18
Osi ra i labo sakit?
(Mk 9:33-37, 42-48; Lk 9:46-48; 17:1-2)
Lk 22:24Una du bung ra, anun a kum nat na ususer det wan torom o Iesu, ma det tingi lena, “Osi ra i labo sakit una matanitu tagisapat una langit?” I kabo pas ara natlik toromi, i utur tari epotor tandet, Mt 19:14; Mk 10:15; Lk 18:17ma i watungi lena, “A inanos mot nama lingmulus, ra ka mot in nukpukus sur mot in elar nama kum nat liklik, ka mot in ruk lar pas una matanitu tagisapat una langit. I mo ra osi ra i unatino pasi, elar nama natlik ri, i ut ra i labo sakit una matanitu tagisapat una langit.
Mt 10:40; Lk 10:16; Jn 13:20“Osi ra in gas pas tu natlik lenri una risang, i gas pas iau ut. Ikut, osi ra in ben raro ara tagun a kum nat liklik ri* A wasiso Grik i watungi lena “a kum natnatino”, a kukuraino lenri: a kum nat liklik, o det ra anundet a nurnur ke dekdek, o det ra a taro det tama pisopiso det., ra det nurnur un iau, a warkurai toromi, in laulau doko tan taio, ra din kubus tar tu labino wat unin kabarano, ma din woro murungi sa umadu.
“In laulau torom a taro tagun a rakrakon bual, kibino una kum utna ra i dat a taro sur det in puku una sakino. A kum utna ra in nanpat ut, ikut in laulau doko torom o naro ra i pam pat pasi. Mt 5:29-30Ra a lamam, o a kikim in ben raro ui, un kutus ru i ma un woro gisen ru i. In wakak ra un ruk una nilaun tukum a tumul kut ui, sur gong di woro ui tomo nama ru lamam, o aru kikim rop, una labino sungun ra ke ser mat. Ra in matam in ben raro ui, un liok ru i ma un woro gisen ru i. In wakak ra un ruk una nilaun tukum namin teken matam kut, sur gong di woro ui tomo nam arin matam rop una labino sungun ra ke ser mat.
A wasiso elelar un ara sipsip ra i raro
(Lk 15:3-7)
10-11  Ibr 1:14“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit. Una ramano kum du buk una wasiso Grik, a ramano kum wasiso kai i kis una vers ri. I lenri: Uni a Nutun a Musano i wanpat sur in ulaun det ra det sa raro.
12 “Asau a nuknuki mot? Ra tu musano anunu tu mar na sipsip, ma ara tagun det in raro. Pepetlai, ken nan pas gusun a lisu na noino ma lisu tiro una kum tangai, ma in sisio sur ara ra i raro? 13 A inanos mot nama lingmulus, ra i sa sio pasi, anun a gasgas uni, in labo taun anun a gasgas una lisu na noino ma lisu ra ka det raro. 14 Lenkutkai ra, a Tamamot ra i kis sapat una langit, ke nemi sur taio tagun a kum nat liklik ri in iru.
Asau ra un pami torom o tisim ra i pam a sakino torom ui
15  Lk 17:3; Gal 6:1“Ra o tisim i pam a sakino un ui Una ramano kum du buk una wasiso Grik, a du wasiso ri: un ui ke kis. un nan toromi, ma mur kut mur in kis. Ra un watung puaso anun a niraro toromi. Ra in longoro ui, u sa umarom melet pasi. 16  Lo 19:15; Jn 8:17Ra ken longoro ui, un ben melet pas taio o lako ru sur der in warut ui. Uni a Buk Tabu i watungi lenri, ‘Ra lako ru o lako tul anundetul a wasiso i takai kut un tu utna, anundetul a wasiso i lingmulus.’ 17 Ra ken longoro der, un upuaso i torom a taro na lotu. Ra ken longoro i bulung a taro na lotu, i wakak sur un tama i elar nam o naro ra awu sur a tene nurnur, o elar nam o naro ra a tene los takis.
18  Mt 16:19; Jn 20:23“A inanos mot nama lingmulus, asau ra mot kubusi nin upiso, din kubusi kai sapat netes una langit, ma asau ra mot palosi nin upiso, din palosi kai sapat netes una langit. 19  Mk 11:24; Jn 15:7A watungi kai tamot, ra lako ru tagun mot nin upiso der mulaot un tu utna ra der sasaring suri, o Tita ra i kis sapat una langit in pam soti ut torom der. 20 Ra lako ru o lako tul detul kis tomo una risang, iau an kis tomo nam detul.”
A wasiso elelar una tultul ra ke ser marmaris
21 O Pita i wan torom o Iesu, ra i tingi lena, “Labino, an man iso u dumano ru a sakino ra o tising i pami un iau? Lako wonom mawit na dino ut?” 22  Lk 17:4O Iesu i balu i lena, “Awu sur a watungi tam lena a wonom mawit na dino kut. A watungi lena a wonom mawit na noino ma a wonom mawit na dino.
23 “I mo ra a matanitu tagisapat una langit i elar nam ara king, ra i nemi sur anun a kum tultul det in ukodos a mani ra det los papasi tano. 24 Ra i turpas a iting, di ben pat ara tultul toromi. A tultul ra i los pas a noino arip na mani§ A noino arip na mani i elar nama iso milien na kina., 25 ikut katu mani sur in balu i nami. Ra anun a labino i pitar a warkurai sur din siuru pas a musano ra, tomo nam anun a ino, ma a kum nutnutunu, ma anun a kum ututna rop, sur din balu a mani ra nami. 26 Ra a tultul ra i kis butkeke umatan anun a labino, ra i saringi lena, ‘Un madek ru iau munung, numur an balu rop tar anum a mani.’ 27 Ma a labino anun a tultul ra i marisi, ra i watungi tano lena, ‘Un nan. Gong mukut u balu i.’
28 “A tultul ra i pirso unago utamon, ra i barato pas ara tultul ra numugu i los pas a noino mani** A noino arip na mani i elar nama iso milien na kina. kut tano. I pam ukai pasi, i bing in kabarano, ra i watungi tano lena, ‘Un balu tar anung a mani ra u los pasi.’ 29 A pasano ra i kis butkeke umatano ra i saringi lena, ‘Un madek ru iau munung, numur an balu melet tar anum a mani.’ 30 Ikut ke longoro pasi. I beni kut ra i uruk tari una karabus, tuk una bung ra in balu tar a mani ra i los pasi. 31 Ra a kum paspasano det tama a kum petutna ra, det taramo laulau det. Det wan torom anundet a labino, ra det inanosi una kum utna ra a tultul ra i sa pam tari.
32 “Anun a labino i kabo pasi, ma i watungi tano lena, ‘Ui, a sakino tultul ui. A madek ru ui sur gong mo u balu a mani ra u los pasi tang, uni u saring iau. 33 Ilai ra ko nem a pasam elar nam iau a nem ui?’ 34  Mt 5:25-26Anun a labino i kankan toromi, ra i pitar tari tan a kum tene tamtamabat tagun a karabus sur det in ukadik laulau i tuk in balu tari ut a mani ra i los pasi.
35  Mt 6:15; Mk 11:25; Ep 4:32; Kol 3:13“Ra ka mot in dumano ru a sakino petutna ra a kum tistisi mot det pam tari un mot, o Tita ra i kis sapat una langit in pami kai lenra torom mot taktakai.”

18:1: Lk 22:24

18:3: Mt 19:14; Mk 10:15; Lk 18:17

18:5: Mt 10:40; Lk 10:16; Jn 13:20

*18:6: A wasiso Grik i watungi lena “a kum natnatino”, a kukuraino lenri: a kum nat liklik, o det ra anundet a nurnur ke dekdek, o det ra a taro det tama pisopiso det.

18:8: Mt 5:29-30

18:10-11: Ibr 1:14

18:10-11: Una ramano kum du buk una wasiso Grik, a ramano kum wasiso kai i kis una vers ri. I lenri: Uni a Nutun a Musano i wanpat sur in ulaun det ra det sa raro.

18:15: Lk 17:3; Gal 6:1

18:15: Una ramano kum du buk una wasiso Grik, a du wasiso ri: un ui ke kis.

18:16: Lo 19:15; Jn 8:17

18:18: Mt 16:19; Jn 20:23

18:19: Mk 11:24; Jn 15:7

18:22: Lk 17:4

§18:24: A noino arip na mani i elar nama iso milien na kina.

**18:28: A noino arip na mani i elar nama iso milien na kina.

18:34: Mt 5:25-26

18:35: Mt 6:15; Mk 11:25; Ep 4:32; Kol 3:13