1 Binabu Ebram haing mala Isip saing sok Negep, xaung haininoa xauna xalinging longgalo, saing Lot ila xauna rangua. 2 Ebram sok lipu lipu xalaxalam maluxu mana morudi bila sipsip meme bulmakau xauna maluxu’m silba xaung gol.

3 Mala Negep ina haxa mana long longgalo laing ma Betel, mana long lia Betel xaung Ai mana longga muga ki xahinoa mana ba 4 xaung longga muga tongtongia hananianga kabukabunoa mana ba. La ba Ebram sabu mana Toxoratamona.

5 Hatata Lot, gaxarea haxa rangua Ebram, ina xauna baxagi mana sipsip, meme xaung bulmakau xauna hainglupdi 6 sabanga. Ne titia baxagi sanga ba tang duwa xauna te. 7 Baing hagamiangua sok liwe mana Ebram Lot tang lipuxiding oxata olanggamdi mana sipsip xaung memedi. Kenaits xaung Periyaitsdi duwa xauna mana longga baguba.

8 Baing Ebram bala Lot ba, “Labu tam tahagamiana liwe makirau tai, nabu lipuxira oxata olanggamdi xauna bagula dahagamiana liwe mading. 9 Ina titi longga walue? Tum tautu kira. Nabu ula xong, bing ngala rimamo. Nabu ula rimamo, bing ngala xong.”

10 Lot bagu mauli baing bagu goma sabangga Yodan mala Soar long langinam, bila bila Toxoratamona umanganoa✡Unggutinga (Stat) 2:10 xaung titia Isip. (Alali waleu Toxoratamona hanggalangia Sodam xaung Gomora.) 11 Ne Lot mogu goma sabanga Yodan saing ila bila xaidaba haing. Lipu luwadi ba dutu ding. 12 Ebram rung mana titia Kenan, nam Lot ina rung mana liwe mana gananga sabanggadi duwa mana goma baing saing ki xahinoa Sodam rubinia. 13 Baing hainglupdi dilibu dudu xauna kubolu diana mana Toxoratamona.

14 Baing Toxoratamona harua na Ebram kimuya mana Lot utuina rangua, “Ubagu mauli mana longga uwa, mala kanggua xaung bukang, mala karaga xaung yuwaxa. 15 Titi longga ubagudi, nga bagula ngasinadi naung xaung bakbagima*kimbo xuyanoa. Maxixinga 16 xauna. mari sabangga lo.✡Aposel 7:5 16 Nga bagula ngalibu bakbagimdi bila titia gagabindi ba, binabu lipu gaxarea ititi gagapkadi ba bagula ititi bakbagimdi bila ititi gagapkadi ba. 17 Ula uhaxa maluxu bu ubagu titi maxayanganoa xaung raxabinano, mana ngasinadi naung.”

18 Ne Ebram ila wa haxek rangua xai sabangadi Mamre mana longga Hebron, longga ki xahinoa mana muga ba. La ba ina lung kabukabu hananiangama na Toxoratamona.