5
A utumarong torom a kum tene gongon
Mot a kum tene gongon, mot in longoro: Mot in tangtangis, ma mot in kukukuk, uni a kum ngunungut in nanpat torom mot. Mt 6:19Anumot a kum ululeng det sa moroto, ma a koropos i sa ban laulau ru anumot a kum malu. Anumot a gol ma a silwa der sa ros, ma a rosinder in takun mot, ma in nan a pinimot elar nama sungun. Una kum ururop na bung ri, mot sa ubek tomo pas anumot a kum ululeng. Lo 24:14-15Tama i, ka mot tokom tar a taro ra det papam una numot a kum kinobot, ra a ikul anundet i takun mot. Ra o God a Dekdek na Labino i sa longoro tar a tinangis anundet ra det pasong.
Lk 16:25Una numot a nilaun nin una rakrakon bual, mot ukio a labino mani, una kum lukaro sur mot ut, ma un asau ra i ugasgas mot. Mot tabor butbut a pinimot, ra milau mo mot in iru, elar nama kum wewegua, ra di tabor butbut det sur din um doko det. Mot ben tar a kum tene tokodos una warkurai, ra mot um doko det, ikut ka det balu mot.
Dat in tur dekdek una nurnur ma gong a pinindat i ngoro
Lo 11:14; Jer 5:24A kum tistising, gong a pinimot i ngoro lakit, ra mot kis langlang sur a inawan pat melet anun a Labino. Mot tama a tene minarut, a pinino ke ngoro lakit, ra i kiskis langlang sur a bato in puk a piso, ma sur a wakak na makus tagun ana kinobot. Rom 13:11-12; 1 Pit 4:7Mot kai, gong a pinimot i ngoro lakit, mot in tur dekdek una nurnur, uni a inawan pat melet anun a Labino i sa milau. A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.
10 A kum tistising, mot in nuk pas a kum poropet tagun numugu, ra det ser wasiso nama risan a Labino. Det etorom a kum ngunungut, ikut a pinindet ke ngoro, det tur dekdek una nurnur. Ra det ese anundet a nilaun, ra i wakak sur mot kai mot in muri. 11  Kis 34:6; Jop 1:21-22; 2:10; Sng 103:8Tama i, ara taro tagun numugu det etorom a kum mamaut, ikut det tur dekdek una nurnur. Dat watung det lena det dan. Mot tasman a nilaun anun o Jop, i etorom a kum mamaut, ikut i tur dekdek una nurnur. Ra numur, a Labino i udan meleti. A Labino i bukus nama marmaris ma i a tene warut.
A wasiso talapor una liliman
12  Mt 5:34-37A kum tistising, iri a utna ra i labo sakit, gong mot udekdek anumot a kum liliman nam tu ngas na wasiso kai. Gong mot liliman nama langit, o a rakrakon bual, o tu utna gisen kai. Ra mot mulaot, mot in lena “ma”. Ra mot ipul mot in lena “awu,” i kut ra, sur gong mot iru una warkurai anun o God.
Dat in wararing nama nurnur
13 Ra taio tagun mot i taramo a maut, i wakak sur in wararing. Ra taio i gasgas, i wakak sur in kele a kum kelekele na ulabo torom o God. 14  Mk 6:13Ra taio tagun mot i misait, in itula sur a kum mugumugu na lotu, sur det in wararing uni, ma una risan a Labino, det in talusi nama wel. 15  Mk 16:18A niaring ra i wan tomo nama nurnur, in ulangolango o naro ra i misait, ma a Labino ut, in ulangolango melet pasi. Ma ra i sa pam tar a sakino petutna, a Labino in unus ru i gusuni. 16 I mo ra mot in wasiso puaso etetalai torom mot una numot a kum sakino petutna, ra mot in wararing un mot etetalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.
17  1 Kin 17:1; 18:1O Elaija, a poropet, i a musano i elar kut nam dat. I wararing sur gong i bato, ra a tulu kilalo ma wonom na kalang ke bato. 18  1 Kin 18:42-45Numur i wararing melet sur in bato, ra in nabato i puku, ma a kum utna i lubung melet, ma det wu.
19  Gal 6:1A kum tistising, ra taio tagun mot in nan raro gusun a lingmulusino, mot in ben pukus melet pasi. 20  Snd 10:12; 1 Pit 4:8A watungi tamot, ra taio in ben pukus pas a tene sakino gusun anun a kum niraro, i sa ulaun pas a nion a musano ra gusun a minat, ra a Labino in unus ru anun a susut na sakino petutna.

5:2: Mt 6:19

5:4: Lo 24:14-15

5:5: Lk 16:25

5:7: Lo 11:14; Jer 5:24

5:8: Rom 13:11-12; 1 Pit 4:7

5:11: Kis 34:6; Jop 1:21-22; 2:10; Sng 103:8

5:12: Mt 5:34-37

5:14: Mk 6:13

5:15: Mk 16:18

5:17: 1 Kin 17:1; 18:1

5:18: 1 Kin 18:42-45

5:19: Gal 6:1

5:20: Snd 10:12; 1 Pit 4:8