1 ታኒ፥ የሱስ ክርስቶሳ ሀዋራይ ጵጽሮሳ፤ ጳንጾሳ፥ ጋላትያ፥ ቃጳዶቃ፥ ኢሳኔ ብታና ጋደ በተ አስ ጋርክ ላልንቲ የዝ ጾሲ ዶሬዝ፥ አሳይስ Ꮊ ዳብዳባ ጻፌዛ። 2 የሱስ ክርስቶሳስ ይ ኪትንቶድ ጋርከኔ ኤ ሱꬃይር ጌዦዳይ ጋርከ፥ ጾስ አዳይ ፋ ቲና ኤራር ዶሬዝታይስኔ ጌሻ አያናር ጌዤዝ፥ ይንትስ ኣꬎ ኬሃትꬅኔ ሳሮትꬅ ማቆ።

3 የሱስ ክርስቶሳና Ꮊይቆፕ ደንꬂ ፋ ግታ ማሮትꬃይር ናምአንꬆ የልንታይር ꬋቦዋ ኡፋይስ እንጌዝ ኑ ጎዳ የሱስ ክርስቶሳ አዳይ፥ ጾሳይ ጋላትንቶ። 4 ማ ጾሲ ይንትስ ꬋቦዋ፥ ኢቶዛኔ ቡቆዋ ጋደ ሳሎ ጊግሴዛ። 5 የ ላታይ ዎደ ዉርስꬃ ቆንጮዳይስ የዝ አቶትꬅስ ጾስ ዎልቃር አማኖር ይንትስ ናግንቲ የዛ።

6 Ꮊት ጽቃ ዎደስ ይ ዱማ ዱማ ፓጨር ኡንእንትኮካ የይድ ኡፋይቶይታ። 7 የ ፓጫይ ይንታን ሄሌዛይ፥ ታማ ኦልን ꬋብዛ ዎርቀፕ ይ አማናይ ኣꬎኔ ቱማ ማቄዛና ቤዝዛ። የ ፓጭንቴዝ አማናይድ የሱስ ክርስቶሳ ማቂ የኦዳር ጋላታ፥ ቦንቾኔ ሳባ ይ ኤኮዳ። 8 ይ የሱሳ በኤካያ፥ ዝን ኤዛ ሲቅዛ። ይ Ꮊት ኤዛ በኤካ ባዝ ማቅኮካ፥ ኤዛ አማንዛ። ማ ኦዳር ቆንጭሶዳይስ ዳንዳእንቶዋ ኡፋይሳራኔ ቦንቾር ኩሜዛ። 9 ይ አማኖር ናግዛ ይ ሸምፖ አቶትꬃ ኤኮዳ።

10 ኣꬎ ኬሄትꬃይ ባጋር ይንትስ ማቄዝ Ꮊ አቶትꬃይ ባጋ ናብታይ ኤሮዳይስ ሎእꬂ ፕላጊ ኮዬዛ። 11 ኡ ጋንጨ የዝ ክርስቶሳ አያናይ ኤዛ ሄሎድ ዋያኔ የይፕ ጉየ የኦድ ቦንቾ ባጋ ቲናቲ ማርካትታር፥ አይደ ዎይ ዋይዚ ሀኖዳዛኮ አካካር ፕላጊ ኮዬዛ። 12 ናብታይ ኦዴዝ ትንቢታይ ፓስ ባዝን ይንትስ ማቄዛና ጾሲ ኡንትስ ቆንጭሴዛ። Ꮊት አሳይ ይንትስ ኦዴዝ ዎንግለ ሳሎፕ ኪትንቴዝ ጌሻ አያና ዎልቃር ይንትስ ኦዴዛ። ኪታንችታይካ የያ በአዳይስ አሞትዛ።

13 የይ ግሾስ፥ ይ ዎዝና ባርክꬂ ኦሶስ ጊግንቲ፤ ይንታን ሞዲ የሱስ ክርስቶሳ ማቂ የኦዳር ይ ኤኮድ ኣꬎ ኬሃትꬃ ኡፋይሳር ናጎይታ። 14 ኪትንትዛ ናእታ ኣዚ ኤረካዛር ቲና ይ የዜዝ ኢታ አሞ ካልፓተ። 15 ዝን ይንታን ጼጌዝ ጾሳይ ጌሺ ማቄዛይ ጋርክ ይንትካ ይ የሳ ኡባይድ ጌሽታ ማቆይታ። 16 ጌሻ ማጻፋይድ፥ «ታኒ ጌሽ ማቄዝ ግሾስ ይንትካ ጌሽታ ማቆይታ» ግንትንቲ ጻፍንቴዛ። ለዊ. 11:44-45፤ 19:2

17 አስ ስኖ በኤካዛር ፐታይስ ፐታይስ ኤ ኦሳይ ጋርክ ፕርድዛ ጾሳ፥ «አደ» ግ ጼግዝ ባዝ ማቅኮ፥ Ꮊ ሳአ እማꬃትꬅ የሳ ያሻር የዞይታ። 18 ይ፥ ይ አድታይፕ ላቴዝ ፓꬆዋ የሳይፕ ዎዝንቴዛይ፥ ꬋብዛ ብራር ዎይ ዎርቃር ባዛና ይ ኤርዛ። 19 ቦሮ ዎይ ቦርሶ ባ ዱር ማቄዝ አልኦ ክርስቶሳ ሱꬃር ይ ዎዝንቴዛ። 20 ኤ አላመ መꬊንቶዳይፕ ቲና ኤርንቴዛ፥ ዝን Ꮊ ዉርስꬅ ዎደ ይ ግሾስ ቆንጬዛ። 21 ይ አማናይኔ ይ ኡፋይሳይ ጾሳል ማቆዳይ ጋርክ ጾሲ ኤዛ Ꮊይቆፕ ደንꬂ፥ ቦንቼዝ ክርስቶሳ ባጋር ጾሳል አማንንቶዳ። 22 ይ ቱማስ አዛዝንትታር ኡትራባይꬅ እሸትꬅ ሲቆር ሚንꬂ ዎልር ዎዝናፕ ሲቆይታ።

23 ይ ናምአንꬆ የልንቴዛይ ꬋብዛ ዘርꬃፕ ባዝን መꬍናስ የዝ ጾስ ቃላይድ ꬋቦዋ ሼሻፕ የልንቴዛ። 24 ጾስ ቃላይ፥