10
A noino ma aru nat na ususer anun o Iesu
(Mk 3:13-19; Lk 6:12-16)
Mk 6:7; Lk 9:1O Iesu i kabo pas anun a noino ma aru nat na ususer ra i pitar a dekdek tandet sur det in lakro ru a kum laulau na nion, ma sur det in ulangolango pas a taro gusun a wur ngas na misait rop.
Iri a kum risan a noino ma aru aposel: A mugano, o Saimon ara risano kai o Pita, dersino nam o Endru, o Jems ma o Jon dersino, aru nutnutun o Sebedi, o Pilip, o Batolomiu, o Tomas, o Matiu a tene los takis, o Jems a nutun o Alpius, ma o Tadius, ma o Saimon ara tagun a kum Silot,* Silot i a risan a taro, ra det tur tomo, uni det nemi sur det in lakro ru a gapman Rom. ma o Judas Iskariot, i ra i usobor tar o Iesu.
O Iesu i tulu ru a noino ma aru nat na ususer
(Mk 6:7-13; Lk 9:1-6)
O Iesu i tulu ru a noino ma aru nat na ususer, ra i watungi tandet lena, “Gong mot wan torom a taro ra awu sur a taro Israel, ma gong mot wan una kum tamon anun a kum te Samaria. Jer 50:6Mot in nan kut torom a taro Israel, ra det raro elar nama kum sipsip. Mt 3:2; 4:17; Lk 10:9, 11Ra mot nan, mot in warawai nanan lenri, ‘A matanitu tagisapat una langit i sa milau.’ Mot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut. Lk 10:4Gong mot silapo tu mani una numot a kum malu. 10  Lk 10:7; 1 Kor 9:14Gong mot los tu rat una numot a inawan, gong tin namalu na kelkeles, gong tu su, ma gong tin nubuku. Uni i tokodos sur din tabor a tene pinapam nama ana utna.
11 “Ra mot in nanpat una kum lamlabino tamon, ma a kum natnat na tamon, mot in sisio sur taio ra i wakak, ma mot in kis nisano tuk una bung ra mot in nan gusun a tamon ra. 12  Lk 10:5-6Ra mot in nanpat tiro un tu rumu, mot in wasiso na ugasgas pas det. 13 Ra a taro tagun a rumu ra det in gas pas mot, mot in ruk ma mot in watungi lena, ‘A malmal in kis torom mot.’ Ikut, ra ka det in gas pas mot, anumot a malmal, mot in los melet pasi. 14  Lk 10:10-12; Ap 13:51Ra taio ken gas pas mot, ma ken longoro anumot a wasiso, ra mot in nan gusun anun a rumu, o a tamon ra, mot in tang ru a kubus gusun a kikimot. A petutna ra di tang ru a kubus gusun a kikindi, i a utumarong torom det, ra ka det nurnur una wasiso anun o God, det in tur una nun a warkurai. 15  Mt 11:24; Jud 1:7A inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.
A kum ngas na ngunungut ra in nanpat
(Mk 13:9-13; Lk 21:12-17)
16  Lk 10:3; Rom 16:19“Tama i, a tulu ru mot elar nama kum sipsip epotor tan a kum ngalngalia na pap. I mo ra mot in mananos wakak elar nama kum sui, sur gong taio i ben raro mot, ma mot in tokodos elar nama kum tabun, sur gong taio i takun mot. 17  Mk 13:9-11; Lk 12:11-12; 21:12-15Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu. 18 Ma din dat pas mot sur a warkurai sa numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det ma torom a taro ra awu sur a taro Juda. 19  Jn 14:26Ra din dat pas mot, gong mot nuknuk bing sur asau ra mot in watungi, ma mot in wasiso pepetlai, uni una du bung ut ra, o God in unuk tar mot nama wasiso ra mot in watungi. 20 Awu sur mot ra mot in wasiso, a Nion a Tamamot ut in unuk tar mot nama sau ra mot in watungi.
21  Mai 7:6; Mt 10:35; Mk 13:12; Lk 21:16“Taio in mulaot ru tu tisino sur din um doko i, ma tu musano in mulaot ru tu nutunu sur din um doko i. Ma a kum nat det in tur na inaim torom a tamandet ma a nandet ma det in mulaot ru a tamandet ma a nandet sur din um doko der. 22 Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni. 23 Ra det in ban laulau mot un tu tamon, mot in kalabor utiro un tu tamon gisen. A inanos mot nama lingmulus, ra ka mot in nan rop utmakai utiro una kum tamon nin o Israel, a Nutun a Musano in nanpat.
24  Lk 6:40; Jn 13:16; 15:20“A nat na ususer ke labo taun anun a tene ususer, ma a tultul kai, ke labo taun anun a labino. 25  Mt 9:34; 12:24; Mk 3:22; Lk 11:15I topasi sur a nat na ususer in elar kut nam anun a tene ususer ma a tultul in elar nam anun a labino. Ra di sa watung iau nam o Belsebul, Belsebul i ara risan o Satan. mot kai ra mot kis tomo nam iau, din watung mot nama kum rising i sakino taun a rising ri.
Mot in ngara sur o God kut
(Lk 12:2-7)
26  Mk 4:22; Lk 8:17“Gong mot ngaran a taro. A kum utna rop ra di rakup bat tari, numur in kis talapor, ma a kum utna rop ra i kis eno, numur in nanpat puaso. 27 A wasiso ra a inanos mot nami una dumirum, mot in inanos nami una waspi, ma a wasiso ra di wasisik kut nami torom mot, mot in tur sapat netes una rumu, ma mot in watung puaso i. 28  Jem 4:12Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun. 29 Di ser kul arin nipiko liklik nama nat na mani kut, niko? Ikut ka tinolik tagun der in iru, ra a Tamamot ke mulaot uni. 30 I lingmulus sakit, o God i sa luk rop tar a kum tekteken iwu na lorimot, ma i sa tasman tari. 31  Mt 6:26I mo ra gong mot ngara, uni mot labo sakit umatan o God, taun a susut na piko.
Osi ra i watung puaso o Iesu ma osi ra i ipul ru i
(Lk 12:8-9)
32 “Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau. 33  Mk 8:38; Lk 9:26; 2 Tim 2:12Ikut osi ra in ipul ru iau umatan a taro, iau kai an ipul ru i umatan o Tita, ra i kis sapat una langit.
O Iesu ke wanpat sur in pitar a malmal
(Lk 12:51-53; 14:26-27)
34 “Gong mot nuki lena a wanpat sur an pitar a malmal una rakrakon bual. Awu, ka wanpat sur an pitar a malmal, a wanpat namin totok na inaim. 35 A wanpat sur a taro det in kis na inaim, kibino un iau.
‘A nat musano in nget o tamano,
ma a nat na ino in nget o nano,
ma a nolin na ino in nget o tubunu.
36 Det tamano det in ebar etetalai tomo nam det.’ Mai 7:6
37 “Osi ra i nem doko o tamano ma o nano, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o tamano ma o nano. Ma osi ra i nem doko o nutunulik, a nat na musano o a ino, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o nutunulik. 38  Mt 16:24-25; Mk 8:34-35; Lk 9:23-24; 17:33; Jn 12:25Osi ra ke rakon pas anun in nanai kutus sur in mur iau, ke topasi sur i anung a nat na ususer. 39 Osi ra i maris bat anun a nilaun, in iru, ma osi ra ke maris bat anun a nilaun uni i tagun iau, in laun.
Osi ra in gas pas tu nat na ususer anun o Iesu in los a ikul
(Mk 9:41)
40  Mk 9:37; Lk 10:16; Jn 13:20“Osi ra in gas pas mot, i gas pas iau utkai, ma osi ra i gas pas iau, i gas pasi utkai o naro ra i tulu ru iau urin. 41 Osi ra in gas pas a poropet uni i tasmani lena, i a poropet, in losi utkai a ngas na ikul elar nama poropet in losi. Ma osi ra in gas pas a tene tokodos, uni i tasmani lena, i a tene tokodos, in losi utkai a ngas na ikul elar nama tene tokodos in losi. 42 Osi ra in tabor anung tu nat na ususer, ra ke sot umatan a taro, nam lakalik kotokoto na danim, uni i tasmani lena, i anung a nat na ususer, a inanos mot nama lingmulus, i kai in losi ut anun a ikul.”

10:1: Mk 6:7; Lk 9:1

*10:4: Silot i a risan a taro, ra det tur tomo, uni det nemi sur det in lakro ru a gapman Rom.

10:6: Jer 50:6

10:7: Mt 3:2; 4:17; Lk 10:9, 11

10:9: Lk 10:4

10:10: Lk 10:7; 1 Kor 9:14

10:12: Lk 10:5-6

10:14: Lk 10:10-12; Ap 13:51

10:14: A petutna ra di tang ru a kubus gusun a kikindi, i a utumarong torom det, ra ka det nurnur una wasiso anun o God, det in tur una nun a warkurai.

10:15: Mt 11:24; Jud 1:7

10:16: Lk 10:3; Rom 16:19

10:17: Mk 13:9-11; Lk 12:11-12; 21:12-15

10:19: Jn 14:26

10:21: Mai 7:6; Mt 10:35; Mk 13:12; Lk 21:16

10:24: Lk 6:40; Jn 13:16; 15:20

10:25: Mt 9:34; 12:24; Mk 3:22; Lk 11:15

10:25: Belsebul i ara risan o Satan.

10:26: Mk 4:22; Lk 8:17

10:28: Jem 4:12

10:31: Mt 6:26

10:33: Mk 8:38; Lk 9:26; 2 Tim 2:12

10:38: Mt 16:24-25; Mk 8:34-35; Lk 9:23-24; 17:33; Jn 12:25

10:40: Mk 9:37; Lk 10:16; Jn 13:20