8
O Iesu i wan toto usapat una Tangai na Oliw. Una kobot raut una bung numur, o Iesu i milet melet sur a rumu na etabor, ra a taro rop det wan tomo toromi. Ra i kis ma i ususer det. A kum tene ususer tagun a Warkurai, ma a kum Parisi det ben ruk ara ino torom o Iesu. A ino ra di pastorom pasi ra i pam a sakino tomo nam ara nolin na musano. Det ungongos pas a ino ra, sur in tur numugu umatan a taro. Det watungi tan o Iesu lena, “Tene Ususer, a ino ri di pastorom pasi ra i pam a sakino nam ara nolin na musano. Wkp 20:10; Lo 22:22-24Una Warkurai anun o Moses, ra tu ino in pami lenra, din duku doko i nama kum watat. Ma ui, asau ra un watungi uni?” Det watungi lenri, uni det nem na lari kut o Iesu ra in watung tar tu wasiso, sur det in takuni nami. Ikut o Iesu i tudung piso, ra i tumtumus namin kaskas na lamano una piso.
Lo 17:7Det ting likliki, ra i tur ma i watungi tandet lena, “Osi tagun mot ra ke pam tar tu sakino petutna, in duku mugu a ino ri nam tu wat.” O Iesu i tudung piso melet, ra i tumtumus una piso. Det longoro tar a wasiso ri anun o Iesu, ra det rop det pirso. A kum takano det pirso mugu. Ra numur det rop det pirso taktakai. O Iesu mukut i kis tiro iai, der nama ino ra di utur tari nisano. 10 O Iesu i tur, ra i watungi tan a ino lena, “Le, det ra det takun tar ui, awai det mo? Pepetlai, kataio i takun ui?” 11  Jn 5:14A ino i balu i lena, “Awu. Kataio.” Ra o Iesu i watungi tano lena, “Iau kai kan takun ui. Un nan kut, ma gong melet mo u pam a sakino.”]* Una ramano kum du buk una wasiso Grik, katu 7:53-8:11.
O Iesu a talapor tagun a rakrakon bual
12  Ais 49:6; Jn 1:4-9; 9:5; 12:46O Iesu i wasiso melet torom a taro, ra i watungi lena, “Iau a talapor tagun a rakrakon bual. Osi ra i mur iau, in pam ukai a talapor na nilaun, ma ken nan melet una dumirum.” 13 A kum Parisi det watungi tano lena, “Anum a wasiso talapor ke maut, uni ui ut, u wasiso talapor melet un ui.” 14  Jn 5:31-32; 7:28Ra o Iesu i balu det lena, “Ra iau ut an wasiso talapor un iau, anung a wasiso i lingmulus, uni a tasman a tamon ra a wan gusuni, ma a tamon ra an nan suri. Ikut mot, ka mot tasman a tamon ra a wan gusuni, ma a tamon ra an nan suri. 15  Jn 12:47Mot, mot warkurai kut nama warkurai anun a taro, ma iau ka warkurai taio. 16  Jn 5:30; 8:29Ikut ra an warkurai taio, anung a warkurai i lingmulus, uni, awu sur iau kut a pami, mir ut nam o Tita, i ra i tulu ru iau urin. 17  Lo 19:15Di sa tumus tari una numot a Warkurai lenri, ‘Ra lako ru anunder a wasiso i elar kut un tu utna, anunder a wasiso i lingmulus.’ 18  1 Jon 5:9Iau ri a wasiso talapor un iau, ma o Tita ra i tulu ru iau urin, i kai i wasiso talapor un iau.”
19 Det tingi lena, “Awai i o tamam?” O Iesu i balu det lena, “Ka mot tasman iau ma ka mot tasmani kai o Tamang. Ra gunuk mot in tasman iau, mot in tasmani kai o Tita.” 20  Jn 7:30O Iesu i watung a wasiso ri tiro ubalan in noworo ina rumu na etabor, una nubual ra di ser ubek a mani na etabor iai. Kataio i pam ukai i, uni anun a du bung ke sot utmakai.
O Iesu i utumarong a taro ra ka det nurnur
21  Jn 7:34; 13:33O Iesu i watung meleti tan a taro lena, “An nan gusun mot, mot in sisio sur iau, ma mot in mat nam anumot a kum sakino petutna. A tamon ra an nan suri, ka mot in nan lar pas iai.” 22 A ramano kum te Juda det lena, “Pepetlai, in um doko i? Pepetlai, iri a kibino ra i watungi lena, ‘A tamon ra an nan suri, ka mot in nan lar pas iai?’ ” 23  Jn 3:31O Iesu i balu det lena, “Mot taginin ut mot upiso, ma iau, a wan ut tagisapat netes. Mot tagun a rakrakon bual, iau awu sur tagun a rakrakon bual. 24 Iri a kibino ra a watungi tamot lena, mot in mat nam anumot a kum sakino petutna. Ra ka mot nurnur un iau lena iau ut ri iau, “Iau ut ri iau” Una du wasiso ri, o Iesu i watungi ut nama risan o God. Una buk Kisim Bek 3:14, o God i watungi ut nama rising ri, ra i inanos o Moses lena, a taro Israel kai det in watungi nama rising ri. Una ramano kum vers kai una buk ri, o Iesu i watungi ut lena i o God. Tama Jon 4:26; 6:20; 8:28; 8:58; 13:19; 18:5. mot in mat nam anumot a kum sakino petutna.” 25 Ma det tingi lena, “Osi ui?” O Iesu i balu det, “A sa inanos tar mot turpasi una turturkibin ina nung a pinapam, tuk uniri. 26 A susut na utna an watungi un mot ra an warkurai mot uni, uni i ra i tulu ru iau i lingmulus, ma iau, a inanosi kut a taro una rakrakon bual una kum utna ra a longoro i tano.” 27 Ka det tasmani lena, o Iesu i wasiso torom det un o Tamano. 28  Jn 3:14Ma o Iesu i watungi lena, “Ra mot in utur toto a Nutun a Musano usapat netes, mot in tasmani lena iau ut ri iau, ma mot in tasmani kai lena awu sur iau sot kut a papam, o Tita i ususer iau un asau ra a watungi. 29 I ra i tulu ru iau, i kis tomo nam iau, ma ke ser wan gusun iau, uni a ser pam a kum utna ra i gas nami.”
30 A susut ra det longoro a kum wasiso ri, det nurnur un o Iesu.
A lingmulus in ulangolango mot
31 O Iesu i watungi torom a kum te Juda ra det nurnur uni lena, “Ra mot in mur anung a etowo, mot anung a taro na ususer mulus. 32 Ma mot in tasman a lingmulus, ma a lingmulus in ulangolango mot.” 33  Mt 3:9Det balu o Iesu lena, “Met a kum nutnutun o Abaram, tuk uniri ka met tene ititula anun taio. Sur asau ra u watungi lena a lingmulus in ulangolango met?”
34  Rom 6:16, 20O Iesu i balu det lena, “A inanos mot nama lingmulus, a taro rop ra det pam a sakino, det a kum tene ititula anun a sakino petutna. 35 A musano ra i tene ititula kut anun tu kabo tamano, ken kis tukum torom det, ikut a nat ra o tamano ma o nano der usus pasi, i ra tagun der mulus. 36 Ra a Nutun o God in ulangolango mot, mot in langolango mulus. 37 A tasmani ut lena, mot a kum nutnutun o Abaram, ikut uniri mot lari sur mot in um doko iau, uni anung a wasiso ke kis un mot. 38 A wasiso un asau ra a tama i tan o Tita, ma mot kai, mot pam asau ra mot longoro i tan a tamamot.”
39  Mt 3:9Det balu i lena, “Met, met tamano nam o Abaram.” O Iesu i balu det lena, “Ra mot tamano mulus nam o Abaram, mot in pam a kum utna ra o Abaram i pami. 40 Iau a musano ra a inanos mot nama lingmulusino ra a longoro i tan o God, ikut mot nem na um doko iau. O Abaram ke pam tu utna lenri. 41  Ais 63:16Mot, mot pami ut a kum pinapam ra a tamamot i pami.”
Det watungi tan o Iesu lena, “Awu sur di usus oros tar met kut, a tamamet ut ra o God.”
42 O Iesu i watungi tandet lena, “Ra gunuk mot tamano mulus nam o God, mot in nem iau, uni a wan tagisapat tan o God, ra uniri a kis nin. Ka wanpat urin una nung a nemnem, i ut i tulu ru iau. 43 Sur asau ra ka mot tasman lele anung a wasiso? Uni ka mot longoro lar pasi. 44  1 Jon 3:8A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro. 45 A watung a lingmulus, iri a kibino ra ka mot nurnur un iau. 46  2 Kor 5:21; 1 Pit 2:22Osi tagun mot in takun sot pas iau un tu sakino petutna? A watung a lingmulus, ra ilai ra ka mot nurnur un iau? 47  1 Jon 4:6Osi ra anun o God, i ser longoro a kum wasiso anun o God. Ikut mot, ka mot longoro i, uni awu sur mot anun o God.”
O Iesu i labo taun o Abaram
48  Mk 3:21-22A ramano kum te Juda det watungi tan o Iesu lena, “Met tasman mulusi lena ui a te Samaria, ma a laulau na nion kura un ui.” 49 Ra o Iesu i balu det lena, “Katu laulau na nion kuri un iau. A urur torom o Tita, ma mot, ka mot urur torom iau. 50 Ka pam a kum utna ri sur a taro det in ulabo pas iau uni. Ikut ara sot kut, a tene warkurai, i ulabo pas iau. 51  Jn 5:24A inanos mot nama lingmulus, osi ra i mur anung a wasiso, ken mat.”
52 A ramano kum te Juda det watungi tano lena, “Uniri met tasman mulus ui lena a laulau na nion kura un ui! O Abaram i sa mat, ma a kum poropet kai det sa mat, ikut ui, u watungi lena osi ra i mur anum a wasiso ken mat. 53 Pepetlai, u nuki lena ui u labo taun a tamamet o Abaram? O Abaram i sa mat, ma a ramano kum poropet kai det sa mat. U nuki lena ui osi na ngas na musano ui?” 54 O Iesu i balu det lena, “Ra an ulabo melet pas iau ut, anung a wasiso na ulabo ri ke gas un tu utna. Ikut o Tita ut i ulabo pas iau, i ra mot watungi lena i anumot a God. 55 Mot, ka mot tasman o God, ikut iau, a tasmani. Ra an watungi lena ka tasmani, iau kai a tene torotoro elar nam mot. A tasman o God, ma a ser mur anun a wasiso. 56 A tamamot o Abaram i gas sur in tama anung a inawan pat. I tama i, ra i gas doko uni.” 57 A kum te Juda det watungi tano lena, “Ke limo na noino kilalo utmakai una nilaun anum. Ilai ra u watungi lena, u sa tama tar o Abaram?” 58  Jn 1:1O Iesu i balu det lena, “A inanos mot nama lingmulus, numugu ra ka di usus utmakai o Abaram, iau a sa kis mugu taru.”
59 Ra det los watat pas sur det in dukuduku o Iesu nami, ikut i parau ra i wan gusun in noworo ina rumu na etabor.

8:5: Wkp 20:10; Lo 22:22-24

8:7: Lo 17:7

8:11: Jn 5:14

*8:11: Una ramano kum du buk una wasiso Grik, katu 7:53-8:11.

8:12: Ais 49:6; Jn 1:4-9; 9:5; 12:46

8:14: Jn 5:31-32; 7:28

8:15: Jn 12:47

8:16: Jn 5:30; 8:29

8:17: Lo 19:15

8:18: 1 Jon 5:9

8:20: Jn 7:30

8:21: Jn 7:34; 13:33

8:23: Jn 3:31

8:24: “Iau ut ri iau” Una du wasiso ri, o Iesu i watungi ut nama risan o God. Una buk Kisim Bek 3:14, o God i watungi ut nama rising ri, ra i inanos o Moses lena, a taro Israel kai det in watungi nama rising ri. Una ramano kum vers kai una buk ri, o Iesu i watungi ut lena i o God. Tama Jon 4:26; 6:20; 8:28; 8:58; 13:19; 18:5.

8:28: Jn 3:14

8:33: Mt 3:9

8:34: Rom 6:16, 20

8:39: Mt 3:9

8:41: Ais 63:16

8:44: 1 Jon 3:8

8:46: 2 Kor 5:21; 1 Pit 2:22

8:47: 1 Jon 4:6

8:48: Mk 3:21-22

8:51: Jn 5:24

8:58: Jn 1:1