1 ᤕᤧᤛᤢ ᤂᤪᤡᤛ᤻ᤋᤧᤴ*ᤂᤪᤡᤛ᤻ᤋ ᤑᤠ᤹ᤀᤡᤴ “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ” ᤐᤥ᤺ᤱ॥ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤛ᤻ᤛᤠ᤺ ᤘᤕᤧᤖᤥ॥ ᤁᤱᤃ ᤂᤢᤏᤧ᤹ ᤁᤢᤎᤠ᤺ᤰᤜᤠ᤹ᤖᤧ ᤂᤢᤏᤡ᤹ ᤔᤡᤱᤛᤪᤠᤖᤥ–

17 ᤀᤰᤂᤣᤗ᤹ᤖᤡᤰ ᤀᤒᤪᤠᤜᤠᤔᤗᤠᤶ ᤍᤠᤀᤢᤍ ᤜᤠᤱ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧ. ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱᤗᤠᤶ ᤒᤧᤒᤡᤗᤥᤏ ᤗᤠᤈᤣ᤹ᤀᤥ ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤀᤠᤱ ᤔᤧᤃᤳᤋᤢᤛᤡᤒᤠ ᤕᤧᤶ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧ. ᤜᤧᤰᤁᤩᤠᤱ ᤒᤧᤒᤡᤗᤥ᤺ᤴᤏᤥ ᤐᤢᤱᤗᤠᤎᤠᤒᤠ ᤔᤧᤈᤥᤃᤢᤛᤡᤀᤠᤱ ᤔᤧᤍᤣ᤹ᤖᤢᤛᤡᤒᤠ ᤕᤧᤶᤔᤠᤱᤎᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤛᤠᤘᤠ᤺ᤴᤇᤡᤱᤒᤠ ᤕᤧᤶ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧᤖᤥ॥

18 ᤀᤠᤸᤗ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤠᤘᤠ᤺ᤴᤇᤡᤱᤔᤠᤴ ᤀᤰᤂᤣᤗ᤹ᤖᤡᤰ ᤐᤥ᤺ᤰᤂᤧᤖᤥ–ᤁᤢᤶᤔᤠ ᤔᤖᤡᤕᤔᤖᤧ ᤁᤢᤔᤣ᤺ᤰᤂᤡᤶ ᤐᤥ᤺ᤱᤔᤠ ᤐᤠ᤺ᤴᤏᤡᤴ ᤕᤢᤛᤢᤑᤧᤴᤏᤢ ᤐᤢ᤹ᤖᤧᤀᤠᤱ ᤘᤕᤧ. ᤁᤖ ᤂᤢᤴᤇᤡ᤹ ᤔᤣ᤺ᤰᤂᤡᤶ ᤐᤥ᤺ᤱᤔᤠᤏᤢ᤺ᤸᤗᤧ ᤋᤃᤡᤀᤣ ᤂᤢᤏᤧ᤹ ᤛᤣᤛᤣᤔᤠᤱᤅᤡᤸᤗᤧ*ᤛᤣᤛᤣᤔᤠᤱ–ᤁᤴ ᤛᤢᤳᤗᤠ᤺ᤴ ᤐᤠ᤺ᤴᤛᤢᤳᤗᤠ ᤛᤢᤶᤔᤥ ᤏᤡ᤺ᤖᤧ᤹ᤀᤥ॥ ᤁᤢᤔᤢᤰᤛᤠᤶᤗᤠᤶ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤖᤥ॥ 19 ᤂᤢᤏᤧ᤹ᤏᤢ ᤁᤢᤔᤣ᤺ᤰᤂᤡᤶ ᤐᤠ᤺ᤴ ᤁᤧᤒᤢ᤹ᤒᤠ ᤕᤢᤛᤢᤑᤧᤱᤃ ᤛᤠᤶᤕᤥᤏᤡᤒᤠ ᤔᤏᤠ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤁᤢᤈᤠ᤺ᤳᤌᤡ ᤔᤧᤒᤣ᤺ᤰᤏᤧᤴᤗ ᤑᤠ᤹ᤀᤠᤱ ᤂᤧᤸᤗᤧ ᤛᤫᤠ᤺ᤳᤋᤠᤱ ᤏᤠ᤹ᤔᤠ ᤏᤡᤱᤘᤠ᤹ ᤆᤥᤃᤢᤖᤥ॥

20 ᤁᤖ ᤜᤧᤰᤁᤣ ᤀᤡ᤺ᤳᤋᤢᤖ ᤘᤕᤧᤸᤗᤧ ᤛᤧᤵᤔᤠᤱᤔᤥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤴ*ᤔᤠᤱᤗᤠᤀᤡᤱᤒᤠ–ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶᤃᤧᤴ ᤕᤠᤵᤔᤡ ᤆᤥ᤺ᤰᤔᤠᤏᤢ᤺ᤸᤗᤧ ᤋᤃᤡ ᤛᤠᤱᤃᤪᤠᤶᤐᤣᤍᤠᤱᤅᤥ ᤂᤢᤏᤧ᤹ ᤁᤢᤛᤣᤘᤠ ᤆᤥ᤺ᤰᤛᤧ ᤔᤠᤱᤗᤠᤀᤡᤱᤒᤠᤜᤠ᤹ ᤆᤥᤃᤢᤛᤡ॥ ᤔᤠᤱᤗᤠᤀᤡᤱᤒᤠ ᤛᤢᤳᤗᤠ᤺ᤴ ᤐᤠ᤺ᤴᤛᤢᤳᤗᤠᤀᤥ ᤏᤡ᤺ᤖᤧ᤹ᤀᤥ॥ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤀᤰᤂᤣ ᤔᤧᤳᤋᤢᤖᤥ. “ᤍᤠᤀᤢᤍᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤕᤢᤛᤢᤵᤑᤣ. ᤂᤧᤏᤧ᤹ ᤔᤖᤡᤕᤶᤔᤡᤴ ᤔᤣ᤺ᤰᤂᤡᤶ ᤆᤥ᤺ᤰᤔᤠᤀᤠᤱ ᤜᤡᤶᤔᤥ ᤋᤠ᤺ᤵᤔᤠ ᤔᤧᤃᤡᤛᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤀᤥᤒᤠ ᤀᤅᤧ᤺ᤰᤘᤠ᤺ᤴ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶᤒᤠ ᤜᤠᤱᤛᤡᤱᤒᤠᤖᤥ॥ 21 ᤂᤢᤏᤧ᤹ ᤕᤧᤶᤒᤡᤳᤇᤠ᤹ᤛᤠ᤺ᤎᤡᤰ ᤁᤳᤋᤢ᤹. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤡᤱᤅᤡᤴ ᤕᤧᤛᤢ*“ᤕᤧᤛᤢ” ᤛᤢᤳᤗᤠ᤺ᤸᤗᤧ ᤁᤢᤒᤣ᤺ᤱᤃ “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠᤱᤛᤧ᤺ᤵᤋᤢᤛᤡ᤹” ᤐᤥ᤺ᤱᤗᤥ॥ ᤘᤠ᤺ᤳᤋᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤁᤢᤔᤏᤠᤜᤠ᤹ ᤂᤢᤏᤡ᤹ ᤗᤠᤕᤥᤗᤠᤶ ᤋᤠᤱᤛᤧ᤺ᤵᤋᤢᤛᤡ᤹ᤖᤥ॥” 22 ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤗᤠᤶ*ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤑᤠ᤹ᤀᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤄᤱ ᤁᤧᤒᤠ᤺ᤵᤐᤠ ᤔᤏᤠᤖᤥ॥ ᤀᤰᤋᤱᤒᤠ ᤔᤏᤠ᤺ᤸᤗᤧ ᤋᤠ᤺ᤴᤍᤡ ᤁᤧᤒᤥ᤺ᤱᤒᤠ ᤐᤠ᤺ᤴᤏᤠᤱ ᤐᤠ᤺ᤳᤋᤢ᤹ᤖᤥ॥ ᤕᤜᤘᤣ ᤍᤠᤱᤒᤠᤸᤗᤧ ᤀᤢᤴᤇᤣ᤺ᤴ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤘᤕᤧᤒᤠ ᤐᤠ᤺ᤴᤏᤡᤴ ᤁᤧᤳᤗ ᤑᤠ᤹ᤀᤠᤱ ᤁᤴ ᤁᤧᤖᤧᤰ ᤐᤠ᤺ᤴᤜᤠ᤹ ᤐᤥ᤺ᤰᤂᤧᤒᤠᤖᤥ– 23 “ᤛᤡᤛᤠᤍᤡᤱ ᤔᤧᤴᤇᤡᤕᤠ᤹ᤀᤡᤴ ᤔᤧᤴᤇᤢᤰᤔᤠ ᤐᤥ᤺ᤱᤅᤠᤱ ᤕᤧᤶᤒᤡᤳᤇᤠ᤹ᤛᤠ᤺ᤎᤡᤰ ᤁᤳᤋᤢ᤹. ᤜᤧᤰᤁᤩᤠᤱ ᤂᤧᤴ ᤀᤡᤶᤔᤠᤏᤢᤀᤣᤗ ᤔᤧᤔᤧᤳᤋᤢ᤹ᤖᤥ॥ ‘ᤀᤡᤶᤔᤠᤏᤢᤀᤣᤗ’ ᤑᤠ᤹ᤀᤡᤱᤃ ‘ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡ᤹ᤏᤢ ᤘᤠ᤹’ ᤐᤥ᤺ᤱᤗᤥ॥”*ᤕᤛᤤᤕᤠ ᥍.᥇᥊ 24 ᤀᤠᤸᤗ ᤕᤢᤛᤢᤑᤧᤴ ᤛᤧᤵᤔᤠᤱᤔᤥᤗᤠᤶ ᤛᤥᤖᤧᤀᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤸᤗᤧ ᤔᤧᤳᤋᤢᤒᤠ ᤁᤢᤀᤡᤛᤡ᤺ᤰᤁᤣ ᤔᤖᤡᤕᤶᤔᤡᤴ ᤔᤣ᤺ᤰᤂᤡᤶ ᤔᤧᤳᤋᤢ. ᤜᤧᤰᤁᤩᤠᤱ ᤁᤢᤜᤡᤶᤔᤥ ᤋᤠᤖᤢᤖᤥ॥ 25 ᤁᤖ ᤔᤖᤡᤕᤶᤔᤡᤴ ᤔᤧᤴᤇᤢᤰᤔᤠ ᤘᤕᤧᤖ ᤌᤠᤖᤡᤰ ᤂᤢᤴᤇᤡ᤹ ᤛᤥᤖᤡᤰ ᤔᤧᤀᤡᤵᤛᤧᤳᤇᤡᤴᤗᤥ॥ ᤕᤠᤱᤛᤡ ᤔᤖᤡᤕᤶᤔᤡᤸᤗᤧ ᤛᤠ᤺ ᤁᤳᤋᤢᤀᤠᤱ ᤕᤢᤛᤢᤑᤖᤧ ᤂᤧᤴ ᤀᤅᤧ᤺ᤰᤘᤠ᤺ᤴ ᤕᤧᤛᤢ ᤔᤡᤱ ᤘᤠ᤺ᤳᤋᤢᤖᤥ॥