7
A kum tistisin o Iesu ka det nurnur uni
Jn 5:18Numur o Iesu i wan tuptupukus una kum tamon tong una papor Galili. Ke nem na wan tuptupukus una papor Judia, uni a ramano kum te Juda det epak sur det in um doko i. Wkp 23:34A kum bung na lotu anun a taro Juda, ra di watungi nama kum lamlabino bung na lotu na turturup* Una kum lamlabino bung na lotu na turturup, a taro Israel det ser pam a kum turturup ra det ser inep uni, sur det in ukinalong a kum kilalo ra det kis una nubual kalako taro uni., i sa milau. Ra a kum tistisin o Iesu det watungi tano lena, “I wakak sur un nan taginin ma un nan usapat o Judia sur anum a taro na ususer det in tama a kum pinapam ra un pami. Kataio i ser pam eno a kum utna, ra i nemi sur a taro det in tasmani. U ser pam a kum utna ri, in wakak ra un pam puaso i sur a taro una rakrakon bual rop det in tasman ui!” Ap 1:14A kum tistisino det wasiso lenri, uni det kai ka det nurnur uni.
I mo ra o Iesu i watungi tandet lena, “Anung a du bung ke sot utmakai, sur an nan una kum lamlabino bung na lotu, ikut torom mot, anumot a kum du bung i langolango kut. A taro tagun a rakrakon bual ka det in nget mot, ikut det nget iau, uni a inanos det una nundet a kum sakino petutna. Mot, mot in nan usapat una kum lamlabino bung na lotu. Ikut iau, kan nan lakit sur a kum lamlabino bung na lotu ri, uni anung a du bung ke sot utmakai.” Ra i sa wasiso taru, i kis sikot tong o Galili.
O Iesu i wan sur a kum lamlabino bung na lotu
10 Ra a kum tistisin o Iesu det sa wan sur a kum lamlabino bung na lotu, numur o Iesu i mur det, ikut ke upuaso i torom a taro. I wan eno nanan kut. 11 A ramano kum te Juda det sisio sur o Iesu una kum lamlabino bung na lotu, det iting lena, “A musano ri awai i?”
12 A susut na taro det wasiso eno un o Iesu. Ara taro det watungi uni lena, “I ara wakak na musano,” ma ara taro kai det watungi lena, “Awu, i ben raro a taro.” 13 Ikut kataio i wasiso puaso uni, uni det ngaran a ramano kum taro Juda.
O Iesu i ususer a taro ra det wanpat una kum lamlabino bung na lotu
14 Ra det sa kis epotor una kum lamlabino bung na lotu, o Iesu i turpasi sur in ususer a taro ubalan in noworo ina rumu na etabor. 15  Mt 13:54; Lk 2:47A ramano kum te Juda det kisin doko ra det watungi lena, “A musano ri ke etowo pas. Ikut i tasman petlan a kum utna ri?” 16  Jn 12:49; 14:10O Iesu i balu det lena, “Anung a kum etowo, ra a ususer a taro nami, awu sur anung, anun o naro ra i tulu ru iau urin. 17 Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut. 18  Jn 8:50Osi ra i wasiso kut nama nuknukino, i nemi kut sur din ulabo pasi. Ikut iau, a nemi sur din ulabo pas o God ra i tulu ru iau urin. A wasiso nama lingmulus, ma katu torotoro i kis un iau. 19  Ap 7:53; Rom 2:21-24O Moses i sa pitar tar a Warkurai tamot, ikut kataio tagun mot i muri. Sur asau ra mot nem na um doko iau?”
20  Jn 8:48; 10:20A kunur na taro det balu i lena, “A laulau na nion kura un ui. Osi i nem na um doko ui?” 21 O Iesu i balu det lena, “A pam ara utna na ukisin, ma mot rop mot kisin uni. 22  Wkp 12:3; Stat 17:9-13O Moses i pitar tar a warkurai tamot sur mot in tok talilis a kum nat musano. Ikut a warkurai ri, awu sur anun o Moses, a taro ut tagun numugu det turpasi. Ma a ramano kum du bung utkai mot tok talilis a natlik una Bung na Sabat. 23  Jn 5:8-10, 16Mot ser tok talilis una Bung na Sabat, sur gong di lakai a warkurai anun o Moses. Ra mot pami lenra, sur asau ra mot kankan torom iau ra a ulangolango pas a kudulano musano una Bung na Sabat? 24 Gong mot warkurai kut nama matmata mot, mot in warkurai nama warkurai ra i tokodos.”
Ara taro ka det nurnur lena o Iesu i a Karisito
25 Ara taro tagisapat o Jerusalem det iting lena, “I mo ri a musano ra det nem na um doko i? 26 Tama i, iri i tur ma i wasiso umatan a taro, ma ka det wasiso balu i. Pepetlai, kutiro a kum mugumugu det sa tasmani lena i a Karisito? 27  Jn 7:41; 9:29Ra a Karisito in nanpat, ka din tasmani lena in nanpat tagai. Ikut a musano ri dat tasmani kut anun a tamon.”
28  Mt 11:27; Jn 8:55O Iesu i ususer utmakai ubalan in noworo ina rumu na etabor, i wasiso namin labino walngano ma i watungi lena, “Pepetlai, mot tasman mulus iau ut, ma a tamon kai ra a wan taguni? Ka wanpat urin una nuknuking. O naro ra i tulu ru iau, i watung a lingmulusino. Ma mot, ka mot tasman o naro ra. 29 Ikut iau, a tasmani, uni a wan ut tagisapat tano, ma i ut i tulu ru iau.”
30  Jn 7:44I mo ra a kum te Juda det nemi sur det in pam ukai pasi, ikut kataio i pami, uni anun a du bung ke sot utmakai. 31 A susut tagun a kunur na taro det nurnur uni, ra det watungi lena, “A musano ri i pam tar a susut na utna na ukisin. Pepetlai, kutiro a Karisito ut ri?”
32 A kum Parisi det longoro a taro det waswasiso eno lenri un o Iesu, ra a kum lamlabino tene etabor torom o God, ma a kum Parisi, det tulu ru a kum tene tamtamabat tagun a rumu na etabor, sur det in pam ukai pasi. 33 Ra o Iesu i watungi tandet lena, “Iau kan kis suano i nin nisamot, an milet melet torom o naro ra i tulu ru iau urin. 34  Jn 8:21; 13:36Mot in sisio sur iau, ikut ka mot in sio pas iau, ma ka mot in nan lar pas kai una tamon ra an kis iai.” 35 A ramano kum te Juda det ting etetalai det lena, “A musano ri in nan mo urai, ra ka dat in sio lar pasi? Pepetlai, in nan sur a kum tamon anun a taro Grik ra anundat a taro det kis iai? Kutiro in ususeri mo a taro Grik? 36 Uni i watungi lena dat in sisio suri ikut ka dat in sio pasi, ma ka dat in nan lar pas kai una tamon ra in kis iai. Asau a kukurai ina nun a wasiso ri?”
A wasiso elelar una Tokodos na Nion
37  Wkp 23:36; Ais 55:1; Jn 4:14A ururop na bung ina kum lamlabino bung na lotu, i a labino bung sakit. Una bung ra, o Iesu i tur ma i wasiso namin labino walngano, i watungi lena, “Osi ra i muruk, i wakak sur in nan torom iau ma in inum. 38  Ais 58:11Osi ra i nurnur un iau, ‘a kum danim na nilaun det in sal pat tagun anun a nilaun,’ elar nami ra di sa tumus tari una Buk Tabu.” 39  Jn 16:7; 20:22; Ap 2:4Una wasiso ri, o Iesu i wasiso una Tokodos na Nion. Ka di pitari utmakai a Tokodos na Nion, uni o Iesu ke losi utmakai anun a minamar. Numur, det ra det nurnur un o Iesu, din tabor det nami.
A nuknukin a taro un o Iesu ke takai
40  Jn 6:14Ara taro tagun a kunur na taro ra det longoro a wasiso ri, det watungi lena, “A lingmulus ut, a musano ri, i a poropet ra o God i tulu ru i urin.” 41  Jn 1:46Ara taro kai det watungi lena, “I a Karisito.” Ma ara taro kai det watungi lena, “Awu. A Karisito ken nanpat tagitong o Galili. 42  Sng 89:3-4; Mai 5:2A Buk Tabu i watungi lena, a Karisito in nanpat tagun a kabotaro anun o Dewid. In nanpat tong o Betliem, a tamon ra numugu o Dewid i kis iai.” 43 Ma a nuknukin a taro uni, ke takai. 44 Ara taro det nem na pam ukai i, ikut katutaio i tulan tar a pinino.
A kum mugumugu ka det nurnur
45 A kum tene tamtamabat tagun a rumu na etabor det milet melet, ra a kum lamlabino tene etabor torom o God ma a kum Parisi det ting det lena, “Sur asau ra ka mot dat pas o Iesu urin?” 46  Mk 1:22A kum tene tamtamabat tagun a rumu na etabor det balu det lena, “Katutaio utmakai i ser wasiso elar nama musano ri!” 47 A kum Parisi det ting det lena, “Pepetlai, mot kai i sa ben raro pas mot? 48  Jn 12:42Pepetlai, taio tagun met a kum mugumugu ma a kum Parisi, i sa nurnur uni? Awu! 49 A kunur na taro ri, ra det nurnur un o Iesu, ka det tasman a Warkurai anun o Moses. A kankan anun o God i sa kis un det.”
50  Jn 3:1-2Ara Parisi tagun det, a risano o Nikodimas, i ra numugu i wanpat pas torom o Iesu, i watungi tandet lena, 51 “Una nundat a Warkurai, ka dat in takun oros pas taio ra ka di longoro i utmakai. Din longoro mugu tari sur din tasman asau ra i pami.” 52  Jn 7:41-42Det balu i kut lena, “Ni, ui kai a te Galili ui? Un ususer una Buk Tabu ma un mananos uni, lena a poropet ken nanpat tagitong o Galili.”
A ino ra i pam a sakino nam ara nolin na musano
[ 53 Ra a taro rop det wan susuaro sur anundet a kum tamon.

7:1: Jn 5:18

7:2: Wkp 23:34

*7:2: Una kum lamlabino bung na lotu na turturup, a taro Israel det ser pam a kum turturup ra det ser inep uni, sur det in ukinalong a kum kilalo ra det kis una nubual kalako taro uni.

7:5: Ap 1:14

7:15: Mt 13:54; Lk 2:47

7:16: Jn 12:49; 14:10

7:18: Jn 8:50

7:19: Ap 7:53; Rom 2:21-24

7:20: Jn 8:48; 10:20

7:22: Wkp 12:3; Stat 17:9-13

7:23: Jn 5:8-10, 16

7:27: Jn 7:41; 9:29

7:28: Mt 11:27; Jn 8:55

7:30: Jn 7:44

7:34: Jn 8:21; 13:36

7:37: Wkp 23:36; Ais 55:1; Jn 4:14

7:38: Ais 58:11

7:39: Jn 16:7; 20:22; Ap 2:4

7:40: Jn 6:14

7:41: Jn 1:46

7:42: Sng 89:3-4; Mai 5:2

7:46: Mk 1:22

7:48: Jn 12:42

7:50: Jn 3:1-2

7:52: Jn 7:41-42