1 1:1 Tatatai 22:6A buk ne, a warwara puasa ane Iesu Karisito, ning e God i saran tari tana, suir asangan tar anuna tena titol orosla ana saning milau ir hanot. E Iesu i sune sen anuna angelo tetek anuna tena titol oros e Jon, suir warwara puasa ana ututnala ne tana. 2 E Jon i warwara talapor ana ututnala rop ning ka oroi tari. Ine a ututnala ning, a warwara ane God pa warwara talapor ane Iesu Karisito. 3 1:3 Tatatai 22:7, 10Esining ir was a warwarala na propet ne ir angis, pa la otleng ning lar longori pa lar muri, la otleng lar angis, anasa a taim ning a ututnala ne ir hanot ka milau.

4 1:4 Kisim Bek 3:14-15; Tatatai 3:1; 4:5Iau e Jon, a tumtumus tetek mulo a tarai a lotu ting na mais a hanua tumo na papar Esia.

A marmaris pa balmolmol tetek mulo miting ta esaning i laun nigo, i laun onone pa ir hanot lamur, pa tana mais a ingun otleng kanisa lanigo na nuna keskes a king, 5 1:5 Kolosi 1:18; Buk Song 89:27pa ta e Iesu Karisito, a momol a tena warwara talapor oe God, a ningnigo tanla ning lar laun ulak kusun a minat, pa ningnigo anuna kingla te na rakrakan hanua.

I maris dala, pa i alangolango pas dala kusun anundala na toltol laulau ana sulukna, 6 1:6 1 Pita 2:9; Tatatai 5:10; 20:6pa i akes dala sur dalar warkurai taum onoi pa sur dala na tena artabar tetek e Tamana, esaning anuna God. A matatar pa rakrakai rop i kes oe Iesu Karisito, bel ir rarop. Amen.

8 1:8 Tatatai 21:6; 22:13A Leklek e God i atongi mang, “Iau a Alpa pa Omega*1:8 Alpa a ningnigo na matana buk ana warwara Grik, pa Omega a ararop a matana buk., esaning i laun nigo, i laun onone pa ir hanot lamur, esaning i rakrakai kol.”

9 Iau e Jon, a tasimulo pa halimulo ning dala tur taum oe Iesu ana kankan, pa ana nuna matanitu pa tuntunur rakrakai ning dala kilang a kankan. A kes na karabus tumo na lolo Patimos, anasa a warawai ana warwara ane God, pa warwara talapor ane Iesu. 10 Ana pukakiar anuna Leklek†1:10 A pukakiar anuna Leklek a kamkam a warwara mang a ningnigo na pukakiar ana wik ning di akinalang a kamkamtur ulak ane Iesu. a bukus ana Talngan Tabu, pa tumo lamur tak, a longor a tnan elngen takai, i arlar ana tinangis a tawuru. 11 I atongi larne, “A utna ning u oroi i, ur tumus akesi ting na buk ning di hini pa ur abaran seni utumo tetek a tarai a lotu ting na mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

12 A talingir suar oroi esining i warwara tetek iau. Ning a talingir, a oroi a mais a turtur a lam na gol. 13 1:13 Daniel 7:13; 10:5Pa na arpotor tana turtur a lamla a oroi takai “i arlar ana Nat a Barsan,” i mermer ana barbarah a kaen i barah misaot tuk tumo na naur a hana, pa i dot a malwasna ana inau a gol. 14 1:14 Esekiel 43:2; Daniel 7:9; 10:6; Tatatai 2:18; 19:12; 14:2A pukulna pa hih a pukulna dia kokok kol, arlar ana hih a sipsip, pa i arlar otleng ana busa na top, pa naur a matana i arlar ana irnga na iah. 15 Naur a hana dia arlar ana bras ning di ka tun totoh tari ana iah, pa elngena i arlar ana unga na malum ning i naro. 16 1:16 Hibru 4:12; Tatatai 2:12; 19:15I tong mais a nangnang ana sot a kuna, pa liwan a harum, ning naur a risna rop dia harat kol, kaning na pahana i gom pasi. Pa patarna i arlar ana kamis ning i sasai kol.

17 1:17 Aisaia 44:6; 48:12; Tatatai 2:8; 22:13Ning a oroi i, a punga purum tar milau naur a hana, arlar ana minat. Lamur i suah tar a sot a kuna saot hok, pa i atongi mang, “Gong u matmataut, iau a ningnigona pa araropna. 18 Iau esaning i laun. Ia ka mat pas, oroi i, ia ka laun tikin pa a tong a kila ana minat pa ana hanua Hedes, a hanua anunla ning la mat.

19 “I maining, ur tumus a ututnala ning u ka oroi tari: a ututnala ning ka hanot pa ututnala ning ir hanot lamur. 20 Ine a kamkama ututnala na pidik ana mais a nangnang ning u ka oroi tari te na sot a kuk, pa mais a turtur a lam na gol: A mais a nangnang i tur aslang a angelola anuna tarai a lotu ting na mais a hanua, pa mais a turtur a lam i tur aslang a tarai a lotu ting na mais a hanua.”