1 ጰንጸቆስጸ ግዝ ጋላሳይ ሄሌዝ ዎደ አማንዛ አስ ኡባይ ፐቲ አቆ ሺቂ የዛ። ለዊ. 23:15-21፤ ናምእ. 16:9-11 2 ቆፐካዝን ዎልቃማ ጎተ ጋርክ ጉምዝ ጉምꬃይ ሳሎፕ ይኢ ኡንቲ የዝ ኬꬃ ኩሜዛ። 3 ታማ ላꬅ ኣዝዝ እራንꬅታይ ኡንትስ በንትታር፥ ሻግንቲ ሻግንቲ ኡንታል ኡባይል አፋ በቴዛ። 4 ኡንቲ ኡባይ ጌሻ አያናር ኩሚ ዱማ ዱማ ዶናር ኦድንቶዳይ ጋርክ ጌሻ አያናይ ኡንታን ኡድን ኦድንቶ አይኬዛ።

5 የ ዎደ ቢታ ኡባፕ የኤዝ ጾስስ Ꮊሽትዝ አይሁድታይ የሩሳላመ የዛ። 6 የ ጉምꬃ ስኢ ጋመ አሳይ ሺቄዛ። አማንዛ አሳይ ኡ ጋደ ዶናር ኦድንቶዳር ስኤዝ ግሾስ 7 Ꮊይ ማላባዝ ግ፥ «Ꮊ ኦድንትዛ አስ ኡባይ ጋልላ አስ ባሳ? 8 የዝን፥ ኑኒ፥ ኑ የልንቴዝ ቢታ ዶናር ኡንቲ ኦድንቶዳር ዋይዚ ስኦዳይስ ዳንዳኤኔ? 9 ኑኒ ጳርጸ፥ ሜደ፥ ኤላመ፥ መሶጶታመ *መሶጶታመ ጉሳይ ናምኢ ሃꬅታይ ጋንጨ ጉሲ የ ሃꬅታይካ ኤጲራቶሳኔ ትግራ የዝታይ፥ ይሁዳ፥ ቃጳዶቃ፥ ጳንጾሳ፥ ኢስያ፥ 10 ጵርገ፥ ጵንፍለ፥ ግብጸ፥ ቃርና አቻ የዝ ሊባ የዝታ። ኑፕ ባግትይካ ኦሮመፕ የኤዝ አስታ። 11 አይሁድታይኔ አይሁደትꬃ አማኖ ገሌዝ አስታይ፥ ቃርጼሳኔ አራበ አስታይ፥ ጾሲ ኦꬄዝ ግታ ኦሳ ኑ ቃላይር ኦዶዳር ስእዛ» ዬጌዛ። 12 ኡባይ ማላባዝ ግ፥ ጎድባዝ ꬋብን ዎልኮ፥ «Ꮊይ አብ ማቆደሻ?» ዬጌዛ። 13 ዝን Ꮊንክታይ፥ «የይትታይ ኡዢ ማꬄምባይ» ዬጊ ኡንታል አርኤዛ።

14 ዝን ጵጽሮሳ፥ ታጶ ፐቲ ሀዋርታይራ ደንዲ ኤቂ፥ ፋ ቃላ ꬎቅ ኡዲ፥ ኡንትኮ Ꮊይ ጋርክ ዬጊ ኦዴዛ፦ «አይሁድታዮ፥ የሩሳላመ የዝ ኡቢታዮ፥ ታኒ ኦድዛ ስኦይታ። 15 ዎንታፕ ሀይꬒ ሳተ ማቄዝ ግሾስ ይ ቆፕዛይ ጋርክ Ꮊ አስታይ ማꬄካያ፤ የይ ይንትስ ኤርንቶ። 16 ዝን Ꮊይ ሀኔዛይ ናበ ኢዩኤላ ኦዴዛይ ፖልንቶዳይ ጋርከስ

22 «እስሬለ አሳዮ፥ Ꮊ ቃላ ስኦይታ። ናዝረተ የሱሳ ኦናትꬃይ፥ ጾሲ ይ ጋንጨ ኦꬄዝ ዎልቃማ ኦሳይራኔ ማላትታይር ይንትስ ቆንጭዛ ይ፥ ይ ኡባስ ኤርዛ። 23 ጾስ ቲና ፋ ኤራራኔ ፋ ሸናይር የሱሳ ይንትስ አꬊ እንግንቴዛ። ይ ኤዛ ህገ ባ አስታይ ኩሸር ማዝቃለል አፋ ሶትስ ይ ዎꬌዛ።ማቶ. 27:35፤ ማር. 15:24፤ ሉቃ. 23:33፤ ዋን. 19:18 24 ዝን ጾስ Ꮊይቆ ዎልቃ ꬋብሲ ኤዛ ደንꬄዛ። የይ ግሾስ፥ Ꮊይቆ ኤዛ አይኮዳይስ ዳንዳኤካያ። ማቶ. 28:5-6፤ ማር. 16:6፤ ሉቃ. 24:5 25 ዳዉተ ኤ ባጋ ኦድታር፥

29 «ታ እሹንꬆ፥ ኑ አዳ ዳዉተ ባጋ ታ ይንትስ ጌሺ ኦዶዳ። ዳዉተ Ꮊይቂ ሞግንቴዛ፤ ኤ ዱፋይ Ꮊይኖ ሄሎዳይስ ኑ ካለ የዛ። 30 ዳዉተ ናበ ማቄዝ ግሾስ ጾስ ኤ ሼሻይፕ ፐታ ኤ ካተትꬃ ዙፋናይል አፋ በትꬆዳይስ ኤስ ጫቄዝ ጫቃ ኤርዛ። 31 የይ ግሾስ፥ ክርስቶሳ ደንዳ ቲና ብኢ፥ ‹ኤ ሸምፓይ ስኦለ አተካያ፤ ኤ አሰትꬃይካ ዎቀካያ› ግ ኦዴዛ። ማዝ. 132:11፤ 2ሳም. 7:12-13

32 «ጾሲ፥ Ꮊ የሱሳ Ꮊይቆፕ ደንꬄዛይስ ኑኒ ኡባይ ማርካ። 33 የይ ግሾስ፥ ጾሲ ፋ ኡሻቻ ኤዛ ꬎቅ ꬎቅ ኡዲ፥ ኤስ እንጎድ ግንትንቴዝ ጌሻ አያናይ ኡፋይሳ ፋ ጾስ አዳይፕ ኤኪ፥ Ꮊያ ይ Ꮊት ብእዛኔ ስእዛ ኑል አፋ ጎግሴዛ። 34-35 የይካ፥ ዳዉተ ፋ ኦማስ ሳሎ Ꮊንገካያ ዝን፦

36 «የይ ግሾስ፥ Ꮊ ይ ማዝቃለል አፋ ሶቴዝ የሱሳ፥ ጾሲ ኤዛ ጎዳኔ ክርስቶሳ ማሄዛና እስሬለ አስ ኡባይ ቱማፕ ኤሮ» ዬጌዛ።

37 አሳይ ጵጽሮሳ ጌዛ ስእን ኡ ዎዝናይ ቦችንትን ጵጽሮሳኔ Ꮊንኮ ሀዋርታይኮ፥ «ኑ ኢሹንꬆ፥ የዝን ኑኒ አብ ኡዶ?» ዬጌዛ።

38 ጵጽሮሳ ኡንትኮ፥ «ይ ናጋራይ አቶ ግንትንቶዳይ ጋርክ ናጋራይፕ ማቂ፥ ይ ፐታይ ፐታይ የሱስ ክርስቶሳ ሱንꬃር ጻማቅንቶይታ። ጾስ እንግዛ ጌሻ አያና ይ ኤኮዳ። 39 የይካ ጾሲ እንጎድ ጌዝ ኡፋይስ ቃላይ ይንትሲ፥ ይ ናእታይስኔ ጎዳይ ኑ ጾሳይ ፋክ ጼግዝ ሃኮ የዝ ኡቢታይስ» ዬጌዛ።

40 ጵጽሮሳ ኡንትስ ሀራ ቃላካ ጉጂ ማርካቲ፥ «Ꮊ ዎደ ዡጫ አሳይል አፋ የኦዳይስ የዝ ፕርዳይፕ ይንታን አሾይታ» ዬጊ ዞሬዛ። 41 ጵጽሮሳ ኦዴዛና ኤኬዝታይ ጻማቅንቴዛ። የ ጋላስ ሀይꬒ ሙኩለ ማቅዝ አሳይ አማኒ ጉጅንቴዛ። 42 ኡንቲ ሀዋርታይ ትምርታይድ፥ ፐትፐተꬃር፥ ካꬃ ዎላ ሙሳራኔ ጾስ ዎሳር ሚንጌዛ።

43 ሀዋርታይ ኩሸ ጋመ ኦሮꬅባዝኔ ማላባዝ ሀኔዛይ ግሾስ አስ ኡባይ ያሽቴዛ። 44 አማኔዝ ኡቢታይ ዎላ የዝዛ፤ ፓስ የዛ ባዝ ኡባ ፐትፕ ሻግንቴዛ። ሀዋ. ኦ. 4:32-35 45 ኡንቲ ፓስ የዛ ባዝ ባይዚ ሚሸ ፐታይስ ፐታይስ ኮሽዛይ ጋርክ ሻግዛ። 46 ኡባ ጋላስ ፐቲ ዎዝናር ማቂ ጾስ ካራ ሺቅዛ። ፋ ካራ ፐታይ ፐታ ጼጊ ኡፋይሳራኔ አሽከ ዎዝናር ካꬃ ሚዛ። 47 ጾስ ጋላትታር አስ ኡባይር ሳብንቴዛ። ጎዳይ አማኒ አትዝታ ጋላስ ጋላስ ኡንታል አፋ ጉጅዛ።