16
पावलरे़ कुसेवा
किङ्‌क्रिया पाङ्‌जुम्‍मो के़वाॽबा सेसेहुप्‍लक्‍कोबा माङ्‌सेवारोमा* माङ्‌सेवारोमा–ग्रिक पाःन्‍दाङ्‌ङो “दिकन्” पोःङ्‌लो॥ आनिॽ नुसाॽ फिबिरे़ कुनारा फोःसुङ्‌लो॥ निङ्‌वाॽफुमाङ्‌ङिल्‍ले़ सेसे कुमनाहाॽ लाॽरुसिबा लाङ्‌दाःक्‍मान् खुने़ॽ दाङ्‌बाल्‍ले़ कुमिङ्‌ङो पिरे़म्‍मे़ॽ फाॽआङ् मे़त्‍निङ्‌लो॥ खिनिॽ सुक्‍सुक् खुने़ॽ कुभाॽ पिरे़म्‍मे़ॽ, थेआङ्‌भे़ल्‍ले़ खुने़ॽग इङ्‌गाॽ नु यरिक् मनाहाॽ कुभाॽ पिरुसिआङ् वाॽरो॥
इङ्‌गाॽनु सोरिक् ख्रिस्‍त ये़सुरे़ कुयाःम्‍बक् के़जोःक्‍पा आन्‍जुम्‍हाॽ प्रिस्‍किला नु कुये़म्‍बाॽ अक्‍विलाःन् आसेवारो मे़त्ते़म्‍सिम्‍मे़ॽओ॥ खे़ङ्‌हाॽरे़ इङ्‌गाॽ आसे़ःप्‍से़ खुन्‍छिॽ हिङ्‌मन्‍निन्‍ने के़साक्‍पाओ थासे़त्‍छुरो॥ इङ्‌गाॽरक् मे़ःन्, कर यरिक् थिम्‍मे़न्‍दङ् सुवाङ्‌स्‍मा सेसेहुप्‍लक्‍कोबा नसानिबाहाॽरे़आङ् खे़ङ्‌हाॽ नोगे़न् मे़बिरुसिॽ॥ खुन्‍छिॽ हिम्‍मो के़जुम्‍बा सेसेहुप्‍लक्‍कोबा नसानिबाहाॽआङ् आसेवारो मे़त्ते़म्‍सिम्‍मे़ॽओ॥
हे़क्‍क्‍याङ् आमिःम् आन्‍जुम् ए़पेने़तसे़न् आसेवारो मे़त्ते़म्‍मे़ॽओ॥ खुने़ॽग एसिया ते़ङ्‌गप्‍पो के़रे़क्‍नुःल्‍ले़ तगि ख्रिस्‍ते़न्‌नसाःन् के़जोःक्‍पा मना वये़रो॥ खिनिॽ लागि याम्‍बुधिक्‍काङ् याःम्‍बक् के़जोःक्‍मा मरियम्‍मिन् आसेवारो मे़त्ते़म्‍मे़ॽओ॥ इङ्‌गाॽनु साक्‍पा के़धाःबा यहुदि आन्‍जुम् ए़न्‍द्रोनिकस नु युनियसे़न् आसेवारो मे़त्ते़म्‍सिम्‍मे़ॽओ॥ खे़ङ्‌हाॽग सेःक्‌युक्‍मिबाहाॽओ साॽरिक् मिङ्‌सो इङ्‌धाःङ् पिमा लाॽरुसिॽ, हे़क्‍क्‍याङ् खुन्‍छिॽग इङ्‌गाॽनुःल्‍ले़आङ् तगि ख्रिस्‍ते़न्‌नसाःन् चागे़त्‍छुआङ् वये़त्‍छिरो॥ दाङ्‌बान् नसाःन् के़जोःक्‍पा आमिःम् आन्‍जुम् ए़म्‍पलिए़तसे़न् आसेवारो मे़त्ते़म्‍मे़ॽ॥ आनिगे़नु सोरिक् ख्रिस्‍तरे़ कुयाःम्‍बक् के़जोःक्‍पा उर्बानस नु आमिःम् आन्‍जुम् इस्‍ताखुसे़न् आसेवारो मे़त्ते़म्‍सिम्‍मे़ॽओ॥ 10 ख्रिस्‍तओ चोगुबा कुनसाःन्‍निन् मे़साॽरुल्‍ले़ नुःबा के़धाःप्‍पा अप्‍पे़ल्‍ले़से़न् आसेवारो मे़त्ते़म्‍मे़ॽ॥ अरिस्‍तोबुलस नु कुहिम्‍मो के़वाॽबाहाॽ आसेवारो मे़त्ते़म्‍सिम्‍मे़ॽओ॥ 11 इङ्‌गाॽ यहुदि आन्‍जुम् हे़रोदियने़न्‌आसेवारो मे़त्ते़म्‍मे़ॽओ॥ नार्किकसरे़ कुहिम्‍मो के़वाॽबा दाङ्‌बान् नसाःन् के़जोःक्‍पाहाॽ आसेवारो मे़त्ते़म्‍सिम्‍मे़ॽओ॥ 12 त्रिफेना नु त्रिफोसाःन् आसेवारो मे़त्ते़म्‍सिम्‍मे़ॽओ॥ कन् मे़न्‍छुमाहाॽरे़ग याम्‍बुधिक्‍काङ् दाङ्‌बाल्‍ले़ कुयाःम्‍बक् चोगे़त्‍छुरो॥ साॽरिक् याम्‍बुधिक्‍काङ् दाङ्‌बाल्‍ले़ कुयाःम्‍बक् के़जोःक्‍मा आमिःम् आन्‍जुम् पर्सिस्‍से़न्‍नाङ् आसेवारो मे़त्ते़म्‍मे़ॽ॥ 13 दाङ्‌बाल्‍ले़ कुयाःम्‍बक् चोःक्‍से़ सेगुबा रुफस नु कुम्‍माःन् आसेवारो मे़त्ते़म्‍सिम्‍मे़ॽओ॥ कुम्‍मारे़ग इङ्‌गाॽ आबाङे कुस्‍साः कुइसिःक् इःत्ताङ्‌ङाङ् वये़रो॥ 14 आसिन्‍क्रितस, फ्‍ले़गन, हर्मास, पात्रोबास, हर्मेस हे़क्‍क्‍याङ् खे़ङ्‌हाॽनु के़वाॽबा काक् नसानिबाहाॽ आसेवारो मे़त्ते़म्‍सिम्‍मे़ॽओ॥ 15 फिलोलोगस, युलिया, ने़रिअस नु कुन्‍साॽ मे़न्‍छुमाॽ, नु ओलिम्‍पास हे़क्‍क्‍याङ् खे़ङ्‌हाॽनु के़वाॽबा काक् निङ्‌वाॽफुमाङ्‌ङिल्‍ले़ सेसे कुमनाहाॽ आसेवारो मे़त्ते़म्‍सिम्‍मे़ॽओ॥ 16 खिनिॽग सेसे मिःम्‍जिःल्‍ले़ सेवा मे़त्तासिम्‍मे़ॽओ॥ हे़क्‍क्‍याङ् कप्‍मोबा काक् सेसेहुप्‍लक्‍हाॽरे़ सेवा के़म्‍हाक्‍तिॽरो॥
पावलरे़ कुनुप्‍मोबा कुनिसाम् नु कुसुजा
17 आमिःम् फुॽनुसाॽ नु ने़ॽनुसाॽसे, ये़मे़न्‍दङ् के़दाःप्‍पाहाॽ मिक्‍चो मे़त्ते़म्‍सिम्‍मे़ॽ फाॽआङ् पेलि फाक्‍निङ्‌लो॥ खे़ङ्‌हाॽरे़ग खिनिॽ के़हुॽआसिबा से़क्‍खा पाःन्‍निल्‍ले़ कुदक्‍ले़ङ्‌वाओ इङ्‌ले़क्‍पा पाःन्‍निन् मे़हुॽरुसिआङ् मनाहाॽ खुनिॽ नसाःन्‍नो मे़घःसुसिरो॥ अक्‍तङ्‌बा मनाहाॽनु माःङ्‌घाए वये़म्‍मे़ॽ, 18 थेआङ्‌भे़ल्‍ले़ कङ्‌हाॽरे़ग दाङ्‌बा ख्रिस्‍तरे़ कुसेवा मे़न्‍जोगुन्, कर आबाङे खुनिॽ साप्‍पोःक्‍किल्‍ले़ लागिरक् सेवा मे़जोगुॽरो॥ खे़ङ्‌हाॽरे़ मना के़जम्‍बा नु मुर्ले़ःम्‍बा पाःन्‍हाॽरे़ कुदोःप्‍मा मनाहाॽ इङ्‌मे़ले़क्‍तुसिॽरो॥ 19 कर खिनिॽ इङ्‌जाःङ्‌गे़म्‍बा के़जोगिबा पाःन्‍निङ्‌ग के़रे़क् पिसाङ् मनाहाॽरे़ मे़घे़प्‍सुआङ् मे़वाॽ, हे़क्‍केःल्‍ले़ खिनिॽ के़जोगुम्‍मिल्‍ले़ इङ्‌गाॽग साॽरिक् सःत्तारो॥ खिनिॽग नुःबा पाःन्‍निल्‍ले़ कुयाःम्‍बेओ सिक्‍कुम्‍साबा पोःक्‍खे़म्‍मे़ॽ हे़क्‍क्‍याङ् फे़न् पाःन्‍निल्‍ले़ कुयाःम्‍बेओ फोत्‍या मे़ःन्‍नेबा पोःक्‍खे़म्‍मे़ॽ के़लॽबा निङ्‌वाॽ कत्तुङ्‌लो॥ 20 सनारुङ् याप्‍मि के़बिबा निङ्‌वाॽफुमाङ्‌ङिल्‍ले़ हाराए माफे़न्‍साम्‍मिन् खिनिॽ लाङ्‌भो सिगाङ् थाःसुआङ् तोॽरुॽरो॥ आल्‍ल आनिॽ दाङ्‌बा ये़सु ख्रिस्‍तरे़ कुलुङ्‌गुम्‍मिन् खिनिॽनु वाॽर॥ 21 इङ्‌गाॽनु सोरिक् माङ्‌सेवा के़जोःक्‍पा तिमोथिःल्‍ले़ हे़क्‍क्‍याङ् यहुदि आन्‍जुम् लुसियस, ये़सोन नु सोसिपात्रोसरे़आङ् सेवा के़म्‍हाक्‍तिआङ् वाॽरो॥ 22 पावलरे़ कुलागि कन् सक्‍इङ्‌घङ्‌ङिन् के़साप्‍पा इङ्‌गाॽ तर्तियसरे़आङ् दाङ्‌बाल्‍ले़ कुमिङ्‌ङो सेवा हाक्‍निङ्‌लो॥ 23-24 आहिम्‍दाङ्‌बा गायसरे़ खिनिॽ सेवा के़हाक्‍तिआङ् वाॽरो॥ कप्‍मो गायसरे़ कुहिम्‍मो के़जुम्‍बा सेसेहुप्‍लक्‍कोबा नसानिबाहाॽरे़आङ् सेवा के़म्‍हाक्‍तिआङ् वाॽरो॥ कन् ये़क्‌यक्‍कोबा याङ्‌गे़युङ्‌बा इरास्‍तस नु आनिॽ नसानिबा चुम् क्‍वार्तसरे़आङ् सेवा हाङे़त्‍छुआङ् वाॽरो॥* हुक्‍किल्‍ले़ साप्‍मनाबा कुभा ग्रिक साप्‍पन्‍नो अक्‍खेलॽरिक् साप्‍ते़आङ्‌पत्‌, “आनिॽ दाङ्‌बा ये़सु ख्रिस्‍तरे़ कुलुङ्‌गुम्‍मिन् खिनिॽ के़रे़क्‍नु वाॽररो॥ आमे़न्॥”
25 इङ्‌गाॽ इङ्‌भोःसुङ्‌बा सुनाइङ्‌ङिन् नु ये़सु ख्रिस्‍तरे़ कुयाःम्‍बेओबा इङ्‌घङ्‌लाम् निङ्‌वाॽफुमाङ्‌ङिल्‍ले़ खिनिॽ याम्‍साम्‍मो के़धुम्‍बा चोःक्‍मा के़सुक्‍तिॽरो॥ कन् इङ्‌घङ्‌ङिङ्‌ग तोलिङ्‌सोमुआङ्धोए चिक्‍खे़आङ् वये़, कर आल्‍लो ओसेःन्‍दाङ् पोःक्‍खे़आङ् वाॽरो॥ 26 आल्‍लो कन् सुनाइङ्‌ङिन् माङ्‌निङ्‌वाॽपाःन् के़बाःप्‍पाहाॽरे़ मे़साप्‍तुबा पाःन्‍लाम् ओसेःन्‍दाङ् पोःक्‍खे़आङ् वाॽरो॥ हे़क्‍क्‍याङ् मे़न्‍नुप्‍मनाबा निङ्‌वाॽफुमाङ्‌ङिल्‍ले़ कुइङ्‌जाःङ्‌लाम् के़रे़क्‍ले़ ख्रिस्‍ते़न्‌नसाःन् मे़जोगुआङ् निङ्‌वाॽफुमाङ्‌ङिन् के़इःप्‍पा के़नाःप्‍पा मे़बोःङ्‌ल फाॽआङ् काक् मे़न्‍छाम् सुवाङ्‌हाॽओ कन् सुनाइङ्‌ङिन् इङ्‌भोःर वाॽरो॥ 27 हे़क्‍केलॽरिक् सिक्‍कुम्‍दाङ्‌बा निङ्‌वाॽफुमाङ्‌ङिल्‍ले़ कुमिमिदिङ् ये़सु ख्रिस्‍तलाम् सदादिङ् सदादिङ् पोःङ्‌लरो! आमे़न्॥

*16:1 माङ्‌सेवारोमा–ग्रिक पाःन्‍दाङ्‌ङो “दिकन्” पोःङ्‌लो॥

*16:23-24 हुक्‍किल्‍ले़ साप्‍मनाबा कुभा ग्रिक साप्‍पन्‍नो अक्‍खेलॽरिक् साप्‍ते़आङ्‌पत्‌, “आनिॽ दाङ्‌बा ये़सु ख्रिस्‍तरे़ कुलुङ्‌गुम्‍मिन् खिनिॽ के़रे़क्‍नु वाॽररो॥ आमे़न्॥”