ዋንሳ ጻፌዝ ቲና ኪታ
ገሎ
ሀዋረ ዋንሳ ጻፌዝ ቲና ኪታይ፥ ናምኢ ኣፈ ቆፍታ አይኬዛ። የይካ ናባብዝታይ ጾሳራኔ ኤ ናአ የሱስ ክርስቶሳር ፐትፐተꬂ የዞዳይ ጋርክ ምንꬃꬆዳይስኔ የ ፐትፐተꬃ ꬋብስዛ ዎርዶ ትምርታይፕ ሃኮዳይ ጋርክ ኡንታን ቆፕሶዳይሲ። የ ዎደ ደንዴዝ ዎርዶ ትምርታይ፥ «ጾስ በንቶዋ አያና አላመ መꬌዛ። Ꮊ በንትዝ አላማኔ ኑ አሰትꬃ ጾስ መካ ግሾስ ኢታ። ማ Ꮊ በንትዝ አላማኔ ኑ አሰትꬃይ ኑ አያና ቆሆዳይስኔ ቱንሶዳይስ ዳንዳኦያ» ዬጊ ታማርስዛ። የያ ጉሳይ፥ ቲና፥ የሱሳ አስ ማቂ የኤካያ። ናምአንꬃይ፥ ፐቲ አስ ፋ አያና ቱንሰካ የዛር ፋ አሾር ናጋራ ኦꬆዳይስ ዳንዳእዛ ዬግዛ።
የይ ግሾስ፥ ዋንሳ ፋ ኪታይድ፥ የሱሳ አስ ማቅዛ ካድዛ ኦንካ ጾስ ናአ ባያ (4:2-3)። ማ ጾሳፕ የልንቴዝ ኦንካ ኡባ ዎደ ናጋራራ የዞያ (3:6) ዬጊ ጻፌዛ።
የ ዎርዶ አስታማርታይ፥ «አቶትꬅ ጉሳይ፥ Ꮊ ሳአ የስስ ኡንእንቶፕ ከዚ ዋሎ ከስ ጉስ» ዬግዛ። የይል አፋ ጉጂ፥ «ኢታኔ ሎኦ ሻኪ አይክꬅ ማቅን፥ ማ ሀራ አስ ሲቆ ማቅን አቶትꬃር አብካ ሄልꬅዛ ባዝ ባያ» ዬግዛ።
ጻፋይ Ꮊ ትምርታ እጺ፥ «የሱስ ክርስቶሳ ፎሎ አስ፤ የሱሳ አማንዝታይኔ ጾስ ሲቅዝታይ ኡባይ ፋ ጋንጨ ፐታይ ፐታይር ሲቅንቶዳይስ ቤዝዛ» ዬጊ ኦዴዛ።
1 ዋንሳ ኪታይ አይኬዝ ቆፍታ
ገሎ 1:1-4
ፖኦኔ ꬉማ 1:5—2:29
ጾስ ናእታኔ ዳቡሎሳ ናእታ 3:1-24
ቱማኔ ዎርዶ 4:1-6
ሲቆ ኦሶ 4:7-21
ጋምዝ አማኖ 5:1-21
1
ደኦ ቃላ
1 ቲናፕ አይኪ የዝ፥ ደኦ ቃላይ ባጋ ኑ ይንትስ ጻፍዛ። Ꮊ ደኦ ቃላይ ኑ ኑ ሀየር ስኤዝ፥ ኑ ኣፈር በኤዝ፥ ኑ ኩሸር አይኬዛያ። ዋን. 1:1 2 የ ደኦ እንግዛይ ቆንጭን፥ ኑኒ ኤዛ ብኢ፥ ኤባዝ ማርካትዛ። አዳይ ካለ የዛይ ኑስ ቆንጬዝ፥ መꬍና ደኦባጋ ይንትስ ኦዶዳ። ዋን. 1:14 3 ኑራ ይንትስ ፐትፐትꬂ የዞዳይ ጋርክ ኑኒ በኤዛናኔ ስኤዛና ይንትስ ኦዶዳ። ኑ ፐትፐትꬃይ አዳይራኔ ኤ ናአ የሱስ ክርስቶሳር ዎላ። 4 ኑ ኡፋይሳይ ፎሎ ማቆዳይ ጋርክ Ꮊያ ይንትስ ኑ ጻፎዳ።
ጾስ ፖኦ
5 ኑኒ ኤፕ ስኢ፥ ይንትስ ኦድዛ ኪታይ፦ «ጾሲ ፖኦ፤ ኤዛር ꬉማ የሻ ባያ» ዬግዛያ። 6 ኑስ ኤዛር ፐትፐተꬂ የዛ ዬግታር ኑ ꬉማ የዝኮ፥ ኑኒ ዎርዶትዛ። ቱማካ ኑር ባያ። 7 ዝን ኤ ፖኦ የዛይ ጋርክ፥ ኑካ ፖኦ የዝኮ፥ ኑስ ዎል ጋንጨ ፐትፐተꬂ የዛ። ኤ ናአ፥ የሱሳ ሱꬃይ ናጋራ ኡባይፕ ኑና ጌሽዛ።
8 ኑኒ፥ ኑር ናጋራ ባያ ጊኮ ኑ ኑና ዶሽዛ፤ ኑር ቱማትꬅካ ባያ። 9 ዝን ጾሳይስ ኑ ናጋራ ቡጽኮ፥ ኤ ኑ ናጋራ አቶ ጎዳይስኔ ኑ ቆሆ ኦሶ ኡባይፕ ኑና ጌሾዳይስ፥ አማንንቴዛያኔ ጌሻ። 10 ኑኒ ናጋራ ኦꬄካ ጊኮ ጾሳና ዎርዶ ከስዛ፤ ኤ ቃላይካ ኑር ባያ።