1 ይኬ፥ ዎሳ ኬꬅ አቅስዛ ጭማ ማቄዝ ታ፥ ክርስቶሳ ኤኬዝ መታይስ ማርካ ማቄዛኔ ቆንጮዳይስ የዝ ቦንቻ ሻግንቶዳይስ የዝ ታኒ፥ ይ ጋንጨ የዝ ዎሳ ኬꬅ አቅስዛ ጭምታ ዞርዛ። 2 ይ አደትꬃይስ ኦሞር የዝ ጾስ ዉዳ ሄንጎይታ። ጾስ ሸነ ጋርክ ቃራኔ ዶሶራፕ አትን ዎልቃንꬆር ሄንግፓተ። ማ ሚሸ ኮሻር ባዝን ሎኦ ቆፋር ሄንጎይታ። ዋን. 21:15-17 3 ይ አደትꬃፕ ኦሞር የዝ ዉደስ ሎኦ ኣዝሶ ማቆይታፕ አትን ጎዳትፓተ። 4 ሄንግዝታይ ሀላቃይ ማቂ የኦዳር ኣꬎዋ ቦንቾ ዛዉደ ይ ኤኮዳ።

5 የይ ጋርከካ፥ የላግታዮ፥ ጭምታይስ ኪትንቶይታ። ይ ዎልስ ሃዮ ማቆይታ። ጌሻ ማጻፋይድ፥ «ጾስ ኡትርትዝታ እጽዛ፥ ዝን ሀይታይስ ኣꬎ ኬሃትꬃፕ እንግዛ» ዬግዛ። ኣዝ. 3:34 6 ይኬ ጾሲ ፋ ዎደ ይንታን ቦንቾዳይ ጋርክ ዎልቃማ ጾስ ኩሸፕ ኦሞር ይንታን ካዉሾይታ። ማቶ. 23:12፤ ሉቃ. 14:11፤ 18:14 7 ኤ ይንትስ ቆፕዛ ግሾስ ይንታን ህርግስዛ ባዝ ኡባ ኤዛል አፋ ኦሎይታ።

8 ይ ሞርከ ዳቡሎሳ፥ ምቶዳና ኮዪ፥ ጋሞ ጋርክ ጻግታር ይ ካንታር ዩይዛይ ግሾስ ይንታን ሃሮይታኔ ባርኮይታ። 9 አላመል የዝ ይ እሽታይ የይ ጋርክ መቶ ኤኮዳና ኤሪ፥ አማኖር ሚንጊ፥ ጻላሄር ኤቅንቶይታ። 10 ፋ መꬍና ቦንቻይስ ክርስቶሳ የሱሳ ባጋር ይንታን ጼጌዝ ኣꬎ ኬሃትꬅ ኡባይ ጾሳይ፥ ጽቃ ዎደስ ይ መቶ ኤኬዛይፕ ጉየ፥ ኤ ፋ ኦማስ ይንታን ፎሎ ኡዶዳ፥ ካትሶዳ፥ ሚንꬂ ኤሶዳ፥ ጻጵሶዳ። 11 መꬊናፕ መꬍና ሄሎዳይስ ቦንቾኔ ዎልቃ ኤስ ማቆ። አምንኤ።

12 አማንንቴዝ እሸ ግ ታ ኤክዝ ስላሰ ባጋር Ꮊ ዳብዳባ ይንትስ ሃታር ጻፌዛ። ታ የያ ይንትስ ጻፌዛይ፥ ይንታን ዞሮዳይስኔ ጾስ ኣꬎ ኬሃትꬃይ ቱማ ማቄዛና ማርካታቶዳይሲ። የ ኣꬎ ኬሃትꬃይድ ሚንጊ ኤቆይታ። ሀዋ. ኦ. 15:22፥ 40

13 ይንታር ዎላ ዶርንቴዝ ባብሎነ *ባብሎነር፦ Ꮊ አቆ ባብሎነ ጊንትንቴዛይ ኦሮመ ካታማ ማቅꬅ አተና። ግንትንትዝ ኦሮመ የዝ ዎሳ ኬꬅ ታ ናአ ማርቆሳ ይንታን፥ «ሳሮ ሳሮ» ዬግዛ። ሀዋ. ኦ. 12:12፥ 25፤ 13:13፤ 15:37-39፤ ቆላ. 4:10፤ ፍልሞ. 24 14 ሲቆ ዬራ ዬርንትታር፥ ዎል ሳሮꬆይታ።

ክርስቶሳር የዝ ይንትስ ኡባይስ ሳሮ ማቆ። አምንኤ።