ኦሮꬅ ጫቆ ሀዋርታይ ኦሶ 1

ሀዋርታይ ኦሶ

ገሎ

ሀዋርታይ ኦሶ ማጻፋይ፥ ሉቃሳ ዎንግለፕ ካሊ ጻፍንቴዝ ማጻፈ። Ꮊ ማጻፋይስ የዝ ዋና ቆፋይ ቲና የሱሳና ካሌዝ አስታይ ጌሻ አያናይ ካልꬅን፥ ኤባዝ ኦድዛ ዎንግለ ቃላ፥ የሩሳላመ፥ ይሁዳ ቢታ ኡባይል፥ ሳማረ፥ ሳአ ጋጻፕ ጋጻ ሄሎዳይስ (1:8) ዋይዚ ሄልꬄዛኮ ኦድዛ። ማጻፋይ፥ አማኖ አይሁደ አስታይፕ አይኪ፥ ኩንꬅ አላመል የዝ አስ ኡባይስ አማኖ ማቆድ ሄሎዳይስ ዋይዚ ዳልጌዛኮ ኦድዛ ታርከ። Ꮊ ማጻፋ ጻፌዛይ፥ አማንዛ አስታይ ኦሮመ ካተትꬃ ላሎዳይስ ጋንጨር ቶብንትዛ አስ ባዛኔ አማኖ አይሁድታይ ሀይማኖተ ፎሎ ኦꬅዛ ማቄዛና ኤርሶዳይስ ሚንጊ ኦꬄዛ።

ሀዋርታይ ኦሶ ማጻፋይድ የሱሳ ባጋ ኦድዛ ዎንግላይ ሄልዛ አቆ ኡባ ዎደ ዳልግታር ዳልግታር Ꮊንግዛኔ ዎሳ ኬꬅ ኤቆ ቆንጭስዝ ሀይꬒ ኣፈ አቆ ሻክንቶዳይስ ዳንዳእዛ፦

1. አማኖ የሩሳላመ ጃማሬዛይ የሱሳ ሳሎ ከዝኒ።

2. አማኖ እስሬለ ጋደ ኡባ ሄሎ ባጋ።

3. ኦሮመ ጉጂ መድትራነ አባ ዩሻር የዝ ጋደ ኡባይድ ዳልጌዛና ቤዝዛ።

ሀዋርታይ ኦሶ ማጻፋይድ ኣꬊ በንትዛይ ጌሻ አያና ኦሶ ማቆዳር፥ ጰንጸቆስጸ ጋላስ የሩሳላመ የዝ አማንዝታይል አፋ ዎልቃር ዎꬌዛና ኦድዛ። የይ ጋርከካ፥ ማጻፋይ ጋንጨ ቆንጬዝ ኦስታ ኡባይል በንቴዛይ ጋርክ ጌሻ አያናይ ዎሳ ኬꬅኔ ዎሳ ኬꬅ አቅስዝታ ካልꬄዛኔ ምንꬃꬄዛ ጉጂ ኦድዛ። ሀዋርታይ ኦሳይ ጋንጨ ኦስንቴዝ ኦስታይካ ኪታይ አማንዛ አሳይ ደኦላኔ ዎሳ ኬꬅ ፐትፐተꬃይድ የዝ ዎልቃይ አብ ጋርክ ዳማዛኮ ቤዝዛ።

ሀዋርታይ ኦሶ ማጻፋይ አይኬዝ ቆፍታ

ማርካተꬅስ ጊግንቶ 1:1-26

የሱሳ ዉርስꬅ ኪታኔ ጌሻ አያና ባጋ እንጌዝ ቃላ 1:1-14

ይሁዳ አቆ ማታሳ ዶርንቶ 1:15-26

የሩሳላመ ማርካትꬂ 2:1—8:3

ይሁዳኔ ሳማረ ማርካትꬅ 8:4—12:25

ጳዉሎሳ ሀዋረትꬅ ኦሳ 13:1—28:31

ቲና ሀዋረትꬅስ Ꮊሞ 13:1—14:28

የሩሳላመ ሺቆ 15:1-35

ናምአንꬆ ሀዋረትꬅ Ꮊሞ 15:36—18:22

ሃይꬓንꬅ ሀዋረትꬅ Ꮊሞ 18:23—21:16

ጳዉሎሳ የሩሳላመ፥ ቅሳራኔ ኦሮመ አጭንትꬃ 21:17—28:31

1-2 ቶፍሎሳ፥ የሱሳ ፋ ኦሳ አይኬዝ ዎደፕ ሳሎ Ꮊንጌዝ ጋላስ ሄሎዳይስ፥ ኦꬄዝባዝኔ ታማርሴዝባዝ ኡባ ታኒ ታ ቲና ማጻፋይድ ጻፌዛ። ሳሎ Ꮊንጎዳይፕ ቲና ኤ ፋ ዶሬዝ ሀዋርታ ጌሻ አያናር አዛዜዛ። 3 ኤ ፋ ኢታ ዋያ ኤኬዛይፕ ጉየ Ꮊይቆፕ ደንዴዛና ጋመ ማርካትꬃር ስ ባይꬅ ቆንጭሲ ኡንትስ ፋና ቤዜዛ። ኦይታም ጋላስ ኡንትስ ቆንጪ ጾስ ካተትꬅባጋ ኡንታን ታማርሴዛ። 4 ፐቲ ዎደ ኡንታራ ዎላ የዛር ኡንታን Ꮊይ ጋርክ ዬጊ ኪቴዛ፦ «ታ ይንትስ ኦዴዛ፥ ታ አዳይ እማድ ጌዝ ኡፋይስ ቃላ ናጎይታፕ አትን የሩሳላመፕ ኬዝፓተ። 5 አብስ ጊኮ፥ ዋንሳ ሃꬃር ጻማቄዛ፥ ዝን ጽቃ ዎደፕ ጉየ ጌሻ አያናር ይ ጻማቅንቶዳ» ዬጌዛ።

የሱሳ ሳሎ Ꮊንጌዛ

6 ሀዋርታይ የሱሳና ሄሊ ኤኮ፥ «ጎዳዮ፥ እስራኤልታይስ ነ ካተትꬃ ማህዝ ዎዳይ Ꮊያኔ?» ዬጊ ኦይጬዛ።

7 የሱሳ ኡንትኮ፥ «ታ አዳይ ፋ ማዉተር ኦꬅዛ ዎዳኔ ላይꬃ ይ ኤሮዳይስ ዳንዳኦያ። 8 ዝን ጌሻ አያናይ ይንታል አፋ ዎꬍዝ ዎደ ይ ዎልቃ ኤኮዳ። የይፕ፥ ጉየ የሩሳላመ፥ ይሁዳ ጋደ ኡባይል፥ ሳማረራኔ ቢታ ጋጻፕ ጋጻ ሄሎዳይስ ይ ታስ ማርክታ ማቆዳ» ዬጌዛ።

9 የያ ጌዛይፕ ጉየ ኡንቲ በአዳር፥ ꬎቅ ꬎቅ ግ፥ ሳሎ ኬዝን ሻራካ ኤዛ ኡ ኣፋይፕ ጌንꬄዛ።

10 የሱሳ Ꮊማዳር ኡንቲ ሳሎ ፉደ በአዳር፥ ቦꬅ ማኦ ማኤዝ ናምኢ አስታይ ቆፐካዝን ኡ አቻ ኤቂ፥ 11 «ጋልላ አሳዮ፥ ሳሎ ብእታር፥ ይ አብስ ኤቄኔ? Ꮊ ይ በአዳር ሳሎ ቅቴዝ የሱሳ Ꮊኒ ጋርክ ማቂ የኦዳ» ዬጌዛ።

ይሁዳ አቆ ማታሳ ዶርንቴዛ

(ማቶ. 27:3-10)

12 የይፕ ጉየ፥ ሀዋርታይ ዳብረ ዛይተ አምባላፕ የሩሳላመ ማቄዛ። ዳብረ ዛይተ አምባይ የሩሳላመፕ ማላ ጋላሳ የꬍꬅ ጋርክ ሃክዛ። 13 ኡንቲ የሩሳላመ ገሊ፥ ፎቄል አፋ ከዜዛ። ኡንትካ *፦ ጵጽሮሳ፥ ዋንሳ፥ ያይቆባ፥ እንድራሰ፥ ፍልጶሳ፥ ቶማሳ፥ ባርቶሎሞሳ፥ ማቶሳ፥ ኢልፎሳ ናአ ያይቆባ፥ ቃናትዛ † ስሞናኔ ያይቆባ ናአ ይሁዳ። 14 Ꮊይትታይ ኡባይ ማችታይር፥ የሱሳ እንዳት ማራምራኔ የሱሳ እሽታይራ ኡባይ ፐቲ ዎዝናር ማቂ ኡባ ዎደ ሚንጊ ዎስዛ።

15 የ ዎደ ጵጽሮሳ ጼታኔ ላታም ማቅዝ አማንዛ አሳይ ሺቄዝ አቆ ደንዲ ኤቂ፥ Ꮊይ ጋርክ ዬጌዛ፦ 16 «ታ እሹንꬆ፥ የሱሳና አይኬዝታ ካልꬄዝ ይሁዳ ባጋ ጌሻ አያናይ ቲና ዳዉተ ዶናር ኦዴዝ ጾስ ቃላይ ፖልንቶዳይስ ቤዝዛ። 17 ይሁዳ ኑር ዎላ Ꮊ ኦሳ ኦꬆዳይስ ማራጽንቴዝ አሲ።»

18 ዝን ይሁዳ ኢታ ኦሶር ደንጌዝ ሚሻይር ጋደ ዎንጌዛ። ኤ ስኖር ፖክን፥ ኤ ኡላይ ፔꬊንትን፤ ኤ ማራጫይ ዛዝንቴዛ። 19 ይሁዳል አፋ ሀኔዝባዛ የሩሳላመ የዝ አስ ኡባይ ስኤዛ። የይ ግሾስ፥ የ ጋዳ ፋ ጋደ ዶናር «አካልዳማ» ጌዛ። አኬልዳማ ጉሳይ ሱꬅ ቢታ ጉሲ።

20 «የይካ ማዝሙረ ማጻፋይድ፥

«‹ኤ ካራይ ካሎ አቶ፤

ኦንካ ኤዛይድ የዝፔ።

ማ ኤ ሹማትꬃ ሀራይ ኤኮ› ግንትንቲ ጻፍንቴዛ።»

21 «የይ ግሾስ፥ ጎዳ የሱሳ ኑ ጋንጨ ዩዜዝ ዎደ ኡባይድ ኑር የዝታይፐ፥ 22 ማ ጻማቅዛ ዋንሳ ዎዳይፕ አይኪ ጎዳ የሱሳ ሳሎ Ꮊንጌዝ ጋላስ ሄሎዳይስ ኑር የዝታይፕ ፐቲ አሲ ኤ ደንዳይስ ኑር ማርካ ማቆዳይስ ቤዝዛ» ዬጌዛ።

23 የይ ግሾስ፥ አሳይ ዶሮዳይስ ዮስጾሳ ግዝ ባርሳባሳ ግንትንትዛ ዮሴፋኔ ማታሳ ናምእታ ሺሼዛ። 24 የይፕ ጉየ፥ ጾስ ዎስታር፥ «አስ ኡባ ዎዝና ኤርዛ ጎዳዮ፥ Ꮊ ናምእታይፕ ነ ኦና ዶሬዛኮ ኑና ቤዞባ። 25 ይሁዳ ፋ አቃ ቅቲ፥ አሼዝ ኦሳኔ ሀዋረትꬅ ኦሳ ኤኮዳይ ጋርክ Ꮊይትታይፕ ኑና ቤዞባ» ዬጌዛ። 26 ኡንታል አፋ እጻ ኦልን ኢጻይ ማታሳል አፋ ዎꬍን ማታሳ ታጶ ፐቲ ሀዋርታይል አፋ ጉዥንቴዛ።

1:1-2 ሉቃ. 1:1-4

1:4 ሉቃ. 24:49

1:5 ማቶ. 3:11፤ ማር. 1:8፤ ሉቃ. 3:16፤ ዋን. 1:33

1:8 ማቶ. 28:19፤ ማር. 16:15፤ ሉቃ. 24:47-48

1:9 ማር. 16:19፤ ሉቃ. 24:50-51

*1:13 ማላ ጋላስ የꬊꬅ ጋርክ ጉሳይ ፐቲ ክሎ መትረ ኦገ ጉስ

†1:13 ቅናትዛ ጉሳይ አይሁድታይ አማኖ ዎጋስኔ ፋ ጋደስ ምጭንትዛ አስ

1:13 ማቶ. 10:2-4፤ ማር. 3:16-19፤ ሉቃ. 6:14-16

1:22 ማቶ. 3:16፤ ማር. 1:9፤ ሉቃ. 3:21