131
Ru irijó vũrụ́ Úpî drị̃lẹ́ gá
1 Úpí, áma ásị́ adru ãfó sĩ ku;
má inga áma mịfị́ ụrụgá ãfó sĩ ku;
áꞌbã áma ásị́ ị́jọ́ ãmbogo ãmbogo ri kí drị̃ gá ku.
Áꞌbã ásị́ ị́jọ́ mání mbalépi mba-mbã ri kí drị̃ gá ku jõku ị́jọ́ mání ụ̃sụ̃táŋá ru rĩ kí drị̃ gá ku.
2 Wó ị́jọ́ mání adrujó ala gá rĩ ca kí má sĩ rá,
ma dríŋá cécé ngọ́tị́ŋá tị nzelé ĩbã gá rá idélépi ãndrẽ ꞌbã ĩbã sĩ ku rĩ áni,
áma úríndí ĩꞌdi cécé ngọ́tị́ŋá tị nzelé ĩbã gá rá rĩ drị̂ áni.
3 Ĩmi ꞌbá Ịsịrayị́lị̃ drị́ ꞌdĩ, ĩtị̃ ásị́ Úpî drị̃ gá
iꞌdójó sáwã ꞌdĩ sĩ ãzíla ãsị̃ŋá kóru.