1 ክርስቶሳ ፋ አሾር ኑስ መቶ ኤኬዝ ግሾስ ይንትካ ኦላ ሚሸ ዳንጬዝ አስ ጋርክ የ ቆፋይር ሚንጊ ኤቆይታ። ክርስቶሳ ግሾስ ግ ፋ አሾር ዋየ ኤኬዝ አꬃይ ናጋራ ኦꬃም ግ ሙርቴዝ አሲ። 2 የ አꬃይ ፋ አቴዝ ላይꬃ ጾስ ሸነ ኦꬆዳይስ ኮይነፕ አትን ኢታ አሾ አሞ ፖሎዳይስ ባያ። 3 ብኒ ይ አማኖዋ አሳይ የዜዛይ ጋርክ የዜዛ። ይ ቃይጸር፥ ኢታ አሾ አሞር፥ አቆፕ ኣꬅ ኡሻር፥ ማꬄር፥ ቱና ኦꬆ ደንꬅꬅዛ የꬃር፥ የላꬅዛ ኤቃ ጎይኖር ቲና የዜዝ የሳይ ግዶዳ። 4 አማኖዋ አሳይራ ይ የይ ጋርክ ባዛር ቃይጽንቲ ላሶዋ ግሾስ ማላባዝ ግ ይንታን ጫዥዛ። 5 ዝን ኡንቲ ፓጽታይላኔ Ꮊይቄዝታይል አፋ ፕርዶዳይስ የዝ ጾሳይስ ማህꬅ እንጎዳ። 6 Ꮊይቄዝታይስካ ዎንግላይ ሳባክንቴዛይ Ꮊይ ግሾስ። ኡንቲ አሳይሳይ ጋርክ ፋ አሾር ፕርድንቶዳ ማ ፋ አያናር ጾሳይ ጋርክ ደኦ የዞዳ።

7 ይኬ፥ ኡባባዝስ ዉርስꬃይ ኡኬዛ። የይ ግሾስ፥ ዎሶዳይስ ዳንዳእንቶድ ጋርክ ዳጭ ጌዝ ዎዝና ማራራ የዞይታ። 8 ሲቆ ጋመ ናጋራ ካምዛ ግሾስ ኡባይፕ ኣꬂ ዎልር ዎዝናፕ ሲቅንቶይታ። ኣዝ. 10:12 9 ኦሌካዛር ዎል እማꬃትꬃር ሞኮይታ። 10 ይ ጾሳይፕ ኣꬎ ኬሃትꬃይፕ ዱማ ዱማ እሞታ ኤኬዛይ ጋርክ ይ ፐታይ ፐታይ የ እማ ቤዝዛይ ጋርክ አይኪ ዎል ማዶይታ። 11 የሱስ ክርስቶሳ ባጋር ኡባ ባዛር ጾሲ ጋላትንቶዳይ ጋርክ ኦንካ ኦድዛ ባዝ ማቅኮ ጾሳፕ ቃላ ኤኬዛይ ጋርክ ኦዶ። ማ ኦንካ ማድዛ ባዝ ማቅኮ ጾሲ ኤስ እንግዛ ዎልቃይ ጋርክ ማዶ። ቦንቾኔ ዎልቃይ መꬊናፕ መꬍና ሄሎዳይስ ኤስ ማቆ። አምንኤ።

12 ታ ባጉንꬆ፥ ይ ታማ ጋርክ ጹግዝ ዋየ ፓጨ ጋንጨር ኣꬎዳር ኦሮꬅባዝ ሀኔዛይ ጋርክ ማላባዝ ጊፓተ። 13 ዝን ኤ ፋ ቦንቻይር ማቂ የኦዳር ይ ኡፋይሳይ ኡሳ ጉጆዳይ ጋርክ ክርስቶሳ ዋየ ይ ኤክዛይድ ኡፋይቶይታ። 14 ክርስቶሳ ሱንꬃይ ግሾስ አሲ ይንታን ጫዥኮ ጾስ ቦንቾ አያናይ ይንታል አፋ ሸምፕዛ ግሾስ ይ አንጅንቴዝታ። 15 ይንታፕ መቶ ኤክዝ ኦንካ ሸምፖ ዎꬌዝታይ ጋርክ ዎይ ካስቴዝ ዎይ ኢታ ኦꬄዛይ ጋርክ ዎይ ገልሶዋ አቆ ገሌዛይ ጋርክ ሀኒ መቶ ኤክፐ። 16 ሀኖ ዝን፥ ክርስታኔ ማቄዝ ግሾስ መቶ ኤክኮ ክርስቶሳ ሱንꬃይ ግሾስ ጾሳ ጋላቶፕ አትን ዬላትፐ።

17 ፕርዳ ጾስ አሳይፕ አይክዝ ዎደ ሄሌዛ። ይኬ፥ የ ፕርዳይ ቲና ኑል አይክዝባዝ ማቅኮ፥ ጾስ ዎንግላይስ ኪትንቶዋ አሳይ ዉርስꬃይ አብ ማቆዴ? 18 ጽሎ ኡንአር አትዝባዝ ማቅኮ፥ ዡጭታይኔ ናጋራንችታይ የዝን ዋዮደ?ኣዝ. 11:31 19 የይ ግሾስ፥ ጾስ ሸነ ጋርክ መቶ ኤክዝታይ ፋ ሸምፖ ሀዳራ ፋና መꬌዝ፥ አማንꬅዛ ጾሳይስ እንግታር ሎኦ ባዝ ኦꬆ።