1 ཡ༌ཧུ༌དཱ༌ ཡུལ༌ནེ༌ ཨན༌ཏི༌ཡོག༌ག༌ ཡོང༌ཁན༌ནི༌ མི༌ ཁ༌ཅིག༌གི༌ ཏད༌པ༌ཅན༌གུན༌ལ༌, "གལ༌ཏེས༌ ལུང༌སྟོན༌པ༌ མོ༌ཟེས༌སི༌ བཀའ༌ཁྲིམས༌ ནང༌ཞིན༌ ཁྱོ༌ཞའེ༌ བུ༌ཚ༌གུན༌ལ༌ སུན༌ནད༌ *15:1 སུན༌ནད༌དི༌ ཏོན༌བོ༌ ནི༌ བུ༌ཚའེ༌ ཤའེ༌ ཀ༌ནེ༌ པགས༌པ༌ ཅད༌ཏེ༌ སྟགས༌ ཅོ༌ཅེས༌པོ༌ ཨིན༌ནོག༌། མ༌ཅོ༌ན༌ ཁྱོ༌ཞ༌གུན༌ལ༌ ཐར༌པ༌ མི༌ཐོབ༌" ཟེར༌ཨིན༌ ལབ༌ཞའ༌ ཏངས༌། 2 ཡང༌ པ༌འུ༌ལུ༌ དང༌ བཱར༌ན༌བས༌སི༌ ཁོང༌གུན༌ནི༌ ལབ༌ཞའེ༌ གྱབ༌གལ༌ ཅོ༌ཅེས༌པོའེ༌ ཁོང༌གུན༌ ཉམ༌པོ༌ སྲན༌ཏྲེ༌ ཟེར༌ཟེར༌ སོང༌། ཏེ༌ ཆོས༌ཚོགས༌སི༌, པ༌འུ༌ལུ༌, བཱར༌ན༌བས༌ ཡང༌ ཏད༌པ༌ཅན༌ ཁ༌ཅིག༌ ཡེ༌རུ༌ཤ༌ལེམ༌མ༌ སྐུ༌ཚབས༌ དང༌ འུ༌སྐྱོང༌ གུན༌ནི༌ དུན༌ལ༌ ཏེ༌ ལབ༌ཞའེ༌ སྐོར༌ལ༌ སྤེ༌ར༌ ཏང༌ང༌ ཆ༌ཅེས༌ལ༌ ལྡམས༌། 3 ཆོས༌ཚོགས༌སི༌ ཁོང༌གུན༌ ལམ༌ཅུགས༌, ཡང༌ ཁོང༌གུན༌ ཕོ༌ནི༌ཤི༌འ༌ དང༌ ས༌མར༌རི༌ཡཱ༌ ཡུལ༌གུན༌ གྱུད༌ཏེ༌ ཆའ༌ ཟ༌ནེ༌ ཁོང༌གུན༌ནི༌ ཏད༌པ༌ཅན༌གུན༌ལ༌ ཡ༌ཧུ༌དཱ༌པ༌ མན༌ཁན༌གུན༌ནི༌ མ༌ཤི༌ཀའེ༌ཀ༌ ཏད༌པ༌ ཁྱོང༌ཨིན༌ ཡོད༌ཁན༌བོ༌ ཤདས༌, ཏེ༌བོ༌ ཚོར༌ཏེ༌ སྤུན༌ ཚང༌མ༌ མང༌པོ༌ ཐད༌།

4 ཡེ༌རུ༌ཤ༌ལེམ༌མ༌ ལེབ༌བ༌ཅིག༌, ཏེ༌རུ༌ ཡོད༌ཁན༌ནི༌ ཆོས༌ཚོགས༌, སྐུ༌ཚབས༌གུན༌ དང༌ འུ༌སྐྱོང༌གུན༌ནི༌ ཁོང༌གུན༌ལ༌ གའ༌སུས༌ ཞུས༌། དཀོན༌མཆོག༌གི༌ ཁོང༌གུན༌ གྱུད༌ཏེ༌ ཛད༌ཁན༌ནི༌ ཆག༌ལས༌གུན༌ནི༌ སྐོར༌ལ༌ ཁོང༌ངི༌ ཤད༌ད༌ ཛདས༌། 5 ཨིན༌ནའང༌ ཕ༌རུ༌ཤི༌པའེ༌ སྡེ༌ ནང༌ནེ༌ ཨིན༌ཁན༌ ཏད༌པ༌ཅན༌ ཁ༌ཅིག༌ ལངས༌ཏེ༌ ཟེརས༌, "ཏད༌པ༌ཅན༌ ཡ༌ཧུ༌དཱ༌པ༌ མན༌ཁན༌ བུ༌ཚ༌གུན༌ལ༌ སུན༌ནད༌ ཅོ༌གོ༌ཤེས༌ དང༌ ལུང༌སྟོན༌པ༌ མོ༌ཟེས༌སི༌ བཀའ༌ཁྲིམས༌གུན༌ ཁའ༌ཉན༌གོས༌།"

6 ཏེན༌ན༌བོའེ༌ཕིའ༌ སྐུ༌ཚབས༌ དང༌ འུ༌སྐྱོང༌ གུན༌ ཏེ༌ ལབ༌ཞའེ༌ སྐོར༌ལ༌ གྲབས༌ ཛད༌ཅེས༌ལ༌ ཛོམས༌། 7 མ༌མང༌པོ༌ གྲབས༌ ཅོས༌ཏེ༌ སྟིང༌ནེ༌ པི༌ཏྲར༌ ལངས༌ཏེ༌ ཁོང༌གུན༌ལ༌ མོལས༌, "སྤུན༌གུན༌ ཁྱོ༌ཞ༌གུན༌ལ༌ གྱུས༌ཨིན༌ནོག༌, ཏུས༌བན༌ཤིག༌གི༌ སྔུན༌ལ༌, གོ༌མ༌རང༌ ཡ༌ཧུ༌དཱ༌པ༌ མན༌ཁན༌གུན༌ནི༌ གའ༌མོའེ༌ ནས༌ཚུལ༌ ཚོར༌ཏེ༌ ཏད༌པ༌ ཁྱོང༌ཅེས༌སི༌ ཕིའ༌ དཀོན༌མཆོག༌གི༌ ཁྱོ༌ཞའེ༌ ཕྲོ༌ནེ༌ ངའ༌ ཁོང༌གུན༌ལ༌ ཆོས༌ཤད༌ཅེས༌ལ༌ ལྡམ༌མ༌ ཛདས༌། 8 ང༌དང༌གུན༌ནི༌ སེམས༌སི༌ ནང༌ང༌ ཡོད༌ཁན༌ ཚང༌མ༌ ཁྱེན༌ན༌ ཛད༌ཁན༌ནི༌ དཀོན༌མཆོག༌གི༌ ང༌དང༌གུན༌ ཙོགས༌ལ༌ ཡ༌ཧུ༌དཱ༌པ༌ མན༌ཁན༌གུན༌ལ༌ དམ༌པའེ༌ ཐུག༌ཉིད༌ སལ༌ལ༌ ཛད༌ཏེ༌ ཁོང༌གུན༌ནའང༌ དཀོན༌མཆོག༌གི༌ ཨིན༌ཁན༌བོའེ༌ སྤང༌པོ༌ སལས༌། 9 དཀོན༌མཆོག༌གི༌ ང༌དང༌ དང༌ ཁོང༌གུན༌ནི༌ ནང༌ང༌ ཅའང༌ ཁྱད༌ བོར༌ར༌ མ༌ཛདས༌, ཅིའ༌ཟེར༌ན༌ ཏད༌པ༌ ཁྱོང༌ཅེས༌པོའེ༌ ཁོང༌གུན༌ནི༌ སེམས༌ ལག༌མོ༌ ཛདས༌། 10 ཏ༌ ཡ༌ཧུ༌དཱ༌ མན༌ཁན༌ ཏད༌པ༌ཅན༌གུན༌ནི༌ སྤུང༌པའེ༌ཀ༌, ང༌དང༌ ཡ༌ ང༌དང༌ངི༌ ཕ༌མེས༌པོ༌གུན༌ནི༌ ཁུར༌ མ༌ཉན༌ཁན༌ནི༌ ཁུ༌རུ༌ ལྕིན༌ཏྲེ༌ ཀལ༌ཏེ༌ ཁྱོ༌ཞ༌གུན༌ནི༌ ཅིའ༌ དཀོན༌མཆོག༌ག༌ ཐུགས༌སྲོ༌ སྐྱོད༌ཅུག༌གད༌? 11 མན༌, གཙོ༌བོ༌ ཡེ༌ཤུ༌ མ༌ཤི༌ཀའེ༌ ཐུག༌རྗེ༌ གྱུད༌ཏེ༌ ང༌དང༌ང༌ ཐར༌པ༌ ཐོབ༌ཁན༌ ཙོགས༌ལ༌ ཁོང༌གུན༌ལའང༌ ཐོབ༌ཏེ༌ ཨིན༌ཁན༌བོའ༌ ང༌དང༌ངི༌ ཏད༌པ༌ ཅོའ༌ནོག༌།"

12 ཏེ༌ནེ༌ ཏེ༌རུ༌ ཛོམས༌ཁན༌ནི༌ མི༌ཚང༌མ༌ ཅུབ༌ཅད༌ཏེ༌ བཱར༌ན༌བས༌ དང༌ པ༌འུ༌ལུ༌ གྱུད༌ཏེ༌ དཀོན༌མཆོག༌གི༌ ཡ༌ཧུ༌དཱ༌པ༌ མན༌ཁན༌གུན༌ནི༌ ཕྲོའ༌ ཀ༌ཟུག༌ ཧ༌ལས༌ཤེས༌སི༌ ཆག༌ལས༌ དང༌ ཛད༌པ༌ ཛད༌ཁན༌ནི༌ སྐོར༌ལ༌ ཤད༌ཁན༌གུན༌ ཉནས༌།

13 ཁོང༌གུན༌ནི༌ མོལ༌ ཚར༌ཏེ༌ སྟིང༌ནེ༌ ཡ༌ཀོབ༌བི༌ མོལས༌, "སྤུན༌གུན༌ ངའེ༌ སྤེ༌རའ༌ ཉན༌ན༌ ཛད༌། 14 དཀོན༌མཆོག༌གི༌ གོ༌མ༌རང༌ ཡ༌ཧུ༌དཱ༌པ༌ མན༌ཁན༌གུན༌ནི༌ཀ༌ སྙིང༌རྗེ༌ སྐྱེས༌ཏེ༌ ཁོང༌གུན༌ནི༌ ཕྲོ༌ནེ༌ ཁོང༌རང༌ངི༌ ཕིའ༌ མི༌གུན༌ ལྡམ༌མ༌ ཛད༌ཁན༌བོའེ༌ སྐོར༌ལ༌ ཤི༌མོན༌ པི༌ཏྲར༌རི༌ ང༌དང༌ང༌ ཤད༌ད༌ ཛདས༌། 15 ལུང༌སྟོན༌པ༌གུན༌ནི༌ ལུང༌སྟན༌བོ༌ ཏེ༌བོ༌ གྱུད༌ཏེ༌ དྲན༌དྲའ༌ གྲུབ༌ཏེ༌ ཨིན༌ནོག༌, ཀ༌ཟུག༌ སུང༌རབས༌སི༌ ནང༌ང༌ བྲིའ༌ ཛད༌ཏེ༌ ཨིན༌ནོག༌,"

19 "ཏེན༌ན༌བོའེ༌ཕིའ༌ ངའེ༌ ཐག༌ཅད༌བོ༌ ནི༌, ང༌དང༌གུན༌ནི༌ དཀོན༌མཆོག༌ ཆོགས༌ལ༌ སེམས༌ གྱུར༌ཨིན༌ ཡོད༌ཁན༌ནི༌ ཡ༌ཧུ༌དཱ༌པ༌ མན༌ཁན༌གུན༌ལ༌ ཀགས༌པོ༌ ཐོང༌ཅུག༌ མ༌གོས༌། 20 ཨིན༌ནའང༌ ཨི༌གེ༌ བྲིས༌ཏེ༌ ཁོང༌གུན༌ལ༌ སྐུན༌དྲ༌གུན༌ལ༌ ཆོད༌པ༌ ཕུལ༌ཏེ༌ ཚི༌ཏུ༌ ཆའ༌ཁན༌ནི༌ ཟན༌ མི༌ཟའ༌ཅེས༌, ལུས༌བྲེལ༌ ངན༌པ༌གུན༌ནེ༌ ཐག༌རིང༌ང༌ དུག༌ཅེས༌, སྐྱེ༌ཀྱིགས༌ཏེ༌ སད༌ཁན༌ནི༌ སེམས༌ཅན༌གུན༌ནི༌ ཤ༌ ཡང༌ ཁྲག༌ཅན༌ནི༌ ཤ༌ མི༌ཟའ༌ཅེས༌སི༌ སྐོར༌ལ༌ སལ༌པོ༌ ཅོས༌ཏེ༌ ཤད༌གོས༌། 21 ཅིའ༌ཟེར༌ན༌ མོ༌ཟེས༌སི༌ བཀའ༌ཁྲིམས༌སི༌ ནང༌ང༌ ཏེ༌གུན༌ སྔུན༌ མ༌ནེ༌ ཕར༌ལ༌ གྱལ༌ས༌ ཚང༌མའེ༌ དུ༌ཁང༌གུན༌ནི༌ ནང༌ང༌ ཤབ༌བད༌ རིམས༌སི༌ མི༌གུན༌ནི༌ ཕིའ༌ སིལ༌ཨིན༌ ཨིན༌ནོག༌།

22 ཏེ༌ནེ༌ སྐུ༌ཚབས༌གུན༌, འུ༌སྐྱོང༌གུན༌ དང༌ ཆོས༌ཚོགས༌ གང༌པོ༌ ཛོམས༌ཏེ༌ ཁོང༌གུན༌ནི༌ ཕྲོ༌ནེ༌ མི༌ ཉིས༌ ལྡམས༌ཏེ༌ པ༌འུ༌ལུ༌ དང༌ བཱར༌ན༌བས༌ ཉམ༌པོ༌ ཨན༌ཏི༌ཡོག༌ག༌ ལམ༌ཅུག༌ཅེས༌ལ༌ ཐག༌ཅདས༌། ཏེ༌ ལྡམས༌ཁན༌གུན༌ ཆོས༌ཚོགས༌སི༌ འུ༌སྐྱོང༌ བཱར༌ས༌བས༌ ཟེར༌ཁན༌ནི༌ ཡུ༌དཱ༌ དང༌ སི༌ལས༌ ཉིས༌ཀོ༌ ཨིན༌པིན༌། 23 ཁོང༌གུན༌ ཉམ༌པོ༌ འི༌ ཆག༌བྲིས༌པོ༌ ཀལས༌,

30 ཏེ༌ནེ༌ ལམ༌ཅུགས༌པ༌ ཁོང༌གུན༌ ཨན༌ཏི༌ཡོག༌ག༌ སོང༌ ཡང༌ ཏེ༌རུ༌ ཆོས༌ཚོགས༌ གང༌པོའ༌ བོད༌ཏེ༌ ཆག༌བྲིས༌པོ༌ ཁོང༌གུན༌ནི༌ ལག༌ག༌ ཏངས༌། 31 ཏེ༌ སྤོས༌པ༌ཅན༌ནི༌ ཨི༌གེ༌ སིལ༌པ༌ མི༌གུན༌ ཐད༌པོ༌ སོང༌།

32 ལུང༌སྟོན༌པ༌ ཨིན༌ཁན༌ ཡུ༌དཱ༌ དང༌ སི༌ལས༌ གུན༌ནི༌ ཏད༌པ༌ཅན༌གུན༌ལ༌ སྤོས༌པ༌ཅན༌ནི༌ ལབ༌ཞའ༌ མང༌པོ༌ སལ༌ཏེ༌ ཁོང༌གུན༌ ཏད༌པའེ༌ ནང༌ང༌ སྟན༌པོ༌ གྱུར༌ ཅུག༌ག༌ ཛདས༌། 33 ཞག༌ ཁ༌ཅིག༌གི༌ སྟིང༌ནེ༌ སྤུན༌གུན༌ནི༌ སི༌ལས༌ དང༌ ཡུ༌དཱ༌ ཁོང༌ ཀལ༌ཁན༌ནི༌ ཕྲོ༌པ༌གུན༌ ཡོད༌ས༌ ཁམ༌ཟང༌ ལེབ༌ཅེས༌ལ༌ མོས༌ལམ༌ ཞུས༌ཏེ༌ ཁོང༌གུན༌ ལོགས༌ཏེ༌ ལམ༌ཅུགས༌། 34 ‡15:34 འི༌ རྐང༌པ༌ 34 ༼ཀ༌བོ༌ ཨིན༌ནའང༌ སི༌ལས༌སི༌ ཏེ༌རུ༌ དུག༌ཅེས༌ ཐག༌ཅདས༌༽ བོ༌ གིརིས༌སི༌ སྔུན༌མའེ༌ སྤེ༌ཆ༌གུན༌ནི༌ ནང༌ང༌ བྲིས༌ཏེ༌ མེད༌ཏེ༌ ཨིན༌ནོག༌། 35 ཨིན༌ནའང༌ པ༌འུ༌ལུ༌ དང༌ བཱར༌ན༌བས༌ ཨན༌ཏི༌ཡོག༌གི༌ ནང༌ང༌ ཞུགས༌, ཏེ༌རུ༌ ཁོང༌གུན༌ དང༌ ཞན༌མ༌ མང༌པོའེ༌, གཙོ༌བོ༌ ཡེ༌ཤུའི༌ བཀའ༌གུན༌ ཤད༌ཨིན༌ ལབ༌ཞའ༌ སལ༌ལ༌ ཛདས༌།

36 ཏུས༌བན༌ཤིག༌གི༌ སྟིང༌ནེ༌ པ༌འུ༌ལུའི༌ བཱར༌ན༌བས༌ལ༌ མོལས༌, "ང༌དང༌ངི༌ གཙོ༌བོའེ༌ བཀའ༌ ཤད༌ཁན༌ནི༌ གྲོང༌ཁྱེར༌གུན༌ལ༌ ང༌དང༌ ཡང༌སྐྱར༌ སོང༌ཏེ༌ ཏད༌པ༌ཅན༌གུན༌ནི༌ ཏད༌པའེ༌ ནས༌ལུག༌པོ༌ ཀ༌ཟུག༌ཤིག༌ དུག༌ ལྟེན༌?" 37 བཱར༌ན༌བས༌སི༌ ཡོ༌ཧཱ༌ནན༌ ཀ༌བོའ༌ མར༌ཀུས༌སའང༌ ཟེར༌རད༌པིན༌, ཁོང༌གུན༌ ཉམ༌པོ༌ ཁྱེར༌ཉིན༌ ཡོད༌པིན༌། 38 ཨིན༌ནའང༌ པ༌འུ༌ལུའི༌, མར༌ཀུས༌ ཁོང༌གུན༌ ཉམ༌པོ༌ ཁྱེར༌ཅེས༌པོ༌ སམ༌བ༌ཅན༌ནི༌ ལས༌ མ༌ནོག༌ སམ༌, ཅིའ༌ཟེར༌ན༌ ཁོའེ༌ པམ༌ཕིལ༌ཡཱའེ༌ ནང༌ང༌ ཁོང༌གུན༌ ཉམ༌པོ༌ ལས༌ ཅོ༌ཨིན༌ མ༌དུག༌ག༌ ཕངས༌ཏེ༌ སོང༌ཏེ༌ ཨིན༌པིན༌། 39 པ༌འུ༌ལུ༌ དང༌ བཱར༌ན༌བས༌སི༌ ནང༌ང༌ སྲན༌ཏྲེ༌ ཟེར༌ཟེར༌ སོང༌པ༌ ཁོང༌གུན༌ སོ༌སོ༌ བེ༌གོས༌, བཱར༌ན༌བས༌ མར༌ཀུས༌ ཁྲིད༌ཏེ༌ གྲུ༌ཟིང༌ང༌ ཞོན༌ཏེ༌ ཀིབ༌རུས༌ལ༌ སོང༌། 40 ཨིན༌ནའང༌ པ༌འུ༌ལུའི༌ སི༌ལས༌ ཁོང༌ ཉམ༌པོ༌ ཁྱེར༌ཅེས༌ལ༌ ལྡམས༌, ཡང༌ ཏད༌པ༌ཅན༌གུན༌ནི༌ ཁོང༌གུན༌ དཀོན༌མཆོག༌གི༌ ཐུག༌རྗེ༌ ཆག༌ག༌ སྟདས༌། 41 པ༌འུ༌ལུ༌ སི༌རི༌ཡཱ༌ དང༌ ཀཱི༌ལི༌ཀི༌ཡཱ༌ གྱུད༌ཏེ༌ ཆོས༌ཚོགས༌གུན༌ སྟན༌པོ༌ ཛད༌ཨིན༌ སྐྱོདས༌།