1 ይ ጋንጨ ላግተ የዛይ ዝግርንትዛ። የይ ጋርክ ላግታ ሀራ አቶዝን፥ አማኖዋ አሳይካ ኦꬆያ። ይ ጋንጨ ፋ አደ ማችራ ቱኔዝ አሲ የዛ። ናምእ. 22:30 2 የዝን ይ ቂራꬎዳይስኔ ዬላቶዳይስ ቤዝዛ፥ ዝን ኡትርትዛ። የይ ጋርክ ቦርሶ ባዝ ኦꬄዝ አꬃ ይ ጋንጨፕ ከሶዳይስ ቤዞሳ?

3 ታኒ አሾር ይንታር የዛም እጽኮካ አያናር ታ ይንታር የዛ። ታኒ ይንታር የዝ አስ ጋርክ ሀኒ የይ ጋርክ ኦሳ ኦꬄዝ አꬃይል አፋ ፕርዴዛ። 4 ኑ ጎዳ የሱስ ክርስቶሳ ሱንꬃር ይ ሺቆዳር ታኒ አያናር ይንታር የዞዳ። ኤዛይድ ጎዳ የሱስ ክርስቶሳ ዎልቃይ ይንታር ማቆዳ። 5 የ አꬃይ ናጋራ አሻይ *ናጋራ አሻይ፦ ናጋራ መꬋይ ዎይ ናጋራ አሰትꬃይ። ꬋብን፥ ኤ አያናይ ጎዳ የሱሳ ፕርዳ ጋላስ አቶዳይ ጋርክ ኤ ጻላሄስ ኣꬊ እንግንቶ።

6 ይ ጋይርንታይ ሎኦ ባያ። ጽቃ እርሾ ሙኑቆ ኡባ ደንꬅዛና ይ ኤሮሳ?ጋላ. 5:9 7 ይ Ꮊት እርሾ ባ ሙኑቆ ማቆዳይ ጋርክ፥ ናጋራ እርሾ ይንታፕ ከሶይታ። ኑስ ፓዝቃ ዱር ማቄዝ ክርስቶሳ ያርሽንቴዛ። ከስ 12:5 8 የይ ግሾስ፥ ገነኔ ኢታትꬂ የዝ እርሾር ባዝን ቱማትꬃራኔ ጌሻትꬅ የዝ ቦራር ኑ ባለ ቦንቾዳ። ከስ 13:7፤ ናምእ. 16:3

9 ታ ቲና ጻፌዝ ዳብዳባይድ ይ ላግትዛ አሳና ሄላማይ ጋርክ ይንትስ ኦዴዛ። 10 የያ ጉሳይ Ꮊ አላመል የዝ ላግትዝታ ዎይ ናጋራስ ተንቶትዝታ ዎይ ሱቃትዝታ ዎይ ቦንቂዝታ ዎይ ኤቃስ ጎይንዝታ ኡባር ሄልፓተ ጉስ ባያ። የያ ማቅኮ፥ Ꮊ አላማይፕ ይ ከዞዳይስ ቤዝዛ ዝን አቴዛ። 11 ዝን አማንዛ ጊንቲ ላግትዝታ ዎይ ተንቶትዛ ዎይ ኤቃስ ጎይንዝታይር ዎይ ጫዥዝታይር ዎይ ማꬅዝታይር ዎይ ቦንቂዝታይር ወል ሄልፓተ ግ ይንትስ ኦድዛ። የይ ጋርክ አሳይራ ሀራ አቶዝን፥ ካꬃካ ሚፓተ።

12 ዎሳ ኬꬃፕ ባለር የዝታይል አፋ ፕርዶዳይስ ታና አብ ሄልꬄ? ዎሳ ኬꬃ የዝታይል አፋ ይ ፕርዶሳኔ? 13 ዝን ባለራ የዝታይል አፋ ጾስ ፕርዶዳ። የ ኢታ ባዝ ኦꬅዝ አꬃ ይ ጋንጨፕ ከሶይታ። ናምእ. 13:5፤ 17:7