot a kum sakino petutna. Mot in pukus anumot a ninongon sur a tinangis, ma mot in pukus anumot a gasgas sur a tupunuk. 10  Jop 5:11; 1 Pit 5:6Mot in unatino pas mot umatan a Labino, ra in ulabo pas mot.
Gong u mang a pasam
11 A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni. 12  Rom 2:1; 14:4O God kut i pitar a Warkurai, ma i sot kut a Tene Warkurai. O God kut i topasi sur in warkurai a taro sur a nilaun, o sur a iniru. Ra ui osi, sur un warkurai o pasam?
A utumarong torom a taro ra det ulabo pas det
13  Lk 12:18-20Mot longoro, mot ra mot ser watungi lena, “Uniri o markan met in nan sur tu tamon, ma met in kis iai ara kilalo. Met in kukul ma met in siuru sur met in pam pat lako mani.” 14  Snd 27:1; Sng 39:5, 11Ikut ka mot tasman asau ra in nanpat torom mot markan. Anumot a nilaun i elar nama sau? Mot elar kut namin nawal, ra i wanpat pas kut, ma i rorom melet. 15 Ikut, i wakak sur mot in watungi lenri, “Ra a Labino i nemi, met in laun ma met in pami lenri o lenra.” 16 Ikut uniri, mot sa warango pas mot melet nam anumot a kum wasiso. A ngasino lenra ke wakak. 17  Lk 12:47O naro ra i tasman a wakakino sur in pami, ikut ke pami, i pam a sakino petutna.

4:1: Rom 7:23

4:4: Rom 8:7; 1 Jon 2:15

4:6: 1 Pit 5:5

4:7: Ep 6:12

4:8: Sek 1:3; Mal 3:7; Ais 1:16

4:10: Jop 5:11; 1 Pit 5:6

4:12: Rom 2:1; 14:4

4:13: Lk 12:18-20

4:14: Snd 27:1; Sng 39:5, 11

4:17: Lk 12:47