1 Nig hehd awg hox chaw mawd teq pa haq ngag lawg khawx gad che yaog. Ngag liz nig hehd heh te che awg hox chaw mawd phehq lehq, Khreq gha tuq gha khanr che haq ngag awg ton gha mawg che*5:1 ngag awg ton gha mawg che Yer suq haq su pheh che, du deh vid che, laq kan thag huh thaq vehr vid che haq koz che yaog. yaog. Tuhaz tug awg mig awg phond haq liz ngag gha tug yaog. 2 Nig hehd geh cawg che Ghig sa ve yawg awg mor haq kha nehax haq sax-oq. Su khuhd lex maq gha lehq te che ted ceng tad phehq vid. Ha lehg ha ka te lehq Ghig sa seh kae ax che heh teo. Phu gha gad lehq te che liz tad phehq vid. Ni ma puhd lehq teo. 3 Nawg ved yawg awg mor awg thag lo jawd mawd heh taq te. Kheh ma khuhd, yawg awg mor mehz khuhd suhr hend kig jawg kig phehq vid-oq. 4 Che kheh te ver, Yawg huhx sehr phad Awg hox†5:4 Yawg huhx sehr phad Awg hox Yer suq haq koz che yaog. te ghad kawq tuhaz che te yand, maq nuhr vix lehq awg mig awg phond cawg che si ux cuhr haq nig hehd gha tug yaog.

5 U ve heh te lehq yad nehg teq paog, awg hox chaw mawd teq pa awg huhx lo chehd-oq. Kheh te lehq, nig hehd awg gha lia te ghad lehq te ghad ni ma nehr ghad te daoq. Awg lawn ghod ver, †5:5 Tawd 3:34Ghig sa awr lehr ni ma ir che chaw teq pa haq tawr lar che yaog. Kheh ma khuhd, ni ma nud nehg che chaw teq pa haq awg bon pid che yaog. 6 Kheh te cheaq te lehq, Ghig sa ve ir jad che kand pax awg huhx lo ni ma nehr ghad teo. U kheh te ver, awg yand cawd che te yand, yawd nig hehd haq tar ir tar muh ax tug yaog. 7 Ghig sa nig hehd awg pun duhd ngawx vix che haq te lehq, nig hehd ve duhd har duhd khix tug awg gha lia yawd haq chid aq vid-oq.

8 Sa tiq te lehq kha nehax ngawx lar-oq.‡5:8 kha nehax ngawx lar-oq Mad fang maq linx taq te chehd lehd koz gad che yaog. Mt 26:36-46 Nig hehd ve cand par ned haeg awr lehr, kug chehd che lad cag six heh te lehq, su haq cheq cad tug ca caw ngawx tod chehd che yaog. 9 Yonr yeg che awg khuhn ned haeg haq tawr daq-oq. Awg lawn ghod ver, mig gig khod-aq lo chehd che nig hehd ve a vix a nax teq pa liz, nig hehd gha tuq gha khanr chehd che heh, i hehd liz gha tuq gha khanr chehd che haq nig hehd sir che yaog. 10 Kheh te lehq, nig hehd te pawz te yand gha tuq gha khanr peg khaz nuhr, awg bon awg gha lia cawg che Ghig sa awr lehr, nig hehd haq peh lawq vid lehq, yeg tug tea lehq, awg ghad cawag vid lehq, yonr yeg tug tea vid tug yaog. Co co taer taer Khreq khuhn cawg che yawd ved awg mig awg phond haq nig hehd gha tug, Ghig sa awr lehr nig hehd haq kug lar che yaog. 11 Ghig sa haq co co taer taer kand pax cawg vid-oq. A meng.

12 Kar tiq yeg che lehz ngag sawnr lar che a vix a nax Sir lar nuz§5:12 Sir lar nuz Liq che haq Her lar saq khuhd buhq tuhz par phehq che yaog. haq ngag cud lehq nig hehd haq ngeh che liq che te koz buhq fea che yaog. Nig hehd haq awg ghad pehar lehq, Ghig sa ve awg cehg mag ve awg bon awg lawn haq sax khiz khanr tug, liq che buhq fea che yaog. Ghig sa ve awg bon awg khuhn nig hehd yeg chawa chehd lar-oq.

13 Bar bud lunx med*5:13 Bar bud lunx med Rod maq med haq koz gad che yaog. Pheq 18:2 awg khuhn chehd che, nig hehd heh te lehq lez yug lar che Khreq yad awg mor awr lehr, nig hehd haq duhd nuhd chehd che yaog lehz tawd sanr fea lar che yaog. Ngag ved yad heh te sawnr lar che Mar koq liz, nig hehd haq duhd nuhd chehd che yaog lehz tawd sanr fea lar che yaog. 14 Nig hehd te ghad he lehq te ghad haq pehnd che awg khuhn bux daq lehq†5:14 bux daq lehq A mig thad teq coaq ve chaw teq pa haq pehnd che haq pheq mar daq che awg hez te che yaog. laq kuhr cax daoq.

Khreq awg khuhn lo chehd che nig hehd awg gha lia awg khod-aq duhd sa gad sa tug cawg vid-oq.