1 ታ እሹንꬆ፥ ይ አሾ አስኔ ክርስቶሳር ሀጋ ኦቼካ ዱደ ናአ ጋርክ የዝ ግሾስ ታኒ አያና ባዝ ይንትስ ኦዶዳይስ ዳንዳኤካያ። 2 ይ ሚንꬅ ካꬃ ማዳይስ ዳንዳኤካ ግሾስ ታኒ ይንታን ማꬅ ፓኬዛ፤ Ꮊተካ ይ ዳንዳኤካያ። እብራ. 5:12-13 3 Ꮊተካ ይ አማኖዋ አስ ጋርክ የዛ። ይ ጋንጨ የዝ ቅናታይኔ ዎል እጻይ አማኖዋ አስ ጋርክ የዛና ኤርሶሳ? ይ አማኖዋ አስ ጋርክ ሀንዛ። 4 ይንታፕ ፐታይ፥ «ታኒ ጳዉሎሳስ» ሀራይ ማ፥ «ታኒ አጵሎሳስ» ጊኮ፥ አማኖዋ አስ ጋርክ ባሳኔ?1ቆሮ. 1:12

5 የዝን፥ አጵሎሳ አባ? ጳዉሎሳ አባ? ኑኒ ይንታን አማንꬄዝ ጾስ ኦሳንችታ። ጾሳይ ፐታይስ ፐታይስ እንጌዝ ኦሳይ ጋርክ ኦꬅዛ ኦሳንችታ ባሳኔ? 6 ታ ቱኬዛ፤ አጵሎሳ ሃꬅ ኡሼዛ፥ ዝን ድቼዛይ ጾሰ። ሀዋ. ኦ. 18:4-11፥ 24-28 7 የይ ግሾስ፥ ድቼዝ ጾሳይፕ አትን ቱክዛይካ ሃꬅ ኡሽዛይካ አኮካ ባያ። 8 ቱክꬅኔ ሃꬄ ኡሾ ዎል ጋርከ፥ ዝን ፐታይ ፐታይ ፋ ኦሳይ ጋርክ ጾሳይ እንግዛ ዎይታ ኤኮዳ። 9 ኑኒ ፐትፕ ጾሳይስ ኦꬅዛ ኤዝ ኦሳንችታ ማቄዝ ግሾስ ይ ጾስ ኦሶ ጋደ፤ ጾስ ኬꬄ። 10 ጾሳይ ታስ እንጌዝ ኣꬎ ኬሃትꬃይ ጋርክ ሂላንቾ አናጸ ጋርክ ባሶ ባሴዛ። ሀራይ ኤዛል አፋ ኬጽዛ። ዝን ኤዛል አፋ ኬጽዛ ኦንካ ዋይዚ ኬጽዛኮ፥ ፋሳ ናግንቶ። 11 ፐቲ ቶኬ ባስንቴዝ ባሳይፕ ሀራ ባሶ ባሶዳይስ ኦንካ ዳንዳኦያ። የ ባሳይካ የሱስ ክርስቶሳ። 12 ዝን Ꮊ ባሳይል አፋ ኦንካ ዎርቃር ዎይ ብራር ማቅን፥ አልኦ ሹቻር ዎይ ምꬃር ማቅን፥ ማታር ዎይ ሀዉለር ኬጽኮ፥ 13 ፐቲ ፐቲ አስ የ ባሳይል አፋ አባር ኬጼዛኮ ፕርዳ ጋላስ ታማር ፓጭንት ኤርንቶዳ። 14 ኦንካ የ ባሳይል አፋ ኬጼዝ ኬꬃይ ታማር ጹግንተካ አትኮ፥ ፋ ዎይታ ኤኮዳ። 15 ዝን ኦ ኦሶይካ ታማር ጹግንትኮ፥ የ አꬃይስ ዎይቶ ባያ። ሀኖ ዝን፥ ኤ ፋ ኦማስ ታማፕ ቡቲ ከዜዝ አስ ጋርክ አቶዳ።

16 ይ ጾስ ኬꬅ ማቄዛኔ ጾስ አያናይ ይንታራ የዛና ኤረካሳ?1ቆሮ. 6:19፤ 2ቆሮ. 6:16 17 ኦንካ ጾስ ኬꬃ ላልኮ፥ ጾስካ ኤዛ ላሎዳ። ጾስ ኬꬃይ ጌሺ፤ የ ኬꬃይካ ይንታና።

18 ኦንካ ፋና ዶሽፐ። Ꮊ ሳአ ኤጨተꬃር ፋና ኤጫ ኡዲ ኤክዝ ኦንካ ጾስ ቲና ኤጫ ማቆዳይስ ቦዞ ማቆ። 19 Ꮊ ሳአ ኤጫትꬃይ ጾስ ቲና ቦዘትꬂ። ጌሻ ማጻፋይድ፥

21 የይ ግሾስ፥ ኡባይ ይንትስ ማቄዝ ግሾስ ኦንካ አሳል ጬቅንትፕ። 22 ጳዉሎሳ ማቆ፥ አጵሎሳኔ ጵጽሮሳ ማቆ፥ Ꮊ አላማ ማቆ፥ ደኦ ማቆ፥ Ꮊይቆ ማቆ፥ Ꮊት የዛያ ማቅን፥ ቲናፕ የኦድ ኡባይ ይንትሲ። 23 ይ ክርስቶሳሲ፤ ክርስቶሳካ ጾስሲ።