2
E Iesu a lalaun a hat
1 2:1 Epeses 4:22; Jems 1:21I maining mulor kepsen a toltol laulaula rop, a warwara asasongo pa lalaun a asasongo, a ram pa urmatana warwara laulau. 2 Mulor mang kol sur a utna na ingun ning i totoh, arlar ana kakak mermeremla la mang kol sur a polo na sus. Mulor mang sur a utna na ingun, sur mulor gomo onoi tuk ana pukakiar ning mulor kibas a lalaun tikin. 3 2:3 Buk Song 34:8Anasa mulo ka tasman tar a lalaun ana Leklek, pa mulo tasmani mang a Leklek i wakak kol.
4 Mulor han tetek a Leklek, i a hat ning i laun. A taraila la kepseni, ika e God i aslang pasi, pa i wakak kol na matana. 5 2:5 Epeses 2:21-22; Tatatai 1:6Pa mulo otleng, mulo arlar ana hatatla ning i laun, ning e God i titol omulo sur mulor hanot a rumai ana Talngan Tabu. Mulor hanot na totoh a tena artabar tetek e God, sur mulor saran na artabar ning i hanot miting na Talngan Tabu, ning i wakak na matana e God, anasa oe Iesu Karisito. 6 2:6 Epeses 2:20Larning di ka tumus tari ting na Buk Tabu larne,
“Oroi i, ia ka suah tar a hat saot e Saion.
A hat ning a aslang pasi sur ir a wakak a hat kes, ning di tol a rumai saot ono.
Pa esining ir tortorot onoi, bel ir meme.” Aisaia 28:16
7 Tetek mulo ning mulo tortorot, a hat ning i wakak, ika tetek la ning bel la tortorot,
“A hat ning na tena tol rumai la kepseni,
i ot ning a hat kes, ning di tol a rumai saot ono.” Buk Song 118:22
8 2:8 Aisaia 8:14-15“A hat ning, a tarai lar buh a hanla onoi,
pa lar punga onoi.” Aisaia 8:14
La buh a hanla onoi, anasa bel la longor ana warwara ane God. Ning la toli larning, anuna warwara ning ka atong tari nating i sot onla.
9 2:9 Lo 7:6; 14:2; Aisaia 9:2; Taitus 2:14; Aposel 26:18; Epeses 5:8Ika mulo na tarai a aslang, na tena artabar tetek a King, mulo na totoh a tarai miting na matanitu ane God, pa mulo na tarai ane God. E God ka kabah pas mulo miting na mormorom sur anuna talapor ning i wakak kol, sur mulor warwara talapor ana anuna wakak a titolla. 10 2:10 Hosea 2:23Nating, bel mulo na tarai ane God, ika onone, mulo anuna tarai. Nating, bel mulo kibas a marmaris ane God, ika onone, mulo ka kibasi.
11 2:11 Galesia 5:17, 24Na halalik, mulo kes na wasira te na rakrakan hanua, bel anumulo a hanua ne. I maining a nunung mulo, sur gong mulo mur na laulau a nuknuk, ning la harum taum ana ingumulo. 12 2:12 Matiu 5:16Ika mulor tol a wakak a toltol na arpotor tanla ning bel la tortorot, sur la ning la tiu mulo mang mulo tol a laulaula, lar oroi anumulo na wakak a titol, pa lar atong leklek pas e God ana pukakiar ning ir hanot ono.
Mulor anatarna pas mulo tetek a ningnigola
13 2:13 Taitus 3:1Mulor anatarna pas mulo tanla rop ning la tong akes a warkurai te lapiu. Mulor toli anasa a Leklek i mang suri. Mulor anatarna pas mulo tetek a king, esaning a tnan ningnigo ting na matanitu. 14 Pa mulor anatarna pas mulo otleng tetek na ningnigola ning a king i sira sune sen la, sur lar warkurai a tarai ning la tol a laulau, pa lar aitna pas a tarai ning la tol a wakakna. 15 2:15 1 Pita 3:16Anasa e God i mang sur mulor tol na wakak a titol, sur mulor sairas na warwara oros ka ana tarai ning bel la tastasman. 16 Mulo ka langolango, ika gong mulo nuki mang mulo ka langolango sur mulor tol a laulau pa mulor nuki mang i wakak ka. Mulor laun arlar larning mulo na tena titol oros ane God. 17 2:17 Rom 12:10Mulor hanrawai a tarai rop. Mulor mang sur na tastasimulo ana tortorot, mulor matmataut sur e God, pa mulor hanrawai a king.
Dalar mur a toltol ane Iesu
18 2:18 Epeses 6:5Mulo na tena titol oros, mulor sira anatarna pas mulo tetek anumulo na ningnigo taum ana hanrawai. Bel mulor anatarna pas mulo ka tetek la ning la wakak pa la sira maris mulo, mulor anatarna pas mulo otleng tetek la ning a magiranla i laulau tetek mulo. 19 Ning bel mulo tol ta laulau a utna, ika mulo kilang a mamahat kusun a tarai, e God ir gas omulo ning mulo mur a nuknukna pa mulo tur rakrakai. 20 2:20 1 Pita 3:14, 17Ning di um mulo ana numulo na toltol laulau ot, pa mulo tur rakrakai, e God bel ir aitna pas mulo. Ika ning mulo tol a tostos a toltol, pa di akadik mulo onoi, e God ir gas omulo ning mulo tur rakrakai.
21 2:21 Matiu 16:24; Jon 13:15E God ka kabah pas mulo sur mulor tur rakrakai ning mulo kilang na mamahat. Anasa e Karisito i kilang a kankan sur mulo, pa ka asangan tar a magirana ne tamulo, sur mulor mur a kiuna.
22 “Bel i tol tar ta toltol laulau,
pa bel i atong tar ta asasongo na warwara.” Aisaia 53:9
23 2:23 Aisaia 53:7; 1 Pita 3:9Ning di atong laulau i, bel i kelesi. Ning di akadiki, bel i balakut pa bel i atong tar ta warwara mang ir alaulau la. I noren tari ot na kuna e God, esaning anuna warkurai i tostos. 24 2:24 Rom 6:11; Aisaia 53:5-6E Karisito ot i kibas pas anundala na toltol laulau ana palaona ning i mat saot na rakai kutus, sur dalar mat kusun a toltol laulau, pa dalar laun sur a tostos a toltol. I alangolango pas mulo ana mangmangras ting na palaona. 25 2:25 Esekiel 34:5-6; Matiu 9:36; Jon 10:14; Hibru 13:20-21Anasa nating mulo han rongo arlar ana sipsipla, ika onone mulo ka han ulak tetek anumulo a Tena Tai Alar anuna sipsipla, pa Tena Tai Alar ana ingumulo.
2:1: 2:1 Epeses 4:22; Jems 1:21
2:3: 2:3 Buk Song 34:8
2:5: 2:5 Epeses 2:21-22; Tatatai 1:6
2:6: 2:6 Epeses 2:20
2:8: 2:8 Aisaia 8:14-15
2:9: 2:9 Lo 7:6; 14:2; Aisaia 9:2; Taitus 2:14; Aposel 26:18; Epeses 5:8
2:10: 2:10 Hosea 2:23
2:11: 2:11 Galesia 5:17, 24
2:12: 2:12 Matiu 5:16
2:13: 2:13 Taitus 3:1
2:15: 2:15 1 Pita 3:16
2:18: 2:18 Epeses 6:5
2:20: 2:20 1 Pita 3:14, 17
2:21: 2:21 Matiu 16:24; Jon 13:15
2:23: 2:23 Aisaia 53:7; 1 Pita 3:9
2:24: 2:24 Rom 6:11; Aisaia 53:5-6
2:25: 2:25 Esekiel 34:5-6; Matiu 9:36; Jon 10:14; Hibru 13:20-21