1 ማካ፥ ማችታዮ፥ ይ አዝንታይስ አዛዝንቶይታ። የይ ጋርክ ፐታይ ፐታይ ጾስ ቃላ አማኖዝታ ማቅኮካ ፋ ማችታይ ሀና ብኢ ቃላ ኦደካዝን አማኖዳይስ ዳንዳእዛ። 2 አማኖዳይስ ዳንዳእዛይ ያሻትꬃራኔ ይ ጌሽ የሳ ብኢ። ኤፍ. 5:22፤ ቆላ. 3:18 3 ይ፥ ይ ኦማ ዳꬃራኔ ዎርቀ ኣꬆር ዎይ ሎኦ ማኦር ቡቁርንቶር ይ አሲ ቤዞር ማቅፐ። 1ጽማ. 2:9 4 ዝን ይ ዎዝናይ ጋንጨ የዝ የገልሳትꬃይ ጾስ ቲና ይንትስ ጋመ አልኦ ማቂ ꬋቦዋ፥ አሽከኔ ዳጭ ጌዝ አያና ማቆ። 5 ጾሲ እንጎድ ጌዛና አማኔዝ ጌሽ ማችታይ ብኒ ዎደ ፋ አዝንታይስ ሃርንቲ፥ ፋና የይ ጋርክ ኡሳ ሎእꬄዛ። 6 የይ ጋርክ ሳራ አፍራመና፥ «ታ ጎዳዮ» ዬጊ ጼግታር፥ ኤስ ኪትንቴዛ፤ አኮካ ያሽተካር ሎኦ ባዝ ኦꬅኮ ይንትካ እ ናእታ። መ. 18:12

7 አዝንታዮ፥ ይ ማችታይ ይንትፕ ዳቡራ መꬎ ማቄዛና ኤሪ፥ ኡንታን ቦንቾይታ፤ ይ ዎሳ ꬉባማይ ጋርክ ጾሲ እንጌዝ ደኦ ኡንቲ ይንታር ዎላ ላትዛ ግሾስ ኡንታን ቦንቾይታ። ኤፍ. 5:25፤ ቆላ. 3:19

8 Ꮊንፕ ጉየ፥ ኡቢታይ ፐቲ ቆፋር የዞይታ። Ꮊንክታይ መታይ ይንታን ሄሌዛይ ጋርክ ኡዶይታ፥ እሸትꬅ ሲቆር ዎል ሲቆይታ፤ ማ ፐታይ ፐታይስ ኬህታኔ አሽክታ ማቆይታ። 9 ኢታ ግሾስ ኢታ ዎይ ጫሽ ግሾስ ጫዢ ማህፓተ፤ የያ አሺ፥ ጾሲ ይንትስ አንጆ እንጎዳይስ ይንታን ጼጌዝ ግሾስ አንጆይታ። 10 አብስ ጊኮ፥ ጌሻ ማጻፋይ፥

13 ይ ሎኦ ባዝ ኦꬆዳይስ አሞትኮ ይንታን ካዮዳይ ኦኖ? 14 ሀራ አቶዝን፥ ጽሎትꬅ ግሾስ ይ ዋይንትኮ አንጅንቴዝታ። አስስ ያሽቲፓተኔ ህርግፓተ። ማቶ. 5:10፤ ኢሳ. 8:12-13 15 ክርስቶሳና ይ ዎዝናፕ ቦንቾይታኔ ጎድ ማሆይታ። ይንትስ እንጌዝ ኡፋይሳ ኦይጭዝ ኦስካ ማህꬅ እንጎዳይስ ኡባ ዎደ ጊጊ በቶይታ፥ ዝን የያ ሃዮትꬃራኔ ያሻር ኡዶይታ። 16 ማ ክርስቶሳር ይ የዝ ሎኦ የሳ ኢታ ባዝ ኦꬄዛይ ጋርክ፥ ይንታን ጫዥዛ አሳይኔ ሀዎዝዝታይ ዬላቶዳይ ጋርክ ይ ካሃይ ጌሽ ማቆ። 17 ጾስ ሸነ ማቅኮ ኢታ ባዝ ኦꬂ ዋየ ኤክዛይፕ ሎኦ ባዝ ኦꬂ ዋየ ኤክዛይ ሎኦ። 18 ክርስቶሳ ኑና ጾስኮ ሺሾዳይስ ፋ ኡባስ ጌሽ ማቂ የዛር፥ ናጋራንችታይስ ኡቢታይስ ላማማይስ ፐቲ ቶኬ ናጋራ ግሾስ Ꮊይቄዛ፤ ኤ ፋ አሰትꬃይር Ꮊይቄዛር፥ ዝን አያናር ፓꬅ። 19 ማ የ አያናይር ኤ Ꮊንጊ አች ካራ የዝ ሸምፕታይስ ቃላ ኦዴዛ። 20 ኖሄ ማርካበ ኬጾዳር የ ሸምፕታይ ጾስስ ኪትንታም እጼዛ፥ ዝን ጾስ ኡንታን ዳንዳኤዛ። ሆስፑን አስ ኣዳ ማርካበ ገሊ፥ ፕርዳ ሃꬃፕ አቴዛ። መ. 6:1—7:24 21 የ ፕርዳ ሃꬃይ Ꮊት ይንታን አሽዛ ጽንቃተ ኣዝሶ ማቄዛ። Ꮊ ጽንቃታይ ጋላ ቅታ ሜጮ ባዝን ሎኦ ካሃር ጾስ ቲና ቃላ ገሎ፥ ክርስቶሳ ደንዶ ባጋር ይንታን አሽዛ። 22 ኤ ሳሎ Ꮊንጊ ጾስ ኡሻቻ በቴዛ፥ ኪታንችታይ፥ ማዉተ አድታኔ ዎልቃምታ ሃርዛ።