ጳዉሎሳ ጋላትያ አሳይስ ጻፌዝ ኪታ
ገሎ
የሱሳ አሽዛያ ማቄዛና ኦድዛ ዎንግለ ቃላይ ዱማ ዱማ አቆ ሳባክንትን፥ አይሁደ ባ አስታይ አማንታር አማንታር Ꮊማዳር «ክርስታነ ማቆዳይስ ሙሰ ህገ ፖሎዳይስ ኮሽነኔ ኮሾሳ?» ዬጊ ዎል ኦይጬዛ። የ ዎደ ጳዉሎሳ፥ «ክርስታኔ ማቆዳይስ ሙሰ ህገ ፖሎዳይስ ኮሾያ፤ የሱሳር ኦሮꬅ ደኦ ደንጎዳይስ ኮሽዛይ የሱሳ አማኖ። አሳይ ጾስ ቲና ጽሎዳይስ ዳንዳእዛይ አማኖ ኣዳራ» ዬጊ ታማርሴዛ። ዝን ጽቃ ኢስያ ጋንጨ፥ ጋላትያ አዉራጃ የዝ ዎሳ ኬꬃ የዝ አሳይ ጋንጨ፥ «አሲ ጾስ ቲና ጽሎዳይስ የሱሳና አማኖ ኣዳ ባዝን ሙሰ ህጋካ ፖሎዳይስ ኮሽዛ» ዬጊ ጳዉሎሳ ትምርታና እጽዛ አስታይ የዛ።
ጳዉሎሳ ጋላትያ ማጻፈ ጻፌዛይ፥ የ ቡታ ትምርታይር ባልንቴዝ አሳ ቱማ አማናይኮኔ አማኖር የስኮ ማሆዳይሲ። ጳዉሎሳ የሱሳ ሀዋረ ማቅዛና ትልሲ ኦዶ አይኬዛ። ኤዛ ሀዋረ ኡዲ ጼጌዛይ አስ ባዝን ጾስ ማቄዛናኔ ኤ ኪትንቴዛይ አይሁደ ባ አሳይስ ማቄዛና ፓዲ ኦዴዛ። የይር አይስꬂ አሳይ ጾስ ቲና ጽሎዳይስ ዳንዳእዛይ አማኖር ኣዳ ማቄዛና ኦድዛ። ዉርስꬅ ሸምፕታይ አማኖር የሳይ የሱሳ አማኖር በንትዝ ሲቆፕ ከዝዛ ማቅዛና ኦድዛ።
ጋላትያ ኪታይ አይኬዝ ቆፍታ
ገሎ 1:1-10
ጳዉሎሳ ሀዋረትꬅ ማዉተ 1:11—2:21
ጾስ ኣꬎ ኬሄትꬅ ዎንግለ 3:1—4:31
ዋሎትꬅኔ አማኖር የስ 5:1—6:10
ኩስተ ቆፋ 6:11-18
1
1 አሳፕ ዎይ አስ ባጋር ባዝን የሱስ ክርስቶሳፕ ኤዛ Ꮊይቆፕ ደንꬄዝ ጾስ አዳይፕ ሀዋረ ማቃድ ጋርክ ኪትንቴዝ ታ ጳዉሎሳ፥ 2 ታር የዝ አማንዛ እሽታይ ኡቢታይፕ፥ ጋላትያ ጋደ የዛ ዎሳ ኬꬅታይስ ኪትንቴዝ ኪታ።
3 ጾስ ኑ አዳይፐ ኑ ጎዳ የሱስ ክርስቶሳፐ ይንትስ ኣꬎ ኬሃትꬅኔ ሳሮትꬂ ማቆ።
4 Ꮊ ኢታ አላማይፕ ኑና አሾዳይስ፥ ኑ ጾሳይኔ ኑ አዳይ ሸነር ክርስቶሳ ኑ ናጋራ ግሾስ ፋና ኣꬂ እንጌዛ። 5 ጾሳይስ መꬊናፕ መꬍና ሄሎዳይስ ቦንቾ ማቆ። አምንኤ።
ቱማ ዎንግላይ ፐቶ
6 ክርስቶሳ ኣꬎ ኬሃትꬃር ይንታን ጼጌዝ ጾሳ አሺ፥ ሀራ ዎንግላይኮ ይ ኤልሲ ዋይዚ ማቄዛኮ ታስ ማላባዝ ማቄዛ። 7 ይንታን ባልꬅታራኔ ክርስቶሳ ዎንግለ ዎብሶዳይስ ኮይዝ ፐቲ ፐቲ አስታይ የዛፕ አትን ቱማ ዎንግላይ ፐቶ። 8 ዝን ኑና ማቅን ዎይ ሳሎ ኪታንቾ ማቅን ኑን ይንትስ ቲና ኦዴዝ ዎንግላይፕ ዱማትዛ ሀራ ዎንግለ ይንትስ ኦዴዝባዝ ማቅኮ፥ ኤ ጫዥንቴዛ ማቆ። 9 Ꮊይፕ ቲና ታኒ ጌዛይ ጋርክ Ꮊተካ ማሂ ግዛ። ይ ኤኬዝ ዎንግላይፕ ዱማትዛ ዎንግለ ኦንካ ይንትስ ኦድኮ የ አꬃይ ጫዥንቴዛ ማቆ።
10 የዝን፥ ታና አሲ ናሽቾድ ጋርክ ኮይነኔ? ጾሲ ናሽቾድ ጋርኬ? ታ አስ ኡፋይሶዳይሶኔ? ታ አስ ኡፋይሶዳይስ ኮይዝ ባዝ ማቅኮ፥ ክርስቶሳ አይለ ማቃምዝን።
ጳዉሎሳ ሀዋረተꬅስ ጼግንቴዛ
11 ታ እሹንꬆ፥ ታ ይንትስ ኦዴዝ ዎንግላይ አሳፕ ሀነካዛ ይ ኤሮድ ጋርክ ታ ኮይዛ። 12 ታስ Ꮊ ዎንግላ የሱስ ክርስቶሳ ዶዬዛፕ አትን አሳፕ ኤከካያ ዎይ አሲ ታና ታማርሰካያ።
13 ታ ቲና አይሁድታይ አማናይድ የዝ ዎደ ዋይዚ የዜዛኮ፥ ይ ስኤዛ። ታ ጾሳ ዎሳ ኬꬅ ባይኦዳይስኔ ꬋብሶዳይስ ቡትቴዛ። ሀዋ. ኦ. 8:3፤ 22:4-5፤ 26:9-11 14 አይሁድታይ አማና ናጎር ታኒ፥ ታ ዎዳይድ የዝ ጋመ አይሁደ ዳብታይፕ ኣꬍዛ። ኑ አድታይ ዎጋይስካ ኡባፕ ኣꬂ ምጭንትዛ። ሀዋ. ኦ. 22:3
15 ዝን ታ ሀጋ የልንቶዳይፕ ቲና ጾሳይ ታና ዶሬዛ፤ ፋ ኣꬎ ኬሃትꬃራ ታና ጼጌዛ። ሀዋ. ኦ. 9:3-6፤ 22:6-10፤ 26:13-18 16 አይሁደ ባ አሳይስ ዎንግለ ኦዶድ ጋርከ ጾሳይ ፋ ናአ ታስ ቆንጭሶዳይስ ኮዬዝ ዎደ ታ ኦራካ ዞርንተካያ። 17 ዎይ ታፕ ቲና ሀዋረ ማቄዝታይር ዎል ሄሎዳይስ የሩሳላመ Ꮊንገካያ። ዝን ታ ቲናቲ አራበ ቢታ Ꮊንጌዛ፤ የይፕ ማቂ ዳማስቆ ካታማ የኤዛ። 18 ሀይꬒ ላይꬃፕ ጉየ፥ ኬፋ ግንትዝ ጵጽሮሳ ሄሎዳይስ የሩሳላመ Ꮊንጊ ኤዛር ዎላ ታጶ እችን ቃማ በቴዛ። ሀዋ. ኦ. 9:26-30 19 ዝን ጎዳይ እሻ ያይቆባፕ አትን Ꮊንኮ ሀዋርታ ታ በኤካያ።
20 ታ ይንትስ ጻፍዛይ ዎርዶ ባዛና ጾስ ቲና ይንትስ ኦድዛ።
21 የይፕ ጉየ፥ ታኒ ሶራ ቢታኔ ክልቃ ቢታ Ꮊንጌዛ። 22 ይሁዳ ጋንጨ የዝ ዎሳ ኬꬅ አሳይ ታና ብኢ ኤረካያ። 23 ዝን ኡንቲ፥ «ካሰ ኑና ባይእꬅዝ አꬃይ፥ Ꮊት ኤ ꬋብሶዳይስ ኮይዝ አማናይ ባጋ ሳባክዛ» ዬግዛና ስኤዛ። 24 ስኤዝ ኡባይ ታ ባጋስ ጾሳ ጋላቴዛ።