स्तोत्र 87
कोरहाच्या पुत्रांची रचना. एक स्तोत्र. एक गीत.
1 त्यांनी पवित्र पर्वतावर त्यांच्या नगरीचा पाया घातला.
2 याकोबाच्या सर्व नगरांपेक्षा,
सीयोनाचे व्दार याहवेहला अधिक प्रिय आहे.
3 परमेश्वराच्या नगरी,
तुझ्याबद्दल या उत्कृष्ट गोष्टी कथन होतात:
सेला
4 “मी नोंद करेन की, राहाब*इजिप्तसाठी काव्यातील नाव आणि बाबिलोन
हे देश माझे अस्तित्व मान्य करतात—
पलेशेथ, सोर आणि कूश देखील असेच करतात—
ते म्हणतील की, ‘हा सीयोनात जन्मलेला आहे.’ ”
5 खरोखर, त्या दिवसात सीयोनाबाबत म्हटले जाईल,
“हा आणि तो सीयोनात जन्मलेला आहे,
आणि प्रत्यक्ष देवाधिदेव या शहराला प्रस्थापित करतील.”
6 नागरिकांच्या नोंदवहीत याहवेह लिहितील:
“याचा जन्म सीयोनात झाला आहे.”
सेला
7 संगीत समारंभात ते गातील,
“माझे सर्व झरे तुमच्यामध्येच आहेत.”