1 Ꮊተካ ይንታኖ፥ ዱርታዮ፥ ይንታል አፋ ኢታ መታይ ይእዛ ግሾስ ዎ ዎ ግ ዬኮይታ። 2 ይ ሻላይ ቡቄዛ፤ ይ አፍላይካ ብላር ሚንትንቴዛ። ማቶ. 6:19 3 ይ ዎርቃይኔ ይ ብራይ ባልቴዛ። የ ባልትꬃይ ይንትስ ማርካ ማቃዳ። የይካ ይ አሻ ታማ ጋርክ ማዳ። ይ Ꮊ ዉሬዝ ቃምታይድ ይንትስ ሻሎ ጋንꬄዛ። 4 ይንቲ ጋደ ኦꬂ ፔዤዝ አሳይ ከራ ሚሸ ይ ጭግበኤካያ። የይ ይንታል አፋ ኡክዛ። የ አሳይ ኡፋይ ዎልቃማ ጎዳይ ሀየ ስንቴዛ። ናምእ. 24:14-15 5 Ꮊ ሳአል ይንትስ ጊግን ኡፋይሳር የሳዳይስ ቆፒ፥ ሹኮስ ጊግንቴዝ መሄ ጋርክ ይንታን ꬊክ ኦርድሴዛ። 6 ይንታር ኤቅንቶዋዝን ጽላያ ይ ፕርዴዛ፤ ኤዛ ዎꬌዛ።

7 ታ እሹንꬆ፥ ጎዳይ ይእꬃ ጋርዢ ናጎይታ። ዎታር አቅዝ አꬃይ ቶርቼል ቲና እራኔ ጉየ እራ የኦድ ጋꬆ ጋርዢ አልኦ ካꬃ ቢታፕ ዋይዚ ናጊ ሄልꬂ ኤክዛኮ ቆፖይታ። 8 ይንትካ ጋርዦይታ። ጎዳ ይእꬃይ ኡኬዝ ግሾስ ኡፋይሳር ናጎይታ።

9 ታ እሹንꬆ፥ ጾሳይ ይንታል አፋ ፕርዳም ጋርክ ፐታይ ፐታይል አፋ ዝግርፓተ። ፕርድዛይ ፐንገል ኤቄዛ። 10 ታ እሹንꬆ፥ ዋዬር ጋርዤዝ፥ ጎዳይ ሱንꬃር ኦዴዝ ናብታ ኣዝሶ ኡዲ ኤኮይታ። 11 ዳንዳአር ጋርዤዝታ ኑኒ አንጅንቴዝታ ግዛ። ኢዮባ ዋይዚ ጋርዤዛኮ ይ ስኤዛ። ጎዳይ ዉርስꬃል ኤዛ ዋይዚ ማዴዛኮ ይ በኤዛ። ኤ ማሮትꬅኔ ቃ ኩሜዝ ጎዳ ማቄዝ ግሾስ የያ ኦꬄዛ።ኢዮ. 1:21-22፤ 2:10፤ ማዝ. 103:8

12 ዝን ኡባፕ ቲና፥ ታ እሹንꬆ፥ ሳሎር ማቅን ዎይ ሳአር ማቅን ዎይ ሀራ አባራካ ጫቂፓተ። ጾስ ፕርዳ ይ ገላማይጋርከ ይ ኦዳይ ኤ ማቅኮ፥ «ኤ» ጎይታ፤ ዋኣ ማቅኮ፥ «ዋኣ» ጎይታ። ማቶ. 5:34-37

13 ይ ጋንጨ መቶ ኤክዛ ኦንካ የዝኮ ጾሳ ዎሶ። ኡፋይትዛ ኦንካ የዝኮ ጋላታር የጾ። 14 ይንትፕ ሀርግንቴዝ ኦንካ የዝኮ ዎሳ ኬꬅ ጭምታ ጼጎ። ኡ ጎዳይ ሱንꬃር ዎይራ ዛይተ ትዢ ኤዝስ ጾሳ ዎሶ። ማቶ. 5:34-37 15 አማኖር ዎሴዝ ዎሳይ ሀርገር የዛና ፓꬅዛ። ጎዳይ ኤዛ፥ ሀርገፕ ደንꬅዛ፤ ኤ ናጋራ ኦꬄዝ ባዝ ማቅኮካ ጎዳይ ኤዛ ማርዛ። 16 የይ ግሾስ፥ ይ ፓጾድ ጋርክ ይ ናጋራ ፐታይ ፐታይስ ፓጾይታኔ ፐታይ ፐታይስ ዎሶይታ። ጽሎ አስ ዎሳይ ዎልቃማ ኦሶ ኦꬅዛ። 17 ኤላሳ ኑ ጋርክ አስ ዝን እራ ሳአል ቡካማይ ጋርክ ሚንꬂ ጾስ ዎስን ሀይꬒ ላይꬅኔ ኡሱፑን አግና ሳአል እራ ቡከካያ። 1ካት. 17:1፤ 18:1 18 ማቂ ኤ ጾሳ ዎስን ሳሎፕ እራ ቡኬዛ፤ ሳአይካ ካꬃ ዶልሴዛ። 1ካት. 18:42-45

19 ታ እሹንꬆ፥ ይንታፕ ኦንካ ቱማ ኦገፐ ቡትኮ፥ ሀራይ ኤዛ ቱማኮ ማህኮ፥ 20 ናጋራ ኦꬅዛና የ ቡታ ኦገፐ ማህዝ ኦንካ፥ ኤ ሸምፖ Ꮊይቆፕ አሽዛኔ ኤ ጋመ ናጋራይስ ማሮትꬅ እንግዛና ኤሮ። ኣዝ. 10:12፤ 1ጵጽ. 4:8