A Ningnigo na Pas
ane
Pita
A warwara talapor nigo
A pas ne e Pita i tumusi. E Pita i a hal ning a bonot pa pisir naur a kakak a asaer ane Iesu. I tumus a pas ne tetek a tarai a lotu ning la kes na wasira ting na hananuala. I kes tumo e Rom pa i tumus a pas ne. I atong e Rom e Babilon, a warwara larlar ana toltol mite na rakrakan hanua ning i bukus tumo e Rom.
A tena tortorotla la barat a galis a mamahat miting na matanitu anasa la tortorot oe Iesu. Te na pas ne, e Pita i mang sur ir arakrakai anunla a tortorot. I atai la ana nunla a tona lalaun oe Karisito, pa ana toltol ane Iesu, anasa e Iesu otleng i barat a mamahatla. I atai la otleng ana wakak a toltolla ning lar muri.
A tinan ana Ningnigo na Buk ane Pita:
A kamkama buk ne (1:1-2)
Dalar harnanai ana tortorot sur a lalaun tikin (1:3-12)
A totoh a lalaun (1:13—2:12)
A wakak a toltol ning dalar muri (2:13—3:7)
A tarai ane Karisito lar kilang a kankan (3:8—4:19)
Dalar anatarna pas dala (5:1-11)
A ararop a warwara ane Pita (5:12-14)
1
1 1:1 Rom 8:29; 2 Tesalonika 2:13Iau e Pita, a aposel ane Iesu Karisito, a tumtumus tetek mulo ning e God ka aslang pas mulo sur mulo anunai, pa mulo kes sarara arlar ana wasirala tumo na paparla Pontus, Galesia, Kapadosia, Esia pa e Bitinia. 2 E God a Tamandala ka aslang pas mulo ning ka tasman nigon tar mulo, pa Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna.
A marmaris pa balmolmol ir kes tetek mulo, pa ir itna bolos.
Dala harnanai ana tortorot sur a lalaun tikin
3 Dalar atong aleklek pas e God, a Taman anundala Leklek e Iesu Karisito. Ana nuna tnan marmaris, i agon tona pas dala. I maining dala harnanai ana tortorot sur a lalaun tikin, anasa e Iesu Karisito i kamtur ulak kusun a minat, 4 1:4 Kolosi 1:12pa dalar kibas a utna ning e God ka sang tari saot na langit, a utna ning bel ir marase, bel ir laulau pa bel ir rorom. E God ka sang tari sur mulo.
5 1:5 Jon 10:28-29; 17:11Pa i tai alar mulo ana rakrakaina, anasa mulo tortorot onoi. Ir tai alar mulo tuk ana ararop a pukakiar ning ir alaun mulo. Pa ana nuna titol ning, ir apuasa asaning ka sang tari sur mulo. 6 1:6 1 Pita 5:10; Jems 1:2A utna ne ir agasgas kol mulo. I momol ot, a urmatana mamahat ning mulo kilangi onone ir saran a balmaris tamulo, ika bel ir bongnan la. 7 1:7 Gutpela Sindaun 17:3; Sekaraia 13:9; Malakai 3:3; Jems 1:3A mamahatla ne la hanot sur dir toho anumulo a tortorot, sur dir oroi i mang i momol o bel. Di toho anumulo a tortorot arlar onoi ning di tun atotoh a gol ting na iah. Ika anumulo a tortorot i itna kol tana gol ning ir rop ka. Pa ning anumulo a tortorot ir tur rakrakai lamur tana larlarla, e Iesu Karisito ir rakan aleklek pas mulo, pa ir aitna pas mulo, pa ir saran a hanrawai tetek mulo ana pukakiar ning ir hanot puasa. 8 1:8 Jon 20:29; 2 Korin 5:7Turpasi nating tuk onone belot mulo oroi i, ika mulo mang kol suri. Onone bel mulo oroi i, ika mulo tortorot onoi. Pa mulo bukus ana tnan gasgas ning bel dir pak sot pasi ana ta warwara, pa i bukus ana matatar. 9 Anasa e God ka alaun pas a ingumulo, ine a wana numulo a tortorot.
10 1:10 Matiu 13:16-17A propetla tagun nating la warwara na propet ana titol ane God ning ir alaun mulo, arlar ana artabar ning ir tabar mulo onoi. La tatatai suri, pa la rakrakai sur lar tasmani. 11 1:11 Buk Song 22:1-31; Aisaia 53:1-12; Luk 24:26-27A Inguna e Karisito i kes onla, pa i atai nigon la ana mamahatla ning e Karisito ir kilangi, pa ana nuna matatar lamur. La tiktikin wakak mang nangse momol, pa esi na barsan ning a utna ne ir hanot onoi. 12 E God i apuasa i tetek a propetla mang a ututnala ne, bel ir hanot tetek la. La warwara ka ana ututnala ning e God ir toli tetek mulo. Pa onone, mulo ka longor tari tana tarai ning la warawai ana Wakak a Warwara tetek mulo ana rakrakai a Talngan Tabu esaning di sune i misaot na langit. Pa ututnala ne, na angelo otleng la mang kol sur lar oroi i.
A totoh a lalaun
13 I maining mulor sang a nuknukimulo sur anumulo a titol, mulor warkurai tostos anumulo a lalaun, pa mulor harnanai ana tortorot momol sur a utna ning dir tabar mulo onoi ning e Iesu Karisito ir hanot puasa. 14 1:14 Rom 12:2; Epeses 2:3; 4:17-18Mulo na natnat e God, ning mulo sira longor tana, gong mulo mur a laulau a nuknukla ning mulo sira toli nating, ning bel mulo mananos. 15 Mulor totoh ana numulo na toltol rop, arlar o esaning i kabah pas mulo i totoh. 16 1:16 Wok Pris 11:44-45; Matiu 5:48Anasa di ka tumus tari ting na Buk Tabu mang, “Mulor totoh, anasa iau, a totoh.” Wok Pris 11:45
17 1:17 Rom 2:11; Tatatai 2:23Mulo sira atong Tamamulo oe God. Pa i wakak ning mulor laun taum ana matmataut na matana, ana numulo a keskes a wasira te lapiu, anasa ir warkurai a taraila rop, ana ututnala rop ning la ka tol tari, pa bel ir purpurngis. 18 Mulo ka tasmani mang e God ka lou langolango pas mulo kusun na toltol orosla ka, ning mulo kibasi tana tamamulola. Bel i lou langolango pas mulo ana utna ning ir rorom ka, arlar ana silwa o a gol. 19 1:19 Aposel 20:28; Hibru 9:12-14I lou langolango pas mulo ana wakak a sulukna e Karisito, esaning i arlar ana barman a sipsip ning i totoh pa bel ta tinsaman kaning onoi.*1:19 A tarai Israel la sira artabar tetek e God ana barman a sipsip ning i totoh pa bel ta tinsaman kaning onoi, sur e God ir kepsen anunla na toltol laulau. Oroi a Wok Pris 22:17-25. 20 1:20 Epeses 1:4E God ka aslang pasi nating ot ning belot i akes a rakrakan hanua, pa ana ararop a pukakiarla ne, ka hanot sur mulo. 21 1:21 Jon 14:6; Rom 5:1-2Oe Karisito, mulo tortorot oe God, esaning i akamtur ulak pasi kusun a minat, pa i saran tar a matatar teteki. Larning mulo tortorot oe God pa mulo harnanai ana tortorot sur a utna ning ir toli lamur.
22 1:22 Jon 13:34; Rom 12:10Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Mang larning, mulor mang artalai sur mulo ana marmaris momol ting na balamulo. 23 Anasa di ka agon ulak pas mulo. Pa anumulo a tona lalaun, bel i kamna pas on tik mite lapiu, anasa tik mite lapiu ir rarop ka. Di agon tona mulo ana utna ning bel ir rarop, i a warwara ane God, ning i laun pa ir kes tikin.
24 I arlar larning di ka tumus tari ting na Buk Tabu mang,
“A taraila rop la arlar ka ana ulai,
pa matatarinla i arlar ka ana purpur ning i sar.
A ulai ir marang, pa purpur ir punga,
25 ika a warwara ana Leklek ir kes tikin.” Aisaia 40:6-8
Pa warwara ne, i a Wakak a Warwara, ning di ka warawai tar onoi tetek mulo.
1:1: 1:1 Rom 8:29; 2 Tesalonika 2:13
1:4: 1:4 Kolosi 1:12
1:5: 1:5 Jon 10:28-29; 17:11
1:6: 1:6 1 Pita 5:10; Jems 1:2
1:7: 1:7 Gutpela Sindaun 17:3; Sekaraia 13:9; Malakai 3:3; Jems 1:3
1:8: 1:8 Jon 20:29; 2 Korin 5:7
1:10: 1:10 Matiu 13:16-17
1:11: 1:11 Buk Song 22:1-31; Aisaia 53:1-12; Luk 24:26-27
1:14: 1:14 Rom 12:2; Epeses 2:3; 4:17-18
1:16: 1:16 Wok Pris 11:44-45; Matiu 5:48
1:17: 1:17 Rom 2:11; Tatatai 2:23
1:19: 1:19 Aposel 20:28; Hibru 9:12-14
*1:19: 1:19 A tarai Israel la sira artabar tetek e God ana barman a sipsip ning i totoh pa bel ta tinsaman kaning onoi, sur e God ir kepsen anunla na toltol laulau. Oroi a Wok Pris 22:17-25.
1:20: 1:20 Epeses 1:4
1:21: 1:21 Jon 14:6; Rom 5:1-2
1:22: 1:22 Jon 13:34; Rom 12:10