1 ኑኒ ጾስ ናእታ ግንትንቲ ጼግንቶድ ጋርክ ጾሲ ኑና አብ ጋርክ ዶሴዛኮ ቦኦይታ። ኑኒ ቱማካ ጾስ ናእታ። Ꮊ አላማይ ጾሳ ኤረካ ግሾስ ኑናካ ኤሮያ። ዋን. 1:12 2 ታ ሲቆ እሹንꬆ፥ Ꮊት ኑኒ ጾስ ናእታ፤ ኑኒ ሀሮንተስ አብ ሀኖዳዛኮ ሀጋ ኤርንተካያ። ዝን ክርስቶሳ ቆንጭዝ ዎደ ኑኒ ኤዛር የዞዳና ኤርዛ። ኤ ቱማ የዛና ኑኒ በአዳ። 3 ክርስቶሳ ቦኦዳ ግ ኡፋይሳር ናግዛ ኦንካ፥ ክርስቶሳ ጌሽ ማቄዛይ ጋርክ ፋና ጌሽዛ።

4 ናጋራ ህገ መንꬆ ማቄዝ ግሾስ ናጋራ ኦꬅዛ ኡባይ ጾስ ህገ መንꬅዛ። 5 ክርስቶሳ አሳይ ናጋራ ꬋብሶዳይስ ቆንጬዛና ይ ኤርዛ፤ ኤዛር ናጋራ ባያ። ዋን. 1:29 6 የይ ግሾስ ክርስቶሳር የዝ ኦንካ ናጋራራ ኦꬆያ። ማ ናጋራራ የዝ ኦንካ ኤዛ በኤካያ ዎይ ኤረካያ።

7 ታ ናኡንꬆ፥ ይንታን ኦንካ ባልꬅፐ። ክርስቶሳ ጌሽ ማቄዛይ ጋርክ ጌሽ ኦꬅዛ ኦንካ ጌሺ። 8 ዳቡሎሳ ቲናፕ አይኪ ናጋራ ኦꬄዝ ግሾስ ናጋራ ኡባ ዎደ ኦꬅዛ ኦንካ ዳቡሎሳ ዳቦ። የይ ግሾስ፥ ጾስ ናአይ ዳቡሎሳ ኦሶ ላሎዳይስ ቆንጬዛ። 9 ጾሳፕ የልንቴዝ ኦንካ ጾስ አያናይ ኤዛል የዝ ግሾስ ኤ ኡባ ዎደ ናጋራራ ኦꬆያ። ጾሳፕ የልንቴዝ ማቄዝ ግሾስ ናጋራራ ኦꬆያ ኦꬆዳይስ ዳንዳኦያ። 10 ጾስ ናእታይኔ ጻላሄ ናእታይ የዝ ዱማትꬃይ Ꮊይር ኤርንትዛ፤ ጌሽ ኦꬆዋዛይኔ ዎይ ፋ እሻ ዶሶዋ አስ ጾስ ናአ ባያ።

11 ስሳፕ ይ ስኤዝ ኪታይ፥ «ዎል ዶሶዳይስ ቤዝዛ» ዬግዝ ኪታ። ዋን. 13:34 12 ኑኒ ቃኤላ ጋርክ ማቆዳይስ ቤዞያ። ቃኤላ ጻላሄ ዳቦ ማቂ ፋ እሻ ዎꬌዛ። ኤ ፋ እሻ አብስ ዎꬌኔ? ኤ ኦሳይ ኢታ ማቄዝ ግሾኔ ኤ እሻይ ኦሳይ ሎኦ ማቄዝ ግሾስ ዎꬌዛ።መ. 4:8

13 ታ እሹንꬆ፥ Ꮊ አላማይ ይንታን እጽኮ ማላባዝ ጊፐተ። 14 ኑኒ ኑ እሽታ ዶስዛ ግሾስ Ꮊይቆፕ ደኦ ፒንጌዛና ኤርዛ። ፋ እሻ ዶሶዋ ኦንካ Ꮊይቆ ኩያ የዛ። ዋን. 5:24 15 ፋ እሻ እጽዛ ኦንካ ሸምፖ ዎꬍዛያ። ማ ሸምፖ ዎꬍዝ ኦስካ መꬍና ደኦ ባዛና ይ ኤርዛ። 16 ክርስቶሳ ፋ ሸምፓ ኑ ግሾስ ኣꬂ እንጌዛይድ ሲቆ አብዛኮ ኑኒ ኤሬዛ። ኑካ ኑ እሽታይ ግሾስ ኑ ሸምፓ ኣꬂ እንጎዳይስ ቤዝዛ። 17 ዝን ሀራ ማዶዳይስ ሳሎ የዝ ኦንካ መትንቴዛና ብእታር፥ ኤስ ቃꬊንታም እጽኮ ፋ ዎዛናይር ጾስ ዶስዛ ጎዳይስ ዋይዚ ዳንዳኤ? 18 ታ ናኡንꬆ፥ ኑኒ ኦሶራኔ ቱማትꬃር ኑ ሲቆ ቤዞዳይስ ቤዝዛፕ አትን ጨረ ኦዳ ኣዳር ዎይ ዶና ማልእꬆ ኣዳር ሲቅንቶዳይስ ቤዞያ።

19 Ꮊይራካ ቱማ አስታ ማቄዝታኔ ጾስ ቲና ህራ ባይꬅ አማንንቲ ሺቆዳይስ ዳንዳእዛና ኤርዛ። 20 ኑ ዎዝናይ ኑል አፋ ፕርድዛ ባዝ ማቅኮካ፥ ጾሲ ኑ ዎዝናይፕ ግታ ማቄዝ ግሾስ ኤ ኡባ ባዝ ኤርዛ።

21 ታ ሲቆ እሹንꬆ፥ ኑ ዎዝናይ ኑል አፋ ፕርዶዋ ባዝ ማቅኮ ኑና ጾስ ቲና ያሽዝ ባዝ ባያ። 22 ኑኒ ኤ አዛዛ ናግዛ ግሾኔ ኤዛ ኡፋይስዝ ባዝ ኦꬅዛ ግሾስ ኑ ዎስዛ ኡባ ኤፕ ኤኮዳ። 23 ክርስቶሳ ኑና አዛዜዛይ ጋርክ ጾስ ናአ የሱስ ክርስቶሳ ሱንꬃይር አማኖዳይ ጋርከኔ ዎል ሲቆዳይ ጋርክ ጾሲ ኑና አዛዜዛ። ዋን. 13:34፤ 15:12፥ 17 24 ጾስ አዛዛ ናግዛ ኦንካ ጾሳር የዛ፤ ጾሳይካ ኤዛር የዛ። ጾሲ ኑስ እንጌዝ ጌሻ አያናይ ባጋር ኤ ኑር የዛና ኤርዛ።