1 Ita nanambaꞌak to Karistus, kokolak ndoos. De, au ta kokolak pepekok neu ei. Au daleng boe, nafada au, nae, Manetualain Dula-dalen heti au daleng. 2-3 Au afada leoiak: au daleng hedis. Au ameda mabela leondiak, na, huu au asaneda au hataholi heheling. Te, au nau fo au hataholi nusa Yahudi*Hataholi nusak Yahudi sila, sama leo hataholi nusak Israel, fo mana leo lai dae Israel, ma nai mamana feꞌe kala boe. Tehuu leo Yahuda ndia, na ta sama leo hataholi nusak Yahudi. Te leo Yahuda ndia, na esa neme leo Israel kasanahulu dua kala mai. nggala boe nanambaꞌak no Karistus, tehuu noꞌu kala ta lamahele leu Ndia. Leo au bisa soi dalak fee sala, na au ahehele oke, fo Manetualain huku au nggati sala. Ma au boe ahehele oke, fo Manetualain tao kofeꞌe au ua Karistus, suek au hataholi nggala bisa nanambaꞌak lo Ndia. 4 Naa te hataholi la sila, hataholi Israel, fo sila hataholi nusak esa fo ue-nale nala neulau hiak. Manetualain soꞌu nala sala dadik neu Ndia ana nala leme lele uluk mai. Ana natudu Ndia koasan fo ana seli ndia, neu sala. Ana mbaꞌa heheluk mata-mata kala no sala. Ana fee Ndia Hoholo-lalanen neu sala. Sila lakaluku-lakatele lalelak leu Ndia, ma ala ono-lau Ndia. Ana helu so, fo sangga natudu Ndia dale malolen neu sala.✡Kalua neme Masir mai 4:21; 14:22 5 Ala konda mai, leme ai bei-baꞌi nala, fo ndia: baꞌi Abraham, baꞌi Isak, ma baꞌi Yakob (hataholi la pake nade ‘Israel’ neme ndia naden mai). Ma Karistus, fo Manetualain helu memak neme makahulun mai so, fo sangga haituan mai ndia, fo konda neme ita hataholi nusa Yahudi bei-baꞌi nala mai. Karistus ndia boe, na ndia Manetualain, fo mana palenda basa-basan. De, nandaa, mete ma hataholi la soꞌuk koa-kiok neu Ndia, losa dodoon neu. Tetebes!✡Tutuik laꞌeneu Sososan 32:22-32

6 Mae hataholi Israel asa noꞌuk bei ta simbok Karistus, tehuu hataholi ta bisa kokolak, lae, Manetualain hehelun ndia ta dadi. Te boso maehetuk, basa hataholi fo mana konda leme bei-baꞌi Israel sila, sila Manetualain enan do? Taa! Kada luma leme sila mai fo Manetualain hele nala Ndia enan, dadik hataholi nusa Israel tetebes. 7 Conto leo, hataholi noꞌu kala ala konda leme ita baꞌin Abraham mai. Tehuu sila basa sala ta Abraham numbu-sadun fo Manetualain hele nala sala. Te Manetualain nafada Abraham nae, “O numbu-sadu mala fo Au alela kasa, kada sila, fo konda leme o anam Isak mai”.✡Tutuik laꞌeneu Sososan 21:12

8 Ndia sosoan nae, neme makahulun mai losa hatematak ia, ta basa numbu-saduk mana konda leme ita baꞌin Abraham mai, fo dadik leu Manetualain ana nala. Kada numbu-saduk fo leme Manetualain hehelun neu Abraham, na ndia sila fo Manetualain tao dadik neu Ndia ana tetebe nala. 9 Tehuu Manetualain mbaꞌa heheluk no Abraham nae, “Meda teu mana maik, Au fali maing. Neu faik ndia, o saom Sara bonggi ana touanak esa so.”✡Tutuik laꞌeneu Sososan 18:10

10 Ta kada leondiak. Te ita baꞌi Isak no ndia saon Ribka bonggi nala touana kaduak. 11-12 Faik fo Ribka bei tana bonggi nala sala, ala bei ta tao dedeꞌa malole do dedeꞌa manggalauk. Mae leondiak, tehuu Manetualain nafada memak neu Ribka, laꞌeneu kakana kaduak fo ana kalua nakahuluk, nae, “Dei fo kaꞌak tao ues fee ndia fadin”. Manetualain nafada leondiak, fo natudu, nae, mete ma Ana hele nala hataholi esa, na Ana bubuluk so, Ana sangga pake hataholi ndia, fo taon leobee. Basa de, Manetualain hele nala fadik ndia, fo dadik neu Ndia hataholin. Ana ta nahani sangga nita fadik nau tao leobee, huu Manetualain bubuluk memak so.✡Tutuik laꞌeneu Sososan 25:23 13 Te Manetualain kokolak nai Ndia Susula Malalaon, laꞌeneu kakana kaduak sila, nae,

14 De, ita sangga tae hata bali? Fama hambu fo sangga lae, “Manetualain naketu dedeꞌak ta no ndoos?” Ta bisa! 15 Te makahulun ele, Manetualain nafada baꞌi Musa nae,

16 Manetualain hele nala hataholi dadik Ndia enan, taa huu tungga hataholi ndia hihii-nanaun, do ndia tatao-nonoꞌi malolen. Tehuu Manetualain hele nala hataholi huu tungga kada Ndia namemeda kasian. 17 Te nai Susula Malalaok, Manetualain kokolak no mane Masir, nae, “Au soꞌu ala o dadik neu manek, huu Au nau pake o, fo o matudu Au koasang neu hataholi noꞌuk. No leondiak, na basa hataholi malai daebafok ia, bisa sosoꞌuk Au nadeng.”✡Kalua neme Masir mai 9:16

18 De, mete ma Lamatuak sangga natudu Ndia namemeda kasian neu hataholi esa, na, kada Ana taon. Ma mete ma sangga tao hataholi esa dale batuk, na, kada Ana taon.✡Tui Seluk laꞌeneu Dala Sodak 7:7-9

19 Naa! Leo hambu hataholi sapa au, nae, “Mete ma leondiak, na, Manetualain sangga tao hata esa, na, see bisa laban Ndia? Ta hambu, hetu? Hatina de, Ana soli salak neu ita? Ndia namabela seselik!”

20 Mete ma hambu mana duduꞌa leondiak, na au ataa, leoiak: “O duduꞌa mae o ia, see?! O sangga kokolak laban Lamatuak do?” Boso leondiak! Te nai Lamatuak Susula Malalaon nana sulak, nae, “Mete ma o tao hata esa, na neme bee mai hata ndia dei fo natane nasafali hataholi mana taok ndia, nae, ‘Hatina de o tao mala au leoiak!?’ ”✡Yesaya 29:16; 45:9 21 Conto leo tukan mana tao ulek. Neme dae manuteik bubuak esa, de ana naena hak, fo sangga tao nggusi manggadilak esa, suek hataholi koan. Ndia boe naena hak pake dae bubuak ndia, fo tao mamana kadafuk esa, tungga kada ndia hihiin.

22 Leondiak boe, no Manetualain. Ana naena hak, fo tao tungga Ndia hihii-nanaun. Ana nau natudu neu basa hataholi la, nae, Ana luli, ma ta simbok hataholi tatao manggalauk sudi hata. Ndia boe nau fo hataholi bubuluk, lae, Ndia naena koasa makadotok, ma naena hak boe fo nggale loak neu hataholi tatao manggalaun mata-matak. Tehuu hataholi mana tao manggalau kala sila, kada lahani ndia fain, fo lakalulutuk heni sala. 23 Ana tao leondiak, fo sangga natudu neu hataholi noꞌu kala, nae, Ana sangga natudu Ndia namemeda kasian neu hataholi luma. Sila ndia, fo Ana hele nala mema kasa so, fo sangga soꞌu dema-dema kasa. Ma Ana nau hataholi la bubuluk, lae, Ndia mesa kana ana seli. 24 Te ita ia, fo Ana hele nala memak so, suek dadik neu Ndia hataholi nala. Ita ia, luma leme hataholi Yahudi la mai, ma luma leme hataholi nusa feꞌe kala mai boe. 25 Makahulun, Lamatuak pake Ndia mana kokolan Hosea, fo sulak laꞌeneu hataholi ta Yahudi la, nae,

26 Ndia boe sulak, nae,

Ana kokolak nae leondia, na, huu Ana kasian neu hataholi ta Yahudi la.

27 Manetualain mana kokola feꞌen, fo Yesaya, eki nitak laꞌeneu hataholi nusa Israel, nae,

29 Makahulun ele, Yesaya boe, nafada laꞌeneu hataholi Yahudi la, nae,

30 De, ita sangga tae hata bali? Lae, hataholi ta Yahudi la, leme sudi bee mai, fo makahulun ta lasanggak fo nau malole lo Lamatuak, na, hatematak ia ala malole lo Ndia so, huu ala lamahele neu Yesus Karistus. 31 Naa te hataholi Israel asa, soba tao tungga Musa Heti-heun so, de ala bisa malole lo Lamatuak, tehuu ta dadi boe.

32-33 Hatina, de ala ta bisa malole lo Lamatuak? Huu kada ala sangga tao tungga Heti-heuk, fo ela Ana simbo nala sala leo hataholi dale ndoos, tehuu ala ta lamahele neu Yesus Karistus. Basa de nonook leo ala lakatunu laꞌe neu “batu nakatunuk”. Ia Lamatuak Susula Malalaon hihiin, nae,

Naa. Batu ndia, na ndia Yesus. Tehuu hataholi Israel asa timba heni Ndia. Ndia sama leo ala lakatunu de ala tuda, huu batu ndia.✡Yesaya 28:16