1 ታ ይንትኮ የኦዳር Ꮊይ ሃይꬒንꬆ። አባ ሞቶካ ናምአር ዎይ ሀይꬒ ማርካር ሚንግዛ። ናምእ. 17:6፤ 19:15 2 ታኒ ናምእንꬆ ይንታን ሄሌዝ ዎደ ይ ጋንጨ ቲና ናጋራ ኦꬄዝ አꬃኔ Ꮊንክታ ኡባ ሴሮ አሻሚ ግ ኦዳይል ጉጄዛ። Ꮊት ታ ሃኪ የዝኮካ ማቂ ይንትኮ Ꮊንጌዝ ዎደ ኦስካ ቃꬊንታሚ።

3 ታር የዝ ኦድዛይ ክርስቶሳ ማቄዛና ይ ኤሮዳይስ ኮይዛ። ኤ ይንታር ኦድታር ዎልቃማፕ አትን ይ ጋንጨ ዳቡራ ባያ። 4 ክርስቶሳ ማዝቃለል አፋ ዳቡራር ሶትንቴዛ፥ ዝን ጾስ ዎልቃር ደኦ የዝዛ። ኑካ ኤዛር ዳቡርታ ማቄዛ። ዝን ይንታር ኦꬅዛ ኦሳይር ጾስ ዎልቃር ደኦ የዞዳ።

5 አማኖር ሚንጊ የዛኮ ይንታን ይንትስ ፓጪ ቦኦይታ። ፓጨር ይ ፖከካ አትኮ፥ ክርስቶሳ ይንታር የዛና ይ ኤርዛ። ዝን ክርስቶሳ ይንታር የዛም እጽኮ ይ ፖኮዳ። 6 ኑኒ ፓጨር ፖኮዋዛና ይ ኤርዛ ግ አማንዛ።

7 ይ ኢታ ባዝ ኦꬃማይ ጋርክ ኑኒ ጾስ ዎስዛ። ኑኒ ምኖ ማቄዛና አሳይ በአዳይ ጋርክ ባዝን ኑኒ ምኖ ማቃም እጽኮካ፥ ይ ሎኦ ባዝ ኡዶድ ጋርክ ኑኒ ዎስዛ። 8 ኑኒ ቱማስ ኦꬅነፕ አትን ቱማር ኤቅንትዛባዝ አብካ ኦꬃሚ። 9 ኑ ዳቡሮዳር ይ ማ ምንግኮ ኑና ኡፋይስዛ። ይ ቦሮ ባዝታ ማቆዳይ ጋርክ ኑ ይንትስ ጾሳ ዎስዛ።

10 ታኒ ይንትፕ ሃኮ የዛር ጻፌዛይ የይ ግሾስ። ታኒ ይንትኮ Ꮊንጌዝ ጋላስ ጎዳይ ታስ እንጌዝ ማዉታይል አንክቲ ይንታል አፋ ጎዳቶዳይስ ኮዮያ። ጎዳይ ታስ ማዉተ እንጌዛይ፥ ይንታን ሚንꬆዳይሳፕ አትን ላሎዳይስ ባያ።

11 Ꮊይፕ ገደ ታ እሹንꬆ፥ ሳሮ የዞይታ። ቦሮ ባይꬅ የዞይታ፤ ታ ዞራ ስኦይታ። ፐቲ ዎዛና ማቂ የዞይታ፤ ሳሮትꬃር የዞይታ። ሲቆኔ ሳሮ እንግዝ ጾሳይ ይንታር ማቆዳ።

12 ጌሽ ዬራ ዬርንቶር፥ ዎል ሳሮꬆይታ። 13 ጾሳ አሳይ ኡባይ ይንታን ሳሮ ሳሮ ዬግዛ።

14 ጎዳ የሱስ ክርስቶሳ ኣꬎ ኬሃትꬃይ፥ ጾስ ሲቃይ፥ ጌሻ አያና ፐትፐተꬃይ ይ ኡባይር ማቆ።