2
ሶትንቴዝ ክርስቶሳ ባጋ
1 ታ እሹንꬆ፥ ታኒ ቲና ጾሳ ቃላ ይንትስ ኦድታታር የኤዝ ዎደ ዶና ቢላሞትꬃራኔ ኤጨትꬃር የኤካያ። 2 ታኒ ይንታር የዛ ዎደ ማዝቃለል አፋ ሶትንቴዝ የሱስ ክርስቶሳፕ አትን ሀራ ባዝ ኤራም ግ ታ ሙርቴዛ። 3 ታ ይንታር የዝ ዎደ ዳቡራር፥ ያሻራኔ ኩኩርሳር የዛ። ሀዋ. ኦ. 18:9 4 ታ ኪታኔ ታ ትምርታ ዶና ቢላሞትꬃራኔ ኤጨትꬃር ባዝን ጌሻ አያና ዎልቃ ቆንጭስꬃራ። 5 የይካ፥ ይ አማናይ ጾሳ ዎልቃይራፕ አትን አስ ኤጨትꬃል ካታማይ ጋርከሲ።
ጾስ ኤጨትꬃ
6 አያና ደኦር ድጬዝታይስ ኑኒ ኤጨትꬅ ቃላር ኦድዛ። ዝን Ꮊ ኤጨትꬃይ፥ Ꮊ ሳአ ኤጨትꬅ ዎይ ꬋቦስ የዝ Ꮊ ሳአ ሀርዝታይ ኤጨትꬅ ባያ። 7 ዝን ኑኒ ኦድዛ ኤጨትꬃይ፥ ጋመ ዎደፕ ቲና ጾሳይ ኑ ቦንቻይስ ጊግሴዛኔ ጌማ የዝ ጹራ ኤጨትꬂ። 8 Ꮊ ሳአ ሀርዝታይፕ ፐታካ Ꮊ ኤጨትꬃ ኤረካያ። ኡንቲ ኤሬዝባዝ ማቄዛኮ፥ ቦንቾ ጎዳ ማዝቃለል አፋ ሶታምዝን። 9 ዝን ጌሻ ማጻፋይድ፥
«ኣፈ በኤካ ባዝ፥
ሀየ ስኤካባዝ፥
ዎዝና ቆፐካባዝ፥
ጾሳይ ፋ ዶስዝታይስ ጊግሴዛ» ዬግዛ። ኢሳ. 64:4
10 ጾሳይ ፋ ጹራ ፋ አያና ባጋር ኑስ ቆንጭሴዛ። ጌሻ አያናይ ሀራ አቶዝን ጌሜዝ ጾስ ጹራ ኡባ ፕላግዛ። 11 አስ ጋንጨ የዝ አስ አያናፕ አትን አስባዝ ኦካ ኤሮያ። የይ ጋርከካ፥ ጾስ ባዝ ጾስ አያናፕ አትን ኦካ ኤሮያ። 12 ጾሳይ ኑስ ጨረ እንጌዝባዝ ኑ ኤሮዳይ ጋርክ ጾሳ አያና ኤኬዛፕ አትን Ꮊ ሳአ አያና ኤከካያ።
13 ኑኒ አያና ባዝ፥ አያና አሳይስ አስ ኤጨትꬃር ባዝን ጾስ አያናይ እንግዛ ኤጨትꬃር ታማርስዛ። 14 ዝን ጌሻ አያና ባ አስ ጾስ አያና እሞትታ ኤካሚ። የይ ኤስ ቦዘትꬂ፤ ኡባይ ጌሻ አያናር ፕላግንትዝ ግሾስ ኤ ኤሮዳይስ ዳንዳኦያ። 15 ዝን ጌሻ አያና የዝ አሲ ኡባ ባዝ ፕላግዛ፥ ዝን ኤዛ ኦካ ፕላጎያ። 16 ጌሻ ማጻፋይድ፥
«ጎዳ ዎዝና ኤርዛይ ኦኖ?
ኤዛ ዞሮዳይስ ዳንዳእዛይ ኦኖ?»
ግንትንቲ ጻፍንቴዛይ ጋርከ። ኑስ ክርስቶሳ ዎዝና የዛ። ኢሳ. 40:13